មុហ្វទីឬស្ហៀខុលឥស្លាម នៃប្រទេសថៃឯកឧត្តម Aziz Phitakkumpon បានទទួលមរណភាពក្នុងជន្មាយុ ៧៦ឆ្នាំ នៅមន្ទីរពេទ្យស្តេចជូឡាឡុងខនដោយរោគាពាធកាលពីថ្ងៃអាទិត្យ

ប្រទេសថៃ៖ នៅក្នុងសេចក្តីថ្លែងការណ៍មួយចេញផ្សាយដោយ ការិយាល័យ Sheikhul Islam បាននិយាយថា ឯកឧត្តមត្រូវបាននិងកំពុងទទួលការព្យាបាលក្រោមព្រះរាជឧបត្ថម្ភរបស់ព្រះមហាក្សត្រ នៅមន្ទីរពេទ្យចាប់តាំងពីថ្ងៃសុក្រកន្លងទៅ។
សេចក្តីថ្លែងការណ៍ដដែលបានឲ្យដឹងថា “ពិធីបុណ្យសពនឹងប្រារព្ធឡើងនៅវិហារធំខេត្តសង់ក្លា ហាត់យ៉ៃនៅព្រឹកថ្ងៃចន្ទទី២៣ តុលាឆ្នាំ២០២៣ជាទីកន្លែងកំណើតរបស់គាត់ ។ឯកឧត្តម ត្រូវបានតែងតាំងជា មុហ្វទីទី១៨ ក្នុងឆ្នាំ២០១០ ។ ទន្ទឹមនឹងនោះ នាយករដ្ឋមន្ត្រីថៃ លោក Srettha Thavisin បានសម្តែងការរំលែកទុក្ខចំពោះមរណភាពរបស់ លោកផងដែរ។