ភ្នំពេញ៖ អំឡុងខែរ៉ម៉ាឌន ដែលជាខែដ៏ពិសិដ្ឋនៅក្នុងសាសនាឥស្លាម បងប្អូនមូស្លីមតែងតែបង្កើនការធ្វើនូវទង្វើកុសល្យផ្សេងៗ គេសង្កេតឃើញអង្គការសមាគម និងសប្បុរសជនជាច្រើន ទាំងក្នុងស្រុក និងក្រៅស្រុក បានបង្កើនសកម្មភាពមនុស្សធម៌របស់ខ្លួន តាមរយៈការផ្តល់ជំនួយជាកញ្ចប់អាហារស្រាយបួស និងរៀបចំអាហាស្រាយបួសនៅតាមវិហារ ឬស៊ូរ៉ាវផ្សេងៗ។
ជាក់ស្តែង ប្រជាពលរដ្ឋខ្មែរឥស្លាមសរុបចំនួន ៩០០គ្រួសារ មកពីរាជធានីខេត្តចំនួន៣ ក្នុងនោះ៖ រាជធានីភ្នំពេញ, ខេត្តកណ្តាល និងខេត្តកំពង់ឆ្នាំង រួមនឹងនិស្សិតដែលកំពុងបន្តការសិក្សាមហាវិទ្យាល័យ ទទួលបានកញ្ចប់អាហារស្រាយបួសរ៉ម៉ាឌនពីសប្បុរសជនតួកគី នៅប្រទេសហូឡង់ តាមរយៈអង្គការសម្ព័ន្ធបញ្ញវន្តមូស្លីមកម្ពុជា។
នាឱកាសអញ្ជើញចូលរួមជាកិត្តិយសក្នុងកម្មវិធីចែកកញ្ចប់អាហារស្រាយបួស ជូនដល់ប្រជាពលរដ្ឋខ្មែរឥស្លាមចំនួន ២៥០គ្រួសារ នៅភូមិឃ្លាំងស្បែក ឃុំកំពង់លួង ស្រុកពញាឮ ខេត្តកណ្តាល នៅថ្ងៃទី៣០ ខែមីនា ឆ្នាំ២០២៤ ឯកឧត្តម បណ្ឌិត ហូសេន មហាម៉ាត់ហ្វារីត ទីប្រឹក្សាក្រសួងធម្មការ និងសាសនា និងជាប្រធានអង្គការសម្ព័ន្ធបញ្ញវន្តមូស្លីមកម្ពុជា បានមានប្រសាសន៍អោយដឹងថា ការផ្តល់ជូនជាកញ្ចប់អាហារទាំងនេះ គឺដើម្បីរួមចំណែកកាត់បន្ថយទុក្ខលំបាករបស់បងប្អូនប្រជាពលរដ្ឋដែលមានជីវភាពខ្វះខាត ចាស់ជរាគ្មានទីពឹង និងនិស្សិតដែលកំពុងបន្តការសិក្សាមហាវិទ្យាល័យ នៅក្នុងខែបួសរ៉ម៉ាឌន។
ឯកឧត្តមបានបន្តថា ជំនួយទាំងនេះទទួលបានពីសប្បុរសជនហូឡង់ និងតួរគី តាមរយៈ អង្គការជំនួយមនុស្សធម៌អន្តរជាតិ IHHNL ដែលជាអង្គការដៃគូរ។ ឯកឧត្តម បានថ្លែងអំណរគុណដល់សប្បុរសជនហូឡង់ និងតួរគីទាំងអស់ ដែលតែងតែផ្តល់ជំនួយជួយដល់ប្រជាជនកម្ពុជាជាបន្តបន្ទាប់។
ក្រៅពីការផ្តល់ជំនួយជាកញ្ចប់អាហារ អង្គការជំនួយមនុស្សធម៌អន្តរជាតិ IHHNL ក៏បានផ្តល់ជាថវិកាដើម្បីរៀបចំអាហារស្រាយបួសរួមគ្នានៅតាមវិហារឥស្លាម ចំនួន៣១៥នាក់ និងបានចែកជូនសម្លៀកបំពាក់ដល់កុមារកំព្រានៅរាជធានីភ្នំពេញ និងខេត្តកំពង់ឆ្នាំង សរុបចំនួន ១០០នាក់ផងដែរ។
គួរជម្រាបដែរថា ជារៀងរាល់ឆ្នាំ អង្គការសម្ព័ន្ធបញ្ញវន្តមូស្លីមកម្ពុជា ដែលមានឯកឧត្តម បណ្ឌិត ហូសេន មហាម៉ាត់ហ្វារីត ជាប្រធាន តែងតែទទួលបានជំនួយជាកញ្ចប់អាហារស្រាយបួសពីសប្បុរសជនមូស្លីមនៅក្រៅប្រទេស តាមរយៈអង្គការដែលជាដៃគូរ។ ហើយនៅឆ្នាំ២០២៤នេះ អង្គការសម្ព័ន្ធបញ្ញវន្តមូស្លីមកម្ពុជាក៏ទទួលបានសរុប ១០៣០កញ្ចប់ផងដែរ ដើម្បីចែកជូនប្រជាពលរដ្ឋទូទាំងប្រទេសកម្ពុជា៕
យ៉ាងហោចណាស់សិស្ស ២៧នាក់ ដែលភាគច្រើនមានអាយុក្រោម ១៣ឆ្នាំ និងគ្រូម្នាក់ បានស្លាប់ បន្ទាប់ពីដំបូលអគារសាលារៀនមួយបានបាក់រលំ ខណៈពួកគេកំពុងរៀនក្នុងថ្នាក់ នៅថ្ងៃថ្ងៃព្រហស្បតិ៍ នេះនៅទីក្រុងប៉េសាវ៉ា (Peshawar) ភាគខាងជើងប្រទេសប៉ាគីស្ថាន។ អាជ្ញាធរបារម្ភថា ចំនួនអ្នកស្លាប់អាចនឹងកើនឡើងបន្ថែមទៀត។ (more…)
នារសៀលថ្ងៃទី១៥ ខែតុលា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានជួបពិភាក្សាទ្វេភាគីជាមួយ ឯកឧត្តម Isaac Herzog ប្រធានាធិបតី អ៊ីស្រាអែល ក្នុងឱកាសនៃការអញ្ជើញបំពេញទស្សនកិច្ចផ្លូវការ និងចូលរួមកិច្ចប្រជុំកំពូល…
នៅថ្ងៃទី៩ ខែតុលា ឆ្នាំ២០២៦ ម៉ាឡេស៊ីបានសម្រេចបិទសាលារៀននៅរដ្ឋចំនួន៤ រួមមាន ចូហ័រ ម៉ាឡាកា នេហ្គឺរីសេមប៊ីឡាន និងសេឡាងហ្គ័រ ព្រមទាំងគូឡាឡាំពួរ ពូត្រាចាយ៉ា និងស្រុករ៉ុមពីន ដោយសារផ្សែងអ័ព្ទបង្កឱ្យគុណភាពខ្យល់ធ្លាក់ចុះដល់កម្រិតមិនល្អចំពោះសុខភាព។ (more…)
ប្រទេសម៉ាឡេស៊ីបានទទួលភ្ញៀវទេសចរអន្តរជាតិចំនួន ២៨,៨ លាននាក់ ក្នុងរយៈពេលពីខែមករា ដល់ខែសីហា ឆ្នាំ២០២៦ កើនឡើង ១,៨% បើធៀបនឹងរយៈពេលដូចគ្នាកាលពីឆ្នាំមុន។ តួលេខនេះបានធ្វើឱ្យម៉ាឡេស៊ីបន្តឈរនៅលំដាប់កំពូលក្នុងតំបន់អាស៊ីអាគ្នេយ៍ ខាងចំនួនភ្ញៀវទេសចរអន្តរជាតិ។ (more…)
អាកាសយានដ្ឋានអន្តរជាតិ King Khalid បានជូនដំណឹងថា ជើងហោះហើរមួយចំនួនអាចមានការយឺតយ៉ាវ ផ្លាស់ប្តូរកាលវិភាគ ឬត្រូវលុបចោល ដោយសារការវិវត្តន៍នៃស្ថានការណ៍ក្នុងតំបន់ និងការរឹតបន្តឹងលើដែនអាកាស។ (more…)
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីដ៏ខ្ពង់ខ្ពស់ ពិធីបើក “មហាសន្និបាត សហព័ន្ធអតីតយុទ្ធជនបណ្តាប្រទេសអាស៊ាន” លើកទី២៥ (VECONAC) ដែលកម្ពុជាធ្វើជាម្ចាស់ផ្ទះ ក្រោមប្រធានបទ៖ «ជាង៤ទសវត្សនៃសហព័ន្ធអតីតយុទ្ធជនអាស៊ាន៖ រួមគ្នាកសាងមិត្តភាព…