A man shouts slogans as people gather after a two-week ceasefire in the Iran war was announced, in Tehran, Iran, April 8, 2026. Majid Asgaripour/WANA (West Asia News Agency) via REUTERS ATTENTION EDITORS – THIS PICTURE WAS PROVIDED BY A THIRD PARTY.
អ៊ីរ៉ង់ប្រកាស «ជ័យជម្នះជាប្រវត្តិសាស្ត្រ» លើសហរដ្ឋអាមេរិក ដោយអះអាងថាសត្រូវត្រូវបង្ខំចិត្តទទួលយកសំណើរបស់ខ្លួន
អ៊ីរ៉ង់បានប្រកាសពី «ការបរាជ័យជាប្រវត្តិសាស្ត្រ និងយ៉ាងធ្ងន់ធ្ងរ» របស់សហរដ្ឋអាមេរិក និងរបបអ៊ីស្រាអែល បន្ទាប់ពីសង្គ្រាមរយៈពេល ៤០ ថ្ងៃ ដោយប្រកាសថា ទីក្រុងវ៉ាស៊ីនតោនត្រូវបានបង្ខំឱ្យទទួលយកសំណើរបស់អ៊ីរ៉ង់ចំនួន ១០ ចំណុច ដែលរួមមានបទឈប់បាញ់ជាអចិន្ត្រៃយ៍ ការលើកលែងទណ្ឌកម្មទាំងអស់ និងការដកកងកម្លាំងប្រយុទ្ធរបស់សហរដ្ឋអាមេរិកចេញពីតំបន់។នេះបើតាមការចុះផ្សាយដោយសារព័ត៌មានអ៊ីរ៉ង់ Press TV នៅព្រឹកថ្ងៃពុធទី៨ ខែ មេសា ឆ្នាំ២០២៦។
នៅក្នុងសេចក្តីថ្លែងការណ៍មួយផ្ញើទៅកាន់ជនរួមជាតិរបស់ខ្លួន ក្រុមប្រឹក្សាសន្តិសុខជាតិជាន់ខ្ពស់បាននិយាយថា សត្រូវបានទទួលបរាជ័យដែលមិនអាចប្រកែកបាន ហើយឥឡូវនេះ «គ្មានផ្លូវទៅមុខក្រៅពីការចុះចូលនឹងឆន្ទៈរបស់ប្រជាជាតិដ៏អស្ចារ្យរបស់អ៊ីរ៉ង់ និងការតស៊ូដ៏ថ្លៃថ្នូរនោះទេ»។
ការប្រកាសនេះធ្វើឡើងនៅថ្ងៃទី ៤០ នៃសង្គ្រាមរវាងសហរដ្ឋអាមេរិក និងអ៊ីស្រាអែលលើអ៊ីរ៉ង់ ដែលបានចាប់ផ្តើមជាមួយនឹងការធ្វើឃាតមេដឹកនាំបដិវត្តន៍អ៊ីស្លាម Ayatollah Seyyed Ali Khamenei និងមេបញ្ជាការជាន់ខ្ពស់កាលពីថ្ងៃទី ២៨ ខែកុម្ភៈ។
