• March 4, 2024
 បន្ទប់អនុវត្តកុំព្យូទ័រនៅសាកលវិទ្យាល័យកម្ពុជា គ្រប់គ្រង និងបច្ចេកវិទ្យា CUMT ក្រោមជំនួយឧបត្ថម្ភពីសប្បុរសជនសិង្ហបុរី តាមរយៈអង្គការមូលនិធិអ៊ីម៉ាន់កម្ពុជា ត្រូវបានសម្ពោធដាក់អោយប្រើប្រាស់ជាផ្លូវការ

បន្ទប់អនុវត្តកុំព្យូទ័រនៅសាកលវិទ្យាល័យកម្ពុជា គ្រប់គ្រង និងបច្ចេកវិទ្យា CUMT ក្រោមជំនួយឧបត្ថម្ភពីសប្បុរសជនសិង្ហបុរី តាមរយៈអង្គការមូលនិធិអ៊ីម៉ាន់កម្ពុជា ត្រូវបានសម្ពោធដាក់អោយប្រើប្រាស់ជាផ្លូវការ

Spread the love
Digiqole Ad

ភ្នំពេញ៖ សាកលវិទ្យាល័យកម្ពុជា គ្រប់គ្រង និងបច្ចេកវិទ្យា CUMT នៅថ្ងៃទី២ ខែកក្កដា ឆ្នាំ២០២៣ បានរៀបចំកម្មវិធីសម្ពោធដាក់អោយប្រើប្រាស់នូវបន្ទប់អនវត្តកុំព្យូទ៍រ EMANN COMPUTER LAB ដែលទទួលបានជំនួយឧបត្ថម្ភពី អង្គការមូលនិធិអ៊ីម៉ាន់កម្ពុជា ដែលបំពាក់ដោយកុំព្យូទ័រនិងបរិក្ខា សរុបជាថវិកាប្រមាណ ៣៤,៥០០ដុល្លារអាមេរិក។

កម្មវិធីនេះ មានការចូលរួមជាកិត្តិយសពីសំណាក់ ឯកឧត្តម បណ្ឌិត ហូសេន មហាម៉ាត់ហ្វារីត ប្រធានក្រុមប្រឹក្សាភិបាលនៃសាកលវិទ្យាល័យកម្ពុជា គ្រប់គ្រង និងបច្ចេកវិទ្យា CUMT, ឯកឧត្តម បណ្ឌិត ស្លេះ ណាស៊ី សាកលវិទ្យាធិការ, លោក ហាជី Mohamad Kahliab ប្រធានមូលនិធិអ៊ីម៉ាន់ នៃប្រទេសសឹង្ហបុរី, ប្រតិភូអមដំណើរ សាស្ត្រាចារ្យ បុគ្គលិកសិក្សា និងនិស្សិតនៃសាកលវិទ្យាល័យ CUMT ជាច្រើននាក់ផងដែ។

ឯកឧត្តម បណ្ឌិត ស្លេះ ណាស៊ី សាកលវិទ្យាធិការនៃសាកលវិទ្យាល័យ CUMT បានមានប្រសាសន៍អោយដឹងថា ជំនួយឧបត្ថម្ភដែលទទួលបានពីអង្គការមូលនិធិអ៊ីម៉ាន់ នាពេលនេះ ពិតជាជាមានសារៈសំខាន់សម្រាប់បំពេញបន្ថែមនូវតម្រូវការបរិក្ខាបច្ចេកទេស ដែលត្រូវប្រើប្រាស់សម្រាប់ការអនុវត្ថផ្ទាល់របស់និស្សិតិទាំងអស់ ដែលកំពុងសិក្សាថ្នាក់មូលដ្ឋានលើមុខវិជ្ជាកុំព្យូទ័រ។

ជាមួយគ្នានេះ ឯកឧត្តមបណ្ឌិត ហូសេន មហាម៉ាត់ហ្វារីត ប្រធានក្រុមប្រឹក្សាភិបាលនៃសាកលវិទ្យាល័យ CUMT បានសម្តែងនូវសេចក្តីសោមន្សរីករាយ និងថ្លែងអំណរគុណដល់អង្គការមូលនិធិអ៊ីម៉ាន់ ពិសេស លោក ហាជី Mohd Kahliab ប្រធានមូលនិធិអ៊ីម៉ាន់ នៃប្រទេសសឹង្ហបុរី ដែលបានផ្តល់កិច្ចសហការ និងផ្តល់ជំនួយដល់សាកលវិទ្យាល័យ សម្រាប់សិស្សនិស្សិតដែលមានជីវភាពខ្វះខាត មានឱកាសពង្រីកចំណេះដឹងបន្ថែមលើផ្នែកបច្ចេកវិទ្យា។ ឯកឧត្តមក៏បានស្នើសុំអោយ អង្គការមូលនិធិអ៊ីម៉ាន់ បន្តសហការជួយអភិវឌ្ឍន៍សាកលវិទ្យាល័យទាំងផ្នែកសម្ភារៈ និងកម្មវិធិសិក្សាផងដែរ។

ក្នុងឱកាសនោះដែរ លោក ហាជី Mohd Kahliab ប្រធានមូលនិធិអ៊ីម៉ាន់ នៃប្រទេសសឹង្ហបុរី បានផ្តាំផ្ញើដល់សិស្សនិស្សិតទាំងអស់ ត្រូវជួយគ្នាថែរក្សាកុំព្យូទ័រទាំងនេះ ដើម្បីប្រើប្រាស់បានយូរអង្វែង និងជំរុញអោយនិស្សិតត្រូវខិតខំរៀនខ្លាំងពូកែ ដើម្បីជាប្រយោជន៍ដល់សង្គមនាថ្ងៃខាងមុខ។
លោកក៏បានថ្លែងអំណរគុណដល់សប្បុរសជនទាំងអស់ដែលបានចូលរួមនៅក្នុងគម្រោងនេះ ហើយលោកនឹងពិនិត្យលទ្ធភាពជួយតាមដែលអាចធ្វើទៅបាន ក្នុងការចូលរួមជាមួយសាកលវិទ្យាល័យ ក្នុងការបណ្តុះបណ្តាល ពង្រឹងសមត្តភាពនិស្សិត តាមរយៈកម្មវិធីអប់រំផ្សេងៗទៀត ។

គួរអោយដឹងដែរថា ក្រៅពីឧបត្ថម្ភក្នុងការរៀបចំបន្ទប់អនុវត្ថកុំព្យូទ័រនាពេលនេះ អង្គការមូលនិធិអ៊ីម៉ាន់ ក៏បានឧបត្ថម្ភកុំព្យូរទ័រយួរដៃចំនួន ១០គ្រឿង ដល់និស្សិតដែលមានជីវភាពខ្វះខាតប្រើប្រាស់ក្នុងការសិក្សារបស់ខ្លួនផងដែរ។

Digiqole Ad

Related post