យន្តហោះអារ៉ាប៊ីសាអូឌីតពីរគ្រឿងដំបូងដែលដឹកជំនួយចំនួន ២០តោន សម្រាប់ប្រជាជនស៊ូដង់បានទៅដល់អាកាសយានដ្ឋានអន្តរជាតិនៃប្រទេសស៊ូដង់ (Port Sudan)
យន្តហោះអារ៉ាប៊ីសាអូឌីតពីរគ្រឿងដំបូងដែលដឹកជំនួយចំនួន ២០តោន សម្រាប់ប្រជាជនស៊ូដង់បានទៅដល់អាកាសយានដ្ឋានអន្តរជាតិនៃប្រទេសស៊ូដង់ (Port Sudan)
មជ្ឈមណ្ឌលជំនួយ និងជំនួយមនុស្សធម៌ស្តេចសាល់ម៉ាន បាននិយាយកាលពីថ្ងៃអង្គារថា យន្តហោះអារ៉ាប៊ីសាអូឌីតពីរគ្រឿងដំបូងដែលដឹកជំនួយចំនួន ២០តោន សម្រាប់ប្រជាជនស៊ូដង់ បានទៅដល់អាកាសយានដ្ឋានអន្តរជាតិនៃប្រទេសស៊ូដង់ (Port Sudan)។ នេះបើតាមការផ្សាយដោយសារព័ត៌មាន Arab News នៅថ្ងៃទី១០ ខែឧសភា ឆ្នាំ២០២៣។
ការតភ្ជាប់រវាងអាកាសយានដ្ឋានអន្តរជាតិ King Khalid នៃប្រទេសអារ៉ាប៊ីសាអូឌីត និងអាកាសយានដ្ឋានអន្តរជាតិ Port Sudan ត្រូវបានបង្កើតឡើងដើម្បីផ្តល់អាហារ ទីជម្រក និងការផ្គត់ផ្គង់ផ្នែកវេជ្ជសាស្រ្ត។
លោកវេជ្ជបណ្ឌិត Abdullah Al-Rabeeah អគ្គនាយក KSrelief បាននិយាយថា ការតភ្ជាប់នេះនឹងផ្តល់ជំនួយសង្គ្រោះបន្ទាន់ដល់ប្រជាជនស៊ូដង់ដែលបានផ្លាស់ទីលំនៅ និងអ្នកដែលរងផលប៉ះពាល់ដោយជម្លោះនៅក្នុងប្រទេសស៊ូដង់។
KSrelief នឹងផ្តល់ជំនួយមនុស្សធម៌ដែលមានតម្លៃ ១០០លានដុល្លារ ដល់ប្រជាជនស៊ូដង់ ដែលជាផ្នែកនៃការណែនាំរបស់ស្តេច Salman នៃប្រទេសអារ៉ាប៊ីសាអូឌីត និងព្រះអង្គម្ចាស់ Mohammed bin Salman។
យុទ្ធនាការសប្បុរសធម៌មួយក៏ត្រូវបានបង្កើតឡើងតាមរយៈវេទិកា “Sahem” ដើម្បីរៃអង្គាសថវិកាសម្រាប់អ្នកខ្វះខាត ដែលគិតត្រឹមពេលនេះប្រមូលបានថវិកាចំនួន SR1.2 លាន (ឬប្រហែល ៣២០,០០០ដុល្លារ)៕
