អារ៉ាប៊ីសាអូឌីត បានអំពាវនាវឱ្យរៀបចំកិច្ចប្រជុំកំពូលនៃបណ្តាប្រទេសអារ៉ាប់ និងឥស្លាម នាថ្ងៃទី១១ ខែវិច្ឆិកា ឆ្នាំ២០២៤ ខាងមុខ ក្នុងទីក្រុងរីយ៉ាដ ដើម្បីពិភាក្សា និងតាមដានអំពីការបន្តការឈ្លានពានរបស់អ៊ីស្រាអែល លើទឹកដីប៉ាឡេស្ទីន និងលីបង់ ក៏ដូចជាអំពីការវិឌ្ឍន៍ក្នុងតំបន់។ នេះបើតាមការផ្សាយដោយការសែតអារ៉ាប់ Saudi Gazette នៅថ្ងៃទី៣០ ខែតុលា ឆ្នាំ២០២៤។
កិច្ចប្រជុំកំពូលនេះ ស្របគ្នាជាមួយនឹងកិច្ចប្រជុំកំពូលរបស់បណ្តាប្រទេសអារ៉ាប់ និងឥស្លាម កាលពីឆ្នាំមុន ដែលធ្វើឡើងនៅទីក្រុងរីយ៉ាដ និងក្រោមការចង្អុលបង្ហាញរបស់ ព្រះមហាក្សត្រ Salman និងកិច្ចខិតខំប្រឹងប្រែងរបស់រាជទាយាទ និងជានាយករដ្ឋមន្ត្រី ព្រះអង្គម្ចាស់ Mohammed bin Salman ផងដែរ។
ទីភ្នាក់ងារសារព័ត៌មានអារ៉ាប៊ីសាអូឌីត បានរាយការណ៍ថា ប្រទេសអារ៉ាប៊ីសាអូឌីតបានបញ្ជាក់ជាថ្មីនូវការថ្កោលទោស និងបរិហារឧក្រិដ្ឋកម្ម និងការវាយប្រហាររបស់អ៊ីស្រាអែល ដែលបានប្រព្រឹត្តទៅលើប្រជាជនប៉ាឡេស្ទីន និងការប៉ុនប៉ងក្នុងការធ្វើឱ្យខូចអធិបតេយ្យភាព និងបូរណភាពទឹកដីនៃប្រទេសលីបង់ ផងដែរ។
ភាពតានតឹងក្នុងតំបន់បានកើនឡើងដោយសារតែការវាយលុកដ៏ឃោរឃៅរបស់អ៊ីស្រាអែលលើតំបន់ហ្គាហ្សា ដែលបានសម្លាប់ជនជាតិប៉ាឡេស្ទីនរហូតដល់ជាង ៤ម៉ឺន ៣ពាន់នាក់ ដែលភាគច្រើនជាស្ត្រី និងកុមារ បន្ទាប់ពីក្រុមហាម៉ាស់បានបាញ់ផ្លោងចូលទឹកដីអ៊ីស្រាអែល កាលពីខែតុលា ឆ្នាំមុន។
គួរជម្រាបថា សង្គ្រាមបានរីករាលដាលដល់ប្រទេសលីបង់ ដោយអ៊ីស្រាអែលបើកការវាយប្រហារនៅទូទាំងប្រទេស ដែលបានសម្លាប់មនុស្សជាង ២,៧០០នាក់ និងជាង ១២,៥០០នាក់ ផ្សេងទៀតរងរបួស ចាប់តាំងពីឆ្នាំមុន ដែលត្រូវបានចាត់ទុកថា ជាការប៉ុនប៉ងក្នុងការធ្វើឱ្យខូចអធិបតេយ្យភាព និងបូរណភាពទឹកដីនៃប្រទេសលីបង់៕
លោកស្រី អ៊ីលហាន អូម៉ា (Ilhan Omar) បេក្ខជនគណបក្សប្រជាធិបតេយ្យ និងជាអ្នកនយោបាយអាមេរិកកាន់សាសនាឥស្លាម បានឈ្នះការបោះឆ្នោតឡើងវិញ ក្នុងមណ្ឌលបោះឆ្នោតសភាតំណាងរាស្ត្រទី៥ នៃរដ្ឋមីនីសូតា ក្នុងការបោះឆ្នោតពាក់កណ្តាលអាណត្តិឆ្នាំ២០២៦។ (more…)
ខេត្តតាកែវ៖ យោងតាមរបាយការណ៍បឋមបានឲ្យដឹងថា កាលពីវេលាម៉ោង ១១:៣០នាទី ថ្ងៃទី២៩ ខែតុលា ឆ្នាំ២០២៦ មានករណីឃាតកម្មមួយកើតឡើងនៅភូមិព្រៃរំដេង ឃុំអង្គតាសោម ស្រុកត្រាំកក់ ខេត្តតាកែវ បណ្តាលឱ្យស្ត្រីម្នាក់ឈ្មោះ អ៊ែល ម៉ារីយ៉ាស់ ហៅ…
គណបក្សលីគូដ (Likud) របស់នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ បានចោទប្រកាន់ថា ប្រទេសកាតា និងតួកគី ត្រូវបានគេអះអាងថា បានផ្តល់មូលនិធិដល់គណបក្សអារ៉ាប់ ដែលចូលរួមក្នុងការបោះឆ្នោតនៅអ៊ីស្រាអែល។ (more…)
ជនជាតិចាមកាន់សាសនាឥស្លាមមកពីខេត្តអានយ៉ាង ប្រទេសវៀតណាម បានរៀបចំការសម្តែងឡើងវិញនូវពិធីបុណ្យរ៉ាយ៉ាអ៊ីឌុលហ្វិត្រី (Raya Aidil Fitri) នៅថ្ងៃទី២៥ ខែតុលា ឆ្នាំ២០២៦ នៅភូមិវប្បធម៌ និងទេសចរណ៍ជាតិរបស់វៀតណាម ក្នុងទីក្រុងហាណូយ។ (more…)
ភ្នំពេញ៖ នាល្ងាចថ្ងៃទី២៨ ខែតុលា ឆ្នាំ២០២៦ ស្ថានទូតម៉ាឡេស៊ីប្រចាំព្រះរាជាណាចក្រកម្ពុជា បានរៀបចំពិធីអបអរសាទរខួបលើកទី៦៩ នៃទិវាបុណ្យជាតិម៉ាឡេស៊ី ក្រោមអធិបតីភាព ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងឯកឧត្តម Shaharuddin Onn…
យ៉ាងហោចណាស់សិស្ស ២៧នាក់ ដែលភាគច្រើនមានអាយុក្រោម ១៣ឆ្នាំ និងគ្រូម្នាក់ បានស្លាប់ បន្ទាប់ពីដំបូលអគារសាលារៀនមួយបានបាក់រលំ ខណៈពួកគេកំពុងរៀនក្នុងថ្នាក់ នៅថ្ងៃថ្ងៃព្រហស្បតិ៍ នេះនៅទីក្រុងប៉េសាវ៉ា (Peshawar) ភាគខាងជើងប្រទេសប៉ាគីស្ថាន។ អាជ្ញាធរបារម្ភថា ចំនួនអ្នកស្លាប់អាចនឹងកើនឡើងបន្ថែមទៀត។ (more…)