សហភាពអឺរ៉ុប (EU) បានប្រកាសដាក់ទណ្ឌកម្មលើជនជាតិអ៉ីស្រាអែល ៥នាក់ និងអង្គភាពចំនួន ៣ ដោយសារការំលោភសិទ្ធិមនុស្សប្រឆាំងជនជាតិប៉ាឡេស្ទីន
សហភាពអឺរ៉ុប (EU) បានប្រកាសដាក់ទណ្ឌកម្មលើជនជាតិអ៉ីស្រាអែល ៥នាក់ និងអង្គភាពចំនួន ៣ ដោយលើកឡើងថា ពួកគេគឺជាអ្នកទទួលខុសត្រូវចំពោះ «ការរំលោភសិទ្ធិមនុស្សមនុស្សធ្ងន់ធ្ងរ និងជាប្រព័ន្ធ» ប្រឆាំងជនជាតិប៉ាឡេស្ទីន នៅតំបន់ West Bank និង East Jerusalem។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃអង្គារ ទី១៦ ខែកក្កដា ឆ្នាំ ២០២៤។
ក្នុងចំណោមអ្នករងទណ្ឌកម្មមានក្រុមមួយឈ្មោះ Tzav 9 ដែល EU និយាយថា តែងតែបានរារាំងរថយន្តជំនួយដឹកមនុស្សធម៌ ដូចជាអាហារ ទឹក និងប្រេងឥន្ធនៈ ទៅកាន់តំបន់ហ្កាហ្សា។ ក្រៅពីនោះក៏មាន លោក Ben-Zion Gopstein ស្ថាបនិក និងជាមេដឹកនាំអង្គការ Lehava និង Isaschar Manne ដែល EU ពិពណ៌នាថា ជាអ្នកបង្កើតប៉ុស្តិ៍ត្រួតពិនិត្យគ្មានការអនុញ្ញាត នៅតំបន់ West Bank។ Fresh News
