រដ្ឋមន្ត្រីការបរទេសជប៉ុន លោកស្រី Kamikawa Yoko កាលពីថ្ងៃអង្គារ បាននិយាយថា ការប្រព្រឹត្តអំពើហឹង្សាលើជនជាតិប៉ាឡេស្ទីនពីសំណាក់អ្នកតាំងលំនៅអ៊ីស្រាអែលជ្រុលនិយម និងខុសច្បាប់ក្រោមច្បាប់អន្តរជាតិ គឺជារឿងដែលមិនអាចទទួលយកបានជាដាច់ខាត។
លោកស្រី Kamikawa បាននិយាយនៅក្នុងសន្និសីទសារព័ត៌មានថា “ប្រទេសជប៉ុនមានការព្រួយបារម្ភយ៉ាងខ្លាំងចំពោះអំពើហិង្សាដោយអ្នកតាំងលំនៅ នៅវេសប៊ែង” ។ ប្រទេសជប៉ុនប្រកាន់គោលជំហររបស់ខ្លួនថា សកម្មភាពតាំងទីលំនៅរបស់អ៊ីស្រាអែល គឺរំលោភលើច្បាប់អន្តរជាតិ និងធ្វើឱ្យប៉ះពាល់ដល់លទ្ធភាពនៃដំណោះស្រាយរដ្ឋពីរ។ ផ្អែកលើគោលជំហរនេះ យើងបានជំរុញយ៉ាងខ្លាំងក្លាដល់រដ្ឋាភិបាលអ៊ីស្រាអែល ឱ្យបញ្ឈប់សកម្មភាពទាំងស្រុង។ នេះបើតាមការផ្សាយដោយសារព័ត៌មាន Arab News នៅថ្ងៃទី១៤ ខែមីនា ឆ្នាំ២០២៤។
លោកស្រី បាននិយាយថា “រដ្ឋាភិបាលជប៉ុនជំរុញយ៉ាងខ្លាំងក្លាឱ្យរដ្ឋាភិបាលអ៊ីស្រាអែលលុបចោលការសម្រេចចិត្តនេះ ហើយបង្កកទាំងស្រុងនូវសកម្មភាពទូទាត់របស់ខ្លួន។ ប្រទេសជប៉ុនបានដឹងហើយថា ប្រទេសមួយចំនួននៅអឺរ៉ុប និងសហរដ្ឋអាមេរិកបានប្រកាសហាមប្រាមការចូលមកកាន់អ្នកតាំងលំនៅនៅអ៊ីស្រាអែលមួយចំនួន។ នេះជាការគូសបញ្ជាក់របស់លោកស្រី ហើយបានបន្ថែមថា៖ “យើងនឹងបន្តធ្វើការឆ្លើយតបជាចាំបាច់”។ “អំពើហឹង្សាដោយអ្នកតាំងលំនៅអ៊ីស្រាអែលជ្រុលនិយម គឺមិនអាចទទួលយកបានទេ ហើយយើងនឹងបន្តបង្ហាញយ៉ាងច្បាស់ពីជំហររបស់យើង ហើយសិក្សាថាតើការឆ្លើយតបបែបណាដែលសមស្របបំផុត។ យើងក៏នឹងបន្តទាក់ទងទៅរដ្ឋាភិបាលអ៊ីស្រាអែល ដើម្បីចាត់វិធានការសមស្រប”។
យោងតាមតួលេខរបស់អង្គការសហប្រជាជាតិ បានបង្ហាញថា ការវាយប្រហារប្រចាំថ្ងៃពីសំណាក់អ្នកតាំងទីលំនៅអ៊ីស្រាអែលជ្រុលនិយម លើជនជាតិប៉ាឡេស្ទីន ក្នុងទឹកដីដែលកាន់កាប់ដោយអ៊ីស្រាអែល បានកើនឡើងទ្វេដងចាប់តាំងពីការវាយប្រហារដ៏គួរឱ្យភ្ញាក់ផ្អើលរបស់ក្រុមហាម៉ាសលើអ៊ីស្រាអែល កាលពីថ្ងៃទី៧ ខែតុលា និងការវាយលុកជាបន្តបន្ទាប់ពីសំណាក់អ៊ីស្រាអែលទៅលើតំបន់ហ្គាហ្សារបស់ប៉ាឡេស្ទីន៕
លោកស្រី Dr. Hayat Al-Sindi កើតនៅ ថ្ងៃទី៦ ខែវិច្ឆិកា ឆ្នាំ១៩៦៧ ក្នុងទីក្រុង មាក្កះនៃប្រទេសអារ៉ាប៊ីសូឌីត។ គាត់បានមានឱកាសចាកចេញទៅសិក្សានិងបណ្តុះបណ្តាលផ្នែកភាសាសអង់គ្លេសនៅប្រទេសអង់គ្លេស (more…)
ម៉ាឡេស៊ី ស្នើឱ្យមានការបញ្ជូន និងដាក់ពង្រាយកងកម្លាំងទាហានពិសេសម៉ាឡេសុីនៅតំបន់ព្រំដែនជម្លោះកម្ពុជា-ថៃ ដើម្បីត្រួតពិនិត្របទឈប់បាញ់ និងធានាថាមិនមានការរំលោភលើកិច្ចព្រមព្រៀង (more…)
រដ្ឋាភិបាលជប៉ុន ផ្តល់ជំនួយ ១.៨លានដុល្លារអាមេរិក ដើម្បីឆ្លើយតបទៅនឹងតម្រូវការផ្នែកមនុស្សធម៌នៅកម្ពុជា ដែលកំពុងរងគ្រោះដោយសារជម្លោះព្រំដែនកម្ពុជា-ថៃ (more…)
ហ្សាការតា៖ អគ្គលេខាធិការនៃក្រសួងការពារជាតិ លោកឧត្តមសេនីយ Tri Budi Utomo បានឱ្យដឹងថា ក្រោមបទបញ្ជាផ្ទាល់របស់ប្រធានាធិបតីឥណ្ឌូនេស៊ី (more…)
បើយោងតាមឯកសារប្រវត្តិសាស្ត្រឥស្លាមជាច្រើនបានឱ្យដឹងថា មហាក្សត្រីយ៍នៃនគរសាហ្ពាក់ ឬគេស្គាល់ថា ស្តេចស្រីហ្ពាល់គីស គឺជាស្ត្រីដែលមានអំណាច (more…)
សាសនិកឥស្លាមនៅខេត្តកំពង់ឆ្នាំង ដឹកនាំគណៈអ៊ីម៉ាំខេត្តកំពង់ឆ្នាំងរួមគ្នាថ្វាយបង្គំ បួងសួង សុំពរជ័យពីអុលឡោះជាម្ចាស់ ជួយថែរក្សាទឹកដីកម្ពុជានិងជួយការពារឲ្យបានសេចក្ដីសុខ គ្រប់ប្រការជូន វីរជនកងទ័ពសមរភូមិមុខ កំពុងឈរជើងការ ពារទឹកដី ពីការឈ្លានពានរបស់ប្រទេសជិតខាង (more…)