![រឿងរ៉ាវជីវិត និងបញ្ហាសុខភាព របស់អ្នករស់រានមានជីវិត ពីរបបខ្មែរក្រហម ៥០០នាក់ នឹងត្រូវបានផ្សព្វផ្សាយ នៅលើប្រព័ន្ធផ្សាយព័ត៌មាន](https://camm-media.com/wp-content/uploads/2023/04/342621027_765713448269911_7262367371398317103_n-850x560.jpg)
រឿងរ៉ាវជីវិត និងបញ្ហាសុខភាព របស់អ្នករស់រានមានជីវិត ពីរបបខ្មែរក្រហម ៥០០នាក់ នឹងត្រូវបានផ្សព្វផ្សាយ នៅលើប្រព័ន្ធផ្សាយព័ត៌មាន
![Digiqole Ad](https://camm-media.com/wp-content/uploads/2024/01/4-Adv-.gif)
ភ្នំពេញ៖ មជ្ឈមណ្ឌលឯកសារកម្ពុជារៀបចំកម្មវិធីសម្រាប់អ្នករស់រានមានជីវិតពីរបបខ្មែរក្រហមចំនួន៥០០នាក់ ដើម្បីផ្តល់ឱកាសឲ្យអ្នកទាំងអស់នេះ បាននិយាយរៀបរាប់អំពីរឿងរ៉ាវជីវិតពិត និងបញ្ហាសុខភាពរបស់ខ្លួន តាមរយៈប្រព័ន្ធផ្សាយព័ត៌មានជាសាធារណៈ។
នៅថ្ងៃទី២៤ ខែមេសា ឆ្នាំ២០២៣ មជ្ឈមណ្ឌលឯកសារកម្ពុជាមានការជួបប្រជុំជាមួយស្ថាប័នឯកជន, អ្នកសិក្សាស្រាវជ្រាវ អ្នកជំនាញ ចំនួន១៥រូប ដើម្បីរៀបចំការផ្សព្វផ្សាយអំពីបទពិសោធន៍ជីវិតពិត និងបញ្ហាសុខភាពរបស់អ្នករស់រានមានជីវិតពីរបបខ្មែរក្រហម។ ការផ្សព្វផ្សាយនេះមានការចូលរួមពីក្រុមតូរ្យតន្រ្តី, ស្ថាបត្យករ, សិល្បករ-សិល្បការិនី, អ្នកផលិតវីដេអូ, អ្នកស្ម័គ្រចិត្ត, បណ្តាញទូរទស្សន៍ឯកជន, អ្នកស្រាវជ្រាវ, សារព័ត៌មាន, អង្គការមជ្ឈមណ្ឌលព័ត៌មាន, មន្ទីរសម្រាកព្យាបាលឯកជន និងសហគមន៍ចាម ដែលក្រុមនីមួយៗមានយន្តការខុសៗគ្នាក្នុងការផ្សព្វផ្សាយ ទៅកាន់សាធារណជនអំពីរឿងជីវិតពិត និងបញ្ហាសុខភាពរបស់អ្នករស់រានមានជីវិតពីសម័យខ្មែរក្រហម។
![](https://camm-media.com/wp-content/uploads/2023/04/342621027_765713448269911_7262367371398317103_n.jpg)
![](https://camm-media.com/wp-content/uploads/2023/04/342728167_3415754518677206_9057368819449066948_n.jpg)
![](https://camm-media.com/wp-content/uploads/2023/04/342865897_1173405833340939_7951687439370022698_n.jpg)
![Digiqole Ad](https://camm-media.com/wp-content/uploads/2024/01/4-Adv-.gif)