ក្រុមឧទ្ទាមហ៊ូស៊ី យេម៉ែនបាញ់មីស៊ីលលើអារ៉ាប៊ីសាអូឌីត សំដៅអាកាសយានដ្ឋានអាប់ហា ក្រោយអារ៉ាប៊ីសាអូឌីតបាញ់ប្រហារអាកាសយានសាណាអា
ក្រុមឧទ្ទាមហ៊ូទស៊ីមានមូលដ្ឋាននៅក្នុងប្រទេសយេម៉ែន បានបើកការវាយប្រហារដោយបាញ់មីស៊ីលលើអារ៉ាប៊ីសាអូឌីត បន្ទាប់ពី ចោទប្រកាន់ថារដ្ឋាភិបាលទីក្រុងរីយ៉ាដបានវាយប្រហារលើអាកាសយានដ្ឋានមួយកន្លែង ដែលស្ថិតនៅក្រោមការគ្រប់គ្រងរបស់ពួកគេ កាលពីថ្ងៃចន្ទ ទី១៣ ខែកក្កដា ឆ្នាំ២០២៦ ដែលនេះជាការបំបែកភាពស្ងប់ស្ងាត់នៅក្រោមបទឈប់បាញ់ ៤ឆ្នាំមកនេះ ក្នុងជម្លោះរវាងអារ៉ាប៊ីសាអូឌីត និងក្រុមហ៊ូស៊ីដែលមានអ៉ីរ៉ង់ជាមេកើយ។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។
ការវាយប្រហាររបស់ក្រុមហ៊ូស៊ីធ្វើឡើងជាលើកដំបូងបំផុត ចាប់តាំងពីមានបទឈប់បាញ់ក្រៅផ្លូវការមួយរវាងអារ៉ាប៊ីសាអូឌីត និងក្រុមឧទ្ទាមមួយនេះបានចូលជាធរមានកាលពីខែមីនា ឆ្នាំ២០២២កន្លងទៅ ។
