កាលពីថ្ងៃទី១២ខែមេសាឆ្នាំ២០២៤ រដ្ឋាភិបាលបានបង្កើតក្រុមការងារគ្រប់គ្រងការផ្សព្វផ្សាយ ពាណិជ្ជកម្មគ្រឿងស្រវឹង ដែលមានភារកិច្ច តម្រង់ទិសក្នុងការរៀបចំយន្តការអនុវត្ត និងបទដ្ឋានបច្ចេកទេសលើការគ្រប់គ្រងការផ្សព្វផ្សាយ ពាណិជ្ជកម្មផលិតផលគ្រឿងស្រវឹង និង កំណត់វិធានការបច្ចេកទេសសម្រាប់ការផ្សព្វផ្សាយពាណិជ្ជកម្មផលិតផលគ្រឿងស្រវឹង ព្រមទាំង រៀបចំសណ្តាប់ធ្នាប់នៃការផ្សព្វផ្សាយពាណិជ្ជកម្មផលិតផលគ្រឿងស្រវឹង តាមគ្រប់មធ្យោបាយប្រព័ន្ធ ផ្សព្វផ្សាយ និងការដាក់តាំងបង្ហាញជាសាធារណៈនៅគ្រប់ទីកន្លែង ដើម្បីលើកកម្ពស់សោភណភាព និងសុវត្ថិភាព។
បន្ទាប់មកក្រុមការងារគ្រប់គ្រងការផ្សព្វផ្សាយពាណិជ្ជកម្មគ្រឿងស្រវឹង កាលពីថ្ងៃទី១៤កុម្ភះឆ្នាំ២០២៥បានចេញលិខិតមួយ ជូនដំណឹងដល់ម្ចាស់ក្រុមហ៊ុនផលិត នាំចូល ចែកចាយ និងភ្នាក់ងារផ្សាយពាណិជ្ជកម្មផលិតផលគ្រឿងស្រវឹងទាំងអស់ ត្រូវទៅបំពេញបែបបទស្នើសុំផ្សព្វផ្សាយពាណិជ្ជកម្មផលិតផលគ្រឿងស្រវឹងនៅលេខាធិការដ្ឋានក្រុមការងារនេះដែលស្ដិតនៅទីស្តីការក្រសួងព័ត៌មានឱ្យបាន មុនថ្ងៃ១៦ ខែមីនាឆ្នាំ២០២៥ ពោលគឺមានកំហិតរយៈពេល១ខែ ចាប់ពីថ្ងៃទី១៤ខែកុម្ភៈ រហូតដល់ថ្ងៃទី១៥ ខែមីនា ឆ្នាំ២០២៥។
សេចក្តីណែនាំនេះ បានធ្វើឡើងក្រោយពីក្រុមការងារគ្រប់គ្រងការផ្សព្វផ្សាយ ពាណិជ្ជកម្មគ្រឿងស្រវឹងសង្កេតឃើញថា នៅពេលថ្មីៗនេះ មានក្រុមហ៊ុន និងភ្នាក់ងារផ្សាយពាណិជ្ជកម្មមួយចំនួន បានធ្វើការផ្សាយពាណិជ្ជកម្ម ផលិតផលគ្រឿងស្រវឹង តាមអាហ្វីស ប៉ាណូ ប៉ាណូអេឡិចត្រូនិក និងប្រព័ន្ធផ្សព្វផ្សាយសោតទស្សន៍ដោយ គ្មានការអនុញ្ញាតពី ក្រុមការងារគ្រប់គ្រងការផ្សព្វផ្សាយ ពាណិជ្ជកម្មគ្រឿងស្រវឹង បំពានច្បាប់ លិខិតបទដ្ឋានគតិយុត្តជាធរមាន និងគោលការណ៍ ១៧ចំណុច ស្តីពីការផ្សាយពាណិជ្ជកម្មផលិតផលគ្រឿងស្រវឹង ធ្វើឱ្យប៉ះពាល់សណ្តាប់ធ្នាប់សង្គម សុខភាពសាធារណៈ និងការប្រកួតប្រជែងមិនសុចរិត។
ខ្លឹមសារលិខិតបានបញ្ជាក់ថា ផុតរយៈពេលកំណត់ខាងលើ ក្រុមការងារគ្រប់គ្រងការផ្សព្វផ្សាយពាណិជ្ជកម្មគ្រឿងស្រវឹង នឹងសហការជាមួយក្រសួង ស្ថាប័ន អាជ្ញាធរមាន សមត្ថកិច្ចពាក់ព័ន្ធចុះរុះរើអាហ្វីស ប៉ាណូផ្សាយពាណិជ្ជកម្មផលិតផលគ្រឿងស្រវឹងដែលល្មើសច្បាប់ ដោយមិនទទួលខុសត្រូវចំពោះការខូចខាត ហើយតម្រូវឱ្យម្ចាស់ក្រុមហ៊ុន ឬភ្នាក់ងារផ្សាយពាណិជ្ជកម្ម និងអ្នកពាក់ព័ន្ធ ចេញថ្លៃសំណងការរុះរើ ព្រមទាំងចាត់វិធានការ តាមនីតិវិធីច្បាប់ចំពោះបុគ្គលដែលធ្វើអាជីវកម្មល្មើសច្បាប់។
យោងតាមឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៍មាននិងជាប្រធានក្រុមការងារគ្រប់គ្រងការផ្សព្វផ្សាយពាណិជ្ជកម្មគ្រឿងស្រវឹង បានបញ្ជាក់ថា គោលការណ៍នៃការគ្រប់គ្រងការផ្សព្វផ្សាយពាណិជ្ជកម្មគ្រឿងស្រវឹង បានកំណត់ឱ្យមានការផ្សព្វផ្សាយពាណិជ្ជកម្មគ្រឿងស្រវឹង ឫភេសជ្ជៈដែលមានជាតិស្រវឹង ត្រឹម ៥០ភាគរយប៉ុណ្ណោះនៃចំនួនប៉ាណូសរុបដែលមានស្រាប់នៅ តាមបណ្តារាជធានី-ខេត្តហើយ៥០ភាគរយទៀត អាចធ្វើការផ្សព្វផ្សាយពីផលិតផលមិនមែនគ្រឿងស្រវឹង ឫអំពីសក្តានុពល ឬ សមិទ្ធផលរបស់ខេត្ត-រដ្ឋាភិបាល ដែលអាចជាការចូលរួមចំណែកពីសំណាក់ម្ចាស់ផលិតផលនានា ឫម្ចាស់ទីតាំងផ្ទាំងប៉ាណូផ្ទាល់៕
Cr:AKP
លោកស្រី Dr. Hayat Al-Sindi កើតនៅ ថ្ងៃទី៦ ខែវិច្ឆិកា ឆ្នាំ១៩៦៧ ក្នុងទីក្រុង មាក្កះនៃប្រទេសអារ៉ាប៊ីសូឌីត។ គាត់បានមានឱកាសចាកចេញទៅសិក្សានិងបណ្តុះបណ្តាលផ្នែកភាសាសអង់គ្លេសនៅប្រទេសអង់គ្លេស (more…)
ម៉ាឡេស៊ី ស្នើឱ្យមានការបញ្ជូន និងដាក់ពង្រាយកងកម្លាំងទាហានពិសេសម៉ាឡេសុីនៅតំបន់ព្រំដែនជម្លោះកម្ពុជា-ថៃ ដើម្បីត្រួតពិនិត្របទឈប់បាញ់ និងធានាថាមិនមានការរំលោភលើកិច្ចព្រមព្រៀង (more…)
រដ្ឋាភិបាលជប៉ុន ផ្តល់ជំនួយ ១.៨លានដុល្លារអាមេរិក ដើម្បីឆ្លើយតបទៅនឹងតម្រូវការផ្នែកមនុស្សធម៌នៅកម្ពុជា ដែលកំពុងរងគ្រោះដោយសារជម្លោះព្រំដែនកម្ពុជា-ថៃ (more…)
ហ្សាការតា៖ អគ្គលេខាធិការនៃក្រសួងការពារជាតិ លោកឧត្តមសេនីយ Tri Budi Utomo បានឱ្យដឹងថា ក្រោមបទបញ្ជាផ្ទាល់របស់ប្រធានាធិបតីឥណ្ឌូនេស៊ី (more…)
បើយោងតាមឯកសារប្រវត្តិសាស្ត្រឥស្លាមជាច្រើនបានឱ្យដឹងថា មហាក្សត្រីយ៍នៃនគរសាហ្ពាក់ ឬគេស្គាល់ថា ស្តេចស្រីហ្ពាល់គីស គឺជាស្ត្រីដែលមានអំណាច (more…)
សាសនិកឥស្លាមនៅខេត្តកំពង់ឆ្នាំង ដឹកនាំគណៈអ៊ីម៉ាំខេត្តកំពង់ឆ្នាំងរួមគ្នាថ្វាយបង្គំ បួងសួង សុំពរជ័យពីអុលឡោះជាម្ចាស់ ជួយថែរក្សាទឹកដីកម្ពុជានិងជួយការពារឲ្យបានសេចក្ដីសុខ គ្រប់ប្រការជូន វីរជនកងទ័ពសមរភូមិមុខ កំពុងឈរជើងការ ពារទឹកដី ពីការឈ្លានពានរបស់ប្រទេសជិតខាង (more…)