ឯកឧត្តម ចាយ បូរិន រដ្ឋមន្រ្តីក្រសួងធម្មការនិងសាសនា អនុញ្ញាតឲ្យ ឯកឧត្តម Dato Haji Mohamad Marzuki Mohamad Omar ប្រធានអង្គការផ្សព្វផ្សាយឥស្លាមប្រចាំតំបន់អាស៊ីប៉ាស៊ីហ្វិក(RISEAP) ដឹកនាំគណៈប្រតិភូ ចូលជួបសម្តែងការគួរសមនិងពិភាក្សាការងារ នារសៀលថ្ងៃទី២៦ ខែមិថុនា ឆ្នាំ២០២៤ នៅទីស្តីការក្រសួង ។
នាជំនួបដ៏មានតម្លៃនេះ ឯកឧត្តម ប្រធានអង្គការផ្សព្វផ្សាយឥស្លាមប្រចាំតំបន់អាស៊ីប៉ាស៊ីហ្វិក(RISEAP) គឺដើម្បីគោរពអញ្ជើញ ឯកឧត្តម រដ្ឋមន្រ្តី ចូលរួមជាអធិបតីពិធីសិក្ខាសាលា ដែលនិងប្រព្រឹត្តឡើងនៅថ្ងៃទី០៧ ខែធ្នូ ឆ្នាំ២០២៤។ ក្នុងនោះ ឯកឧត្តម ប្រធានអង្គការផ្សព្វផ្សាយឥស្លាមប្រចាំតំបន់អាស៊ីប៉ាស៊ីហ្វិក បានថ្លែងអំណរគុណដល់រាជរដ្ឋាភិបាលកម្ពុជា ដែលមានក្រសួងធម្មការនិងសាសនាជាអ្នកគ្រប់គ្រងលើគ្រប់សាសនាទាំងអស់នៅកម្ពុជាបានយ៉ាងល្អ ពោលកម្ពុជាជាប្រទេសមានសុខដុមនាកម្មសាសនា ដែលជាមូលដ្ឋានគ្រឹះសន្តិភាព និងនាំឲ្យមានស្ថិរភាពសង្គម គួរឲ្យកត់សំគាល់។
ជាការឆ្លើយតប ឯកឧត្តម ចាយ បូរិន បានស្វាគមន៏និងអរគុណដល់ឯកឧត្តម ប្រធានអង្គការផ្សព្វផ្សាយឥស្លាមប្រចាំតំបន់អាស៊ីប៉ាស៊ីហ្វិក(RISEAP) និងគណៈប្រតិភូទាំងអស់ ដែលតែងតែជួបឧបត្ថម្ភគាំទ្រដល់ប្រទេសកម្ពុជាកន្លងមក។ ឯកឧត្តម រដ្ឋមន្រ្តីបានឆ្លើយតបផងដែរចំពោះការអញ្ជើញ ឯកឧត្តម រដ្ឋមន្រ្តីចូលរួមនៅក្នុងពិធីសិក្ខាសាលានាពេលខាងមុខ និងខិតខំរកពេលវេលាសមស្របណាមួយដើម្បីចូលរួមទៅតាមកាលៈទេសៈជាក់ស្តែងផងដែរ ។
ក្នុងឱកាសនេះ ឯកឧត្តម រដ្ឋមន្រ្តីក្រសួងធម្មការនិងសាសនា សូមជូនពរដល់ឯកឧត្តម ប្រធានអង្គការផ្សព្វផ្សាយឥស្លាមប្រចាំតំបន់អាស៊ីប៉ាស៊ីហ្វិក(RISEAP) និងគណៈប្រតិភូទាំងអស់ ដែលបានអញ្ជើញមកបំពេញបេសកកម្មនៅក្នុងប្រទេសកម្ពុជានាឱកាសនេះ ទទួលបានជោគជ័យ និងចែករំលែកបទពិសោធន៍ឲ្យគ្នាទៅវិញទៅមក ព្រមទាំងសុវត្ថិភាពនៅក្នុងការធ្វើដំណើរ៕ Cr: TVK
ប៉ាគីស្ថាន ៖ មហន្តរាយអគ្គិភ័យដ៏រន្ធត់មួយ បានកើតឡើងនៅមន្ទីរពេទ្យរដ្ឋ Pakistan Institute of Medical Sciences (PIMS) ក្នុងទីក្រុងអ៊ីស្លាម៉ាបាដ ប្រទេសប៉ាគីស្ថាន កាលពីព្រឹកថ្ងៃពុធ ទី២៦ ខែសីហា…
វិមានរដ្ឋសភា៖ សម្ដេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា នាព្រឹកថ្ងៃទី២៦ ខែសីហា ឆ្នាំ២០២៦ បានអនុញ្ញាតឱ្យ ឯកឧត្តម Tan Sri Dato' Johari bin…
ឯកឧត្តម នេត្រ ភក្ត្រា រដ្ឋមន្ត្រី ក្រសួងព័ត៌មានរួមជាមួយថ្នាក់ដឹកនាំក្រុមការងាររាជរដ្ឋាភិបាលចុះមូលដ្ឋានខេត្តក្រចេះ អាជ្ញាធរឃុំព្រៃសាម៉ាន់ និង (more…)
អាជ្ញាធរឥណ្ឌូណេស៊ីនៅខេត្តស៊ូម៉ាត្រាខាងត្បូង បានចូលរួមក្នុងពិធីសាសនា ដោយរៀបចំពិធីថ្វាយបង្គំបួងសួងសុំភ្លៀង ខណៈភ្លើងឆេះព្រៃ និងតំបន់ព្រៃភក់កំពុងរាលដាលយ៉ាងខ្លាំង បង្កឱ្យមានផ្សែងអ័ព្ទក្រាស់គ្របដណ្តប់ទីក្រុងមួយចំនួន។ (more…)
ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះបានអញ្ជើញចុះសួរសុខទុក្ខប្រជាពលរដ្ឋ និងពិនិត្យស្ថានភាពទឹកជំនន់តាមដងទន្លេមេគង្គ ក្នុងឃុំព្រែកសាម៉ាន់ និងឃុំកញ្ជរ ស្រុកឆ្លូង ខេត្តក្រចេះ នៅថ្ងៃទី២៤ ខែសីហា ឆ្នាំ២០២៦។ (more…)
ម៉ាឡេស៊ីបានបង្កើនការត្រៀមលក្ខណៈសន្តិសុខ និងរឹតបន្តឹងការគ្រប់គ្រងតាមបណ្តោយព្រំដែនម៉ាឡេស៊ី–ថៃ បន្ទាប់ពីមានការវាយប្រហារជាបន្តបន្ទាប់នៅតំបន់ភាគខាងត្បូងប្រទេសថៃ កាលពីថ្ងៃទី២២ ខែសីហា ឆ្នាំ២០២៦។ (more…)