![មនុស្សជាង១៥០,០០០នាក់ ត្រូវជម្លៀសទៅកន្លែងសុវត្ថិភាព ខណៈឥណ្ឌានិងប៉ាគីស្ថានត្រៀមខ្លួន សម្រាប់ការមកដល់នៃព្យុះស៉ីក្លូនដ៏ខ្លាំងក្លាមួយ](https://camm-media.com/wp-content/uploads/2023/06/353784820_630821762415419_4916262927641640093_n-850x560.jpg)
មនុស្សជាង១៥០,០០០នាក់ ត្រូវជម្លៀសទៅកន្លែងសុវត្ថិភាព ខណៈឥណ្ឌានិងប៉ាគីស្ថានត្រៀមខ្លួន សម្រាប់ការមកដល់នៃព្យុះស៉ីក្លូនដ៏ខ្លាំងក្លាមួយ
![Digiqole Ad](https://camm-media.com/wp-content/uploads/2024/01/4-Adv-.gif)
(ញូដេលី)៖ អាជ្ញាធរនៅប្រទេសឥណ្ឌានិងប៉ាគីស្ថាន បានជម្លៀសប្រជាជនសរុបជាង១៥០,០០០នាក់ ទៅកាន់កន្លែងសុវត្ថិភាព ស្របពេលដែលព្យុះស៉ីក្លូនមានឥទ្ធិពលខ្លាំងមួយ នឹងបោកបក់មកដល់ចន្លោះប្រទេសទាំងពីរ នៅល្ងាចថ្ងៃព្រហស្បតិ៍នេះ។ នេះបើតាមការចេញផ្សាយ ដោយទីភ្នាក់ងារព័ត៌មាន AFP នៅថ្ងៃព្រហស្បតិ៍ ទី១៥ ខែមិថុនា ឆ្នាំ២០២៣។
មន្រ្តីទទួលបន្ទុកប្រតិបត្តិការជួយសង្រ្គោះរបស់ឥណ្ឌា បានឱ្យដឹងថា អាជ្ញាធរបានជម្លៀសមនុស្សជាង៧៥,០០០នាក់ ចេញពីសហគមន៍ ដែលប្រឈមហានិភ័យខ្ពស់ ក្នុងស្រុកចំនួន៨ដែលនៅជាប់ឆ្នេរសមុទ្រ ក្នុងរដ្ឋហ្គូចារ៉ាត់ (Gujarat)។ រីឯខាងប៉ាគីស្ថានវិញបានឱ្យដឹងថា ខ្លួនបានជម្លៀសប្រជាជនសរុបជិត ៨២,០០០នាក់ ចេញពីតំបន់នៅក្បែរឆ្នេរភាគអាគ្នេយ៍ប្រទេស ទៅកាន់ទីសុវត្ថិភាព។
![](https://camm-media.com/wp-content/uploads/2023/06/353784820_630821762415419_4916262927641640093_n-1024x682.jpg)
![](https://camm-media.com/wp-content/uploads/2023/06/353797860_630821745748754_5561494218751487947_n.jpg)
![Digiqole Ad](https://camm-media.com/wp-content/uploads/2024/01/4-Adv-.gif)