ត្បូងឃ្មុំ៖ ថ្នាក់ដឹកនាំខេត្តនៃខេត្តត្បូងឃ្មុំ បានចូលរួមពិសារអាហារស្រាយបួសរ៉ម៉ាឌនរួមគ្នា ជាមួយសាសនិកឥស្លាម នៅឃុំប៉ើស១ ស្រុកក្រូចឆ្មារ ដែលរៀបចំដោយអង្គការសម្ព័នបញ្ញវន្តមូស្លីមកម្ពុជា CMIA សហការជាមួយអង្គការ Nouvelle Optique ប្រទេសបារាំង ដើម្បីរឹតចំណងសាមគ្គីភាព និងការយកចិត្តទុកដាក់រវាងថ្នាក់ដឹកនាំ និងប្រជាពលរដ្ឋក្នុងមូលដ្ឋាន។
ពិធីនេះបានរៀបចំធ្វើឡើងដោយ អង្គការសម្ព័នបញ្ញវន្តមូស្លីមកម្ពុជា CMIA សហការជាមួយអង្គការ Nouvelle Optique ប្រទេសបារាំង នៅថ្ងៃទី២ ខែមេសា ឆ្នាំ២០២៤ ស្ថិតនៅបរិវេណវិហារឥស្លាម ក្នុងឃុំប៉ើស១ ស្រុកក្រូចឆ្មារ ខេត្តត្បូងឃ្មុំ ក្រោមវត្តមានកិត្តិយសពីសំណាក់ ឯកឧត្តម ហុក ពេជ្រហោះ អភិបាលរងខេត្តត្បូងឃ្មុំ និងជាប្រធានក្រុមការងារចុះជួយមូលដ្ឋានឃុំប៉ើស១, និងមានការចូលរួមពីសំណាក់ ឯកឧត្តម បណ្ឌិត ហូសេន មហាម៉ាត់ហ្វារីត ទីប្រឹក្សាក្រសួងធម្មការ និងសាសនា និងជាប្រធានអង្គការសម្ព័នបញ្ញវន្តមូស្លីមកម្ពុជា CMIA តំណាងអោយម្ចាស់ជំនួយ ព្រមទាំងមានការចូលរួមផងដែរពីសំណាក់ លោកអភិបាលស្រុក អភិបាលរង លោកមេឃុំ ហាកឹម តួន និងបងប្អូនប្រជាពលរដ្ឋនៃឃុំប៉ើស១ ចំនួន៦០០នាក់។
ក្នុងឱកាសមានមតិសំណេះសំណាលជាមួយបងប្អូនប្រជាពលរដ្ឋ ឯកឧត្តម បណ្ឌិត ហូសេន មហាម៉ាត់ហ្វារីត ទីប្រឹក្សាក្រសួងធម្មការ និងសាសនា និងជាប្រធានអង្គការសម្ព័នបញ្ញវន្តមូស្លីមកម្ពុជា CMIA បានស្វាគមន៍យ៉ាងកក់ក្តៅ និងថ្លែងអំណរគុណចំពោះវត្តមានកិត្តិយសរបស់ឯកឧត្តមអភិបាលរងខេត្ត ដែលជាការបង្ហាញអំពីការយកចិត្តទុកដាក់របស់ថ្នាក់ដឹកនាំ ទៅដល់បងប្អូនប្រជាពលរដ្ឋនៅក្នុងសហគមន៍។
ឯកឧត្តម បានលើកឡើងអំពីកាតព្វកិច្ចបួសក្នុងខែរ៉ម៉ាឌន របស់សាសនិកឥស្លាម និងបានជម្រុញអោយមូស្លីមទាំងអស់ត្រូវខិតខំបង្កើននូវទង្វើកុសលផ្សេងៗនៅក្នុងខែរ៉ម៉ាឌន ដែលនឹងទទួលបានផលបុណ្យតបស្នងដ៏ធំធេងពីអល់ឡោះ ជាពិសេស នៅ១០យប់ចុងក្រោយនៃខែរ៉ម៉ាឌននេះ ដែលត្រូវបង្កើនទង្វើកុសលទ្វេរដងថែមទៀត។
ដោយឡែក ឯកឧត្តម ហុក ពេជ្រហោះ អភិបាលរងខេត្តត្បូងឃ្មុំ និងជាប្រធានក្រុមការងារចុះជួយមូលដ្ឋានឃុំប៉ើស១ បានមានប្រសាសន៍ថា ការរួបរួមសាមគ្គីគ្នាគឺជាកត្តាមួយដែលចាំបាច់បំផុត ដើម្បីអោយសង្គមជាតិមានការអភិវឌ្ឍន៍ និងរីកចម្រើន។
ឯកឧត្តម បានបន្តថា ក្រោមនយោបាយសុខដុមនីយកម្មសាសនារបស់រាជរដ្ឋាភិបាល ដែលបច្ចុប្បន្នក្រោមការដឹកនាំរបស់ សម្តេចធិបតី ហ៊ុន ម៉ាណែត ជានាយករដ្ឋមន្ត្រី ប្រជាពលរដ្ឋមានសិទ្ធិស្មើគ្នាក្នុងការទទួលបាន ដោយមិនមានការប្រកាន់ពូជសាសន៍ និងនិន្នាការនយោបាយណាមួយនោះឡើយ ជាពិសេស ប្រជាពលរដ្ឋទទួលបានសិទ្ធគ្រប់គ្រាន់ក្នុងការអនុវត្តជំនឿរៀងៗខ្លួន។
ក្នុងនាមប្រធានក្រុមការងារគណបក្សចុះជួយមូលដ្ឋានឃុំប៉ើស១ ឯកឧត្តម បានថ្លែងអំណរគុណដល់ថ្នាក់ដឹកនាំអង្គការ CMIA ដែលបានស្វះស្វែងរៀបចំអោយមានការជួបជុំពិសារអាហារស្រាយបួសរួមគ្នា ដល់ប្រជាពលរដ្ឋនៅក្នុងមូលដ្ឋានឃុំប៉ើស១នាពេលនេះ។
ឆ្លៀតក្នុងឱកាសនោះ ឯកឧត្តមអភិបាលរងខេត្ត ក៏បានចែកល្មើដែលជាការចូលរួមឧបត្ថម្ភពីសប្បុរសជន ជូនទៅដល់ថ្នាក់ដឹកនាំជាច្រើនរូបដែលបានចូលរួមក្នុងពិធីផងដែរ៕
លោកស្រី អ៊ីលហាន អូម៉ា (Ilhan Omar) បេក្ខជនគណបក្សប្រជាធិបតេយ្យ និងជាអ្នកនយោបាយអាមេរិកកាន់សាសនាឥស្លាម បានឈ្នះការបោះឆ្នោតឡើងវិញ ក្នុងមណ្ឌលបោះឆ្នោតសភាតំណាងរាស្ត្រទី៥ នៃរដ្ឋមីនីសូតា ក្នុងការបោះឆ្នោតពាក់កណ្តាលអាណត្តិឆ្នាំ២០២៦។ (more…)
ខេត្តតាកែវ៖ យោងតាមរបាយការណ៍បឋមបានឲ្យដឹងថា កាលពីវេលាម៉ោង ១១:៣០នាទី ថ្ងៃទី២៩ ខែតុលា ឆ្នាំ២០២៦ មានករណីឃាតកម្មមួយកើតឡើងនៅភូមិព្រៃរំដេង ឃុំអង្គតាសោម ស្រុកត្រាំកក់ ខេត្តតាកែវ បណ្តាលឱ្យស្ត្រីម្នាក់ឈ្មោះ អ៊ែល ម៉ារីយ៉ាស់ ហៅ…
គណបក្សលីគូដ (Likud) របស់នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ បានចោទប្រកាន់ថា ប្រទេសកាតា និងតួកគី ត្រូវបានគេអះអាងថា បានផ្តល់មូលនិធិដល់គណបក្សអារ៉ាប់ ដែលចូលរួមក្នុងការបោះឆ្នោតនៅអ៊ីស្រាអែល។ (more…)
ជនជាតិចាមកាន់សាសនាឥស្លាមមកពីខេត្តអានយ៉ាង ប្រទេសវៀតណាម បានរៀបចំការសម្តែងឡើងវិញនូវពិធីបុណ្យរ៉ាយ៉ាអ៊ីឌុលហ្វិត្រី (Raya Aidil Fitri) នៅថ្ងៃទី២៥ ខែតុលា ឆ្នាំ២០២៦ នៅភូមិវប្បធម៌ និងទេសចរណ៍ជាតិរបស់វៀតណាម ក្នុងទីក្រុងហាណូយ។ (more…)
ភ្នំពេញ៖ នាល្ងាចថ្ងៃទី២៨ ខែតុលា ឆ្នាំ២០២៦ ស្ថានទូតម៉ាឡេស៊ីប្រចាំព្រះរាជាណាចក្រកម្ពុជា បានរៀបចំពិធីអបអរសាទរខួបលើកទី៦៩ នៃទិវាបុណ្យជាតិម៉ាឡេស៊ី ក្រោមអធិបតីភាព ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងឯកឧត្តម Shaharuddin Onn…
យ៉ាងហោចណាស់សិស្ស ២៧នាក់ ដែលភាគច្រើនមានអាយុក្រោម ១៣ឆ្នាំ និងគ្រូម្នាក់ បានស្លាប់ បន្ទាប់ពីដំបូលអគារសាលារៀនមួយបានបាក់រលំ ខណៈពួកគេកំពុងរៀនក្នុងថ្នាក់ នៅថ្ងៃថ្ងៃព្រហស្បតិ៍ នេះនៅទីក្រុងប៉េសាវ៉ា (Peshawar) ភាគខាងជើងប្រទេសប៉ាគីស្ថាន។ អាជ្ញាធរបារម្ភថា ចំនួនអ្នកស្លាប់អាចនឹងកើនឡើងបន្ថែមទៀត។ (more…)