អ្នករាយការណ៍ពិសេសរបស់អង្គការសហប្រជាជាតិ ទទួលបន្ទុកស្ថានភាពសិទ្ធិនៅប៉ាឡេស្ទីន លោកស្រី Francesca Albanese មើលឃើញថា វាមានភាពសមហេតុផល ដើម្បីកំណត់ថាអ៊ីស្រាអែលបានប្រព្រឹត្តអំពើប្រល័យពូជសាសន៍ “ការបោសសម្អាតជនជាតិភាគតិច” ក្នុងសង្រ្គាមនៅហ្គាហ្សាដែលកំពុងបន្ត។ នេះបើតាមការផ្សាយដោយសារព័ត៌មាន Arab News នៅថ្ងៃទី២៧ ខែមីនា ឆ្នាំ២០២៤។
លោកស្រី Francesca Albanese បានប្រាប់ក្រុមប្រឹក្សាសិទ្ធិមនុស្សអង្គការសហប្រជាជាតិ នៅថ្ងៃអង្គារថា មានការបង្ហាញយ៉ាងច្បាស់ថា អ៊ីស្រាអែលបានរំលោភបំពានរហូតដល់ទៅ “៣ចំណុច” ក្នុងចំណោមចំណុចទាំងប្រាំដែលបានចុះបញ្ជីនៅក្រោមអនុសញ្ញាប្រល័យពូជសាសន៍របស់អង្គការសហប្រជាជាតិ។
របាយការណ៍ដែលបានដាក់ចេញកាលពីថ្ងៃច័ន្ទ បានគូសបញ្ជាក់ថា មានភស្តុតាងបង្ហាញយ៉ាងច្បាស់ថា អ៊ីស្រាអែលបានកំណត់លក្ខណៈប្រជាជនហ្គាហ្សាទាំងមូលថា “ជាគោលដៅដែលអាចសម្លាប់បាន និងអាចបំផ្លាញបាន” ហើយបានដាក់ចេញនូវ “ចេតនាប្រល័យពូជសាសន៍” របស់ខ្លួនដើម្បីកម្ចាត់ប្រជាជនប៉ាឡេស្ទីន។
ជុំវិញការលើកឡើងរបស់អ្នករាយការណ៍ពិសេសនៃអង្គការសហប្រជាជាតិ បេសកកម្មការទូតរបស់អ៊ីស្រាអែលនៅទីក្រុងហ្សឺណែវ បានបដិសេដ និងច្រានចោលទាំងស្រុងនូវរបាយការណ៍នេះ ដោយពណ៌នាថា វាគ្រាន់តែជាការបន្ថែមនៃយុទ្ធនាការស្វែងរកការធ្វើឱ្យខូចដល់ការបង្កើតរដ្ឋជ្វីហ្វប៉ុណ្ណោះ។
ជាមួយគ្នានេះ សហរដ្ឋអាមេរិកដែលជាសម្ព័ន្ធមិត្តដែកថែបរបស់អ៊ីស្រាអែល នៅតែឈរខាងអ៊ីស្រាអែល ហើយបានរិះគន់យ៉ាងចាស់ដៃលើលោកស្រី Albanese និងអាណត្តិរបស់លោកស្រី ដោយបានចាត់ទុកការលើកឡើងនេះថា លម្អៀងប្រឆាំងនឹងអ៊ីស្រាអែល។
ប៉ុន្តែទោះបីយ៉ាងណាក៏ដោយ របាយការណ៍ដែលបានបង្ហាញនេះទទួលបានការសាទរ និងគាំទ្រយ៉ាងខ្លាំងពីបណ្តាប្រទេសជាច្រើនលើពិភពលោក ជាពិសេសពីបណ្តាប្រទេសអារ៉ាប់។
គួរជម្រាបថា កាលពីពេលកន្លងទៅ អាហ្រ្វិកខាងត្បូងបានដាក់ពាក្យបណ្តឹងប្រឆាំងនឹងអ៊ីស្រាអែលរួចហើយនៅចំពោះមុខតុលាការយុត្តិធម៌អន្តរជាតិ ដោយចោទប្រកាន់អ៊ីស្រាអែលថា ការវាយលុកលើតំបន់ហ្គាហ្សាគឺជាការរំលោភលើអនុសញ្ញាប្រល័យពូជសាសន៍។ ប៉ុន្តែតុលាការមិនទាន់សម្រេចលើបញ្ហាមូលដ្ឋាននៅឡើយទេ បានត្រឹមបញ្ជាឱ្យអ៊ីស្រាអែលធ្វើអ្វីគ្រប់យ៉ាងដែលអាចធ្វើទៅបាន ដើម្បីការពារអំពើប្រល័យពូជសាសន៍ក្នុងអំឡុងពេលយុទ្ធនាការរបស់ខ្លួន និងអនុញ្ញាតឱ្យផ្តល់ជំនួយមនុស្សធម៌៕
Senior Minister in charge of Special Missions Othsman Hassan (2R front) attends the ‘Conference of…
The Kingdom of Cambodia and the State of Qatar have concurred on the importance of…
Cambodian Senate President Hun Sen has urged Qatar to open a permanent embassy in Cambodia…
ម៉ាឡេស៊ី ៖ រាជរដ្ឋាភិបាលម៉ាឡេស៊ី សហការជាមួយសម្ព័ន្ធពិភពឥស្លាម(Rabitah) បានរៀបចំសន្និសីទមេដឹកនាំសាសនាអន្តរជាតិ នៅទីក្រុងកូឡាឡាំពួរនៅថ្ងៃទី៧ ខែឧសភា ឆ្នាំ២០២៤ ក្នុងគោលបំណងលើកកម្ពស់ការសន្ទនាអន្តរជំនឿ ផ្លាស់ប្ដូរគំនិត ចែករំលែកបទពិសោធន៍ និងស្វែងរកមធ្យោបាយសម្រាប់កិច្ចសហការ រវាងមេដឹកនាំសាសនា មុហ្វទី អ្នកប្រាជ្ញ…
Information Minister Neth Pheaktra (R) meets with UNESCO Representative to Cambodia Sardar Umar Alam at…
The Royal Government of Cambodia is always open to and supports the strengthening and expansion…