Feature Post

ដើម្បីរួម​ចំណែក​ថែរក្សា និង​ការពារ​ធន​ធាន​ជល​ផល​សមុទ្រ​កម្ពុជា​ឱ្យមាន​និរន្តរ​ភាព ការនេសា​ទ​ត្រី​កាម៉ុង​ក្នុង​រដូវ​ពង​កូន ដែល​ចាប់​ផ្ដើម​ពីថ្ងៃទី​ ១៥​ ខែមក​រាដល់​ថ្ងៃទី​ ៣​១ ខែមីនា​ខាងមុខ គឺ​ត្រូវបា​ន​​ហាមឃា​ត់​​ជាដាច់​ខា​ត។ នេះ​បើយោ​ងសេ​ចក្ដីជូន​ដំណឹង​រប​ស់​រដ្ឋបាល​ជលផ​ល​ នៃក្រសួង​កសិកម្ម​ រុក្ខា​ប្រមា​ញ់ និង​នេសាទ​។ ប្រភព៖ Phnom Penh PostRead More

ត្បូងឃ្មុំ៖ បងស្រីឈ្មោះ គ្រឹម សាណះ អាយុ៣៦ឆ្នាំ (ដូចរូបខាងក្រោម) ជាអ្នករស់នៅជុំអះទី៩ ក្នុងភូមិជំនីក ឃុំជំនីក ស្រុកក្រូចឆ្មារ ខេត្តត្បូងឃ្មុំ បានបាត់ខ្លួន កាលពីវេលាយប់ ថ្ងៃទី៦ ខែមករា ឆ្នាំ២០២៣ កន្លងទៅ។ បើតាមក្រុមគ្រួសារ បានអោយទូរទស្សន៍មូស្លីមកម្ពុជាដឹងនៅថ្ងៃទី១៦ ខែមករា ឆ្នាំ២០២៣ ថា មុនកើតហេតុ នាវេលាម៉ោង៦ល្ងាច ថ្ងៃកើតហេតុខាងលើ ជនរងគ្រោះនិងក្រុមគ្រួសារ បាននាំគ្នាទៅដើរលេងនិងមើលគេជិះកន្ត្រកវិល នៅឯទីលានបាល់ទាត់ហាជ្ជីហ្វីកក្រីជំនីក រហូតដល់ម៉ោងជិត៩យប់ ក៏នាំគ្នាត្រឡប់មកផ្ទះវិញជាធម្មតា។ លុះបន្តិចក្រោយមក អំឡុងម៉ោង៩យប់ ថ្ងៃដដែល ស្រាប់តែមិនឃើញគាត់ ដោយមិនដឹងបាត់ទៅណា។Read More

នៅព្រឹក ថ្ងៃអាទិត្យ ៩រោច ខែបុស្ស ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី១៥ ខែមករា ឆ្នាំ២០២៣ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានដឹកនាំគណៈប្រតិភូជាន់ខ្ពស់អញ្ជើញទៅបំពេញទស្សនកិច្ចផ្លូវការ នៅសាធារណរដ្ឋម៉ាល់ឌីវ ពីថ្ងៃទី១៥ ដល់ថ្ងៃទី១៧ ខែមករា ឆ្នាំ២០២៣។ តាមការឲ្យដឹងពីក្រសួងការបរទេសនិងសហប្រតិបត្តិការអន្តរជាតិបានឲ្យដឹងថា តបតាមការអញ្ជើញរបស់ ឯកឧត្តម អ៊ីប្រាហ៊ីម ម៉ូហាមេដ សូលី (Ibrahim Mohamed Solih) ប្រធានាធិបតី នៃសាធារណរដ្ឋម៉ាល់ឌីវ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នឹងដឹកនាំគណៈប្រតិភូជាន់ខ្ពស់អញ្ជើញទៅបំពេញទស្សនកិច្ចផ្លូវការ នៅសាធារណរដ្ឋ ម៉ាល់ឌីវ ពីថ្ងៃទី១៥ ដល់ថ្ងៃទី១៧ ខែមករា ឆ្នាំ២០២៣។Read More

នៅព្រឹកថ្ងៃទី១៣ ខែមករា ឆ្នាំ២០២៣ ឯកឧត្តម វ៉ី សំណាង អភិបាល នៃគណៈអភិបាលខេត្តកំពង់ស្ពឺ បានអញ្ជើញចុះពិនិត្យស្ថានភាពជំនន់ទឹកភ្លៀង នៅសង្កាត់កណ្ដោលដុំ ក្រុងច្បារមន ដែលបង្កឲ្យមានផលប៉ះពាល់ ដល់ហេដ្ឋា រចនាសម័ន្ធ ផ្លូវថ្នល់ ផលដំណាំផ្សេងៗស្ថិតនៅក្នុងភូមិថ្មី ភូមិកោះវៀន សង្កាត់កណ្ដោលដុំ ក្រុងច្បារមន ខេត្តកំពង់ស្ពឺ ។ ឯកឧត្តម វ៉ី សំណាង បានផ្តាំផ្ញើដល់ប្រជាពលរដ្ឋទាំងអស់ ត្រូវខិតខំថែរក្សាសុខភាព និងមានការ ប្រុងប្រយ័ត្នខ្ពស់ចំពោះ កូនចៅតូចៗ ខ្លាចលង់ទឹកដោយប្រការផ្សេងៗ ដែល​អាចបណ្តាលឲ្យបាត់បង់អាយុជីវិត និងបានណែនាំឲ្យអាជ្ញាធរដែនី ត្រូវអញ្ជើញបងប្អូនប្រជាពលរដ្ឋ ដែលលិចលង់ផ្ទះសម្បែង មកកាន់ទីទួល មានសុវត្ថិភាព បណ្តោះអាសន្ន​សិន​ ទម្រាំ​ទឹក​ស្រក​ចាំ​វឹល​ត្រឡប់​ទៅ​កាន់​លំនៅឋាន​វិញ​ និង​ត្រូវ​ចាត់​ចែង​កងកម្លំាង​ការពារ​សន្តិសុខ​សុវត្ថិភាព​ ជូនជូនពួកគាត់ឲ្យបានល្អ។ ប្រភព៖ រដ្ឋបាលខេត្តកំពង់ស្ពឺRead More

ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន និងឯកឧត្តម ផៃ ស៊ីផាន រដ្ឋមន្ត្រី ប្រតិភូអមនាយករដ្ឋមន្ត្រី​និងជាប្រធានអង្គភាពអ្នកនាំពាក្យរាជរដ្ឋាភិបាល អញ្ជើញជាអធិបតីកិច្ចប្រជុំពិភាក្សា និងផ្សព្វផ្សាយ ស្តីពី “យុទ្ធសាស្ត្រនយោបាយព័ត៌មាន” ដើម្បីបំផុស ផ្សព្វផ្សាយនូវទស្សនទាន និងសមិទ្ធផល ក្នុងអាណត្តិទី៦ របស់រាជរដ្ឋាភិបាល ដែលបានអនុវត្តនៅថ្នាក់ក្រោមជាតិ ដែលរៀបចំដោយអង្គភាពអ្នកនាំ ពាក្យរាជរដ្ឋាភិបាល ដែលមានសមាសភាពចូលរួមជាអ្នកនាំពាក្យ មកពីគ្រប់ ក្រសួង-ស្ថាប័ន អភិបាលរង ទទួលបន្ទុកកិច្ចការនាំពាក្យ និងប្រធានមន្ទីរព័ត៌មាន រាជធានី-ខេត្ត នាព្រឹកថ្ងៃទី១២ ខែមករា ឆ្នាំ២០២៣ នៅទីស្តីការក្រសួងមហាផ្ទៃ រាជធានីភ្នំពេញ។Read More

អបអរសាទរ! មន្ត្រីខ្មែរឥស្លាមចំនួន២រូប ត្រូវបានរាជរដ្ឋាភិបាលផ្តល់សេចក្តីទុកចិត្ត តែងតាំងជាអភិបាលរងស្រុកកែវស៊ីមា និងស្រុកកោះញែក នៃខេត្តមណ្ឌលគិរី មណ្ឌលគិរី៖ មន្ត្រីខ្មែរឥស្លាមចំនួន២រូប ត្រូវបានរាជរដ្ឋាភិបាលផ្តល់សេចក្តីទុកចិត្ត តែងតាំងជាអភិបាលរងស្រុកកែវស៊ីមា និងស្រុកកោះញែក នៃខេត្តមណ្ឌលគិរី។ ក្នុងនោះរួមមាន៖ ១. លោក សុះ មីឡែន ជាអភិបាលរងស្រុកកែវស៊ីមា ២. លោក សា ស្លីម ជាអភិបាលរងស្រុកកោះញែក៕Read More

ពិធីបិទការប្រកួតកីឡាបាលទាត់ដណ្ដើមពានរង្វាន់៧មករា ឯកឧត្តមបណ្ឌិត ហ៊ុន ម៉ាណែត ដើម្បីអបអរថ្ងៃជ័យជំនះ៧មករា រដូវកាលទី២ ឆ្នាំ២០២៣ ក្នុងស្រុកក្រូចឆ្មារ ប្រព្រឹត្តទៅក្រោមអធិបតីភាព ឯកឧត្តម ឆាយ វណ្ណា សមាជិកព្រឹទ្ធសភានិងឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តត្បូងឃ្មុំ។ ចំពោះការរៀបចំការប្រកួតនេះ ឯកឧត្តមបណ្ឌិត ហ៊ុន ម៉ាណែត បានឧបត្ថម្ភថវិកាចំនួន ១០លានរៀល ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តត្បូងឃ្មុំ ឧបត្ថម្ភថវិកា០៥លានរៀល ព្រមទាំងសប្បុរសជននានា។ ឆ្លងកាត់ការប្រកួតយ៉ាងស្វិតស្វាញរយៈពេល៥ថ្ងៃ ដែលមានក្រុមបាល់ទាត់ចូលរួមប្រកួតចំនួន១៦ក្រុម ជាលទ្ធផល *ចំណាត់ថ្នាក់លេខ១ បានទៅលើក្រុម ស.ស.យ.ក.ស្រុកតំបែរ ក្នុងខេត្តត្បូងឃ្មុំ ដែលទទួលបានពានរង្វាន់១ មេដាយមាសចំនួន២៣គ្រឿង និងប្រាក់រង្វាន់ចំនួន៨លានរៀល *ចំណាត់ថ្នាក់លេខ២ បានទៅលើក្រុម គោព្រៃជយោ ក្នុងខេត្តកំពង់ចាម ទទួលបានមេដាយប្រាក់ចំនួន២៣គ្រឿង និងប្រាក់រង្វាន់ចំនួន៦លាន *លេខ៣បានទៅលើក្រុមមហាហង្សលើទាលភ្លោះ ក្នុងខេត្តក្រចេះ ទទួលប្រាក់រង្វាន់ចំនួន៤លានរៀល និងលេខ៤ក្រុមអធិរាជតេជោសែនជំនីក ក្នុងឃុំជំនីក ស្រុកក្រូចឆ្មារ ខេត្តត្បូងឃ្មុំនេះតែម្តង ទទួលបានប្រាក់រង្វាន់ចំនួន២លានរៀលផងដែរ៕Read More

សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ពេលព្រឹកថ្ងៃទី១១ ខែមករា ឆ្នាំ ២០២៣ នេះ បានអនុញាតិឱ្យឯកឧត្តម វ៉ាហ៊ីត គីរីស៊ី (Vahit Kirisci) រដ្ឋមន្ត្រីក្រសួងកសិកម្ម រុក្ខាប្រមាញ់ នៃសាធារណរដ្ឋតួគី ចូលជួបសម្ដែងការគួរសម និងពិភាក្សា នៅវិមានសន្តិភាព។ ឯកឧត្តម អ៊ាង សុផល្លែត ជំនួយការផ្ទាល់សម្ដេចតេជោ បានឱ្យដឹងនៅក្រោយជំនួបថា ឯកឧត្តម វ៉ាហ៊ីត បានគោរពពាំនាំនូវការផ្ដាំផ្ញើសួរសុខទុក្ខពីឯកឧត្តមប្រធានាធិបតីតួគី ជូនចំពោះសម្ដេចតេជោ ហើយក៏បានសូមសម្ដែងនូវការអបអរសាទរជូនសម្ដេចតេជោ និងចំពោះប្រជាជនកម្ពុជាទាំងមូល ដែលទទួលបានជោគជ័យយ៉ាងត្រចះត្រចង់អំពីការរៀបចំ និងដឹកនាំកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធកន្លងទៅថ្មីៗនេះ។Read More

ព្រឹត្តិការណ៍ប្រកួតបាលទាត់ដណ្តើមពានរង្វាន់​ ឯកឧត្តមបណ្ឌិត​ ហ៊ុន​ ម៉ាណែត​ រដូវកាលទី២​ ឆ្នាំ២០២៣ បានមកដល់ហើយ ! ក្រុមកីឡាករបាល់ទាត់ដែលចាប់អារម្មណ៍ចូលរួមប្រកួតដណ្តើមពានរង្វាន់នេះអាចរួសរាន់ដាក់ពាក្យដូចសេចក្តីជូនដំណឹងខាងក្រោម !Read More