អាជ្ញាធររដ្ឋាភិបាល បាននិយាយថា ទីក្រុង Lahore ដែលជាទីក្រុងធំទីពីររបស់ប្រទេសប៉ាគីស្ថាននឹងបិទសាលាបឋមសិក្សាជាបណ្តោះអាសន្ន (រយៈពេលមួយសប្តាហ៍) បន្ទាប់ពីវាបានឃើញកម្រិតនៃការបំពុលដោយគុណភាពខ្យល់ ដែលមិនធ្លាប់មានពីមុនមក។ នេះបើតាមការផ្សាយដោយសារព័ត៌មាន Al Jazeera នៅថ្ងៃទី៤ ខែវិច្ឆិកា ឆ្នាំ២០២៤។
ទីក្រុងដែលមានប្រជាជនចំនួន ១៤លាននាក់រស់នៅ ត្រូវបានហ៊ុំព័ទ្ធដោយផ្សែងអ័ព្ទ លាយឡំនិងខ្យល់បំពុល ដែលបណ្តាលមកពីផ្សែងម៉ាស៊ូតកម្រិតទាប ផ្សែងពីការដុតកាកសំណល់កសិកម្មតាមរដូវ និងភាពត្រជាក់ក្នុងរដូវរងារ។
យោងតាមទិន្នន័យពី IQAir បានឱ្យដឹងថា សន្ទស្សន៍គុណភាពខ្យល់ ដែលវាស់ស្ទង់កម្រិតនៃការបំពុលបានលើសពី ១,០០០ កាលពីថ្ងៃសៅរ៍ ខណៈដែលលើសពីកម្រិត ៣០០ ត្រូវបានចាត់ទុកថាជាកម្រិតគ្រោះថ្នាក់ទៅហើយ។ ការបំពុលក្នុងកម្រិតលើសពី ១,០០០ ក៏ត្រូវបានរកឃើញផងដែរនៅថ្ងៃអាទិត្យ ដែលត្រូវបានចាត់ទុកថា “មិនធ្លាប់មានពីមុនមក”។
លោក Jahangir Anwar មន្ត្រីការពារបរិស្ថានជាន់ខ្ពស់ នៅទីក្រុង Lahore បានប្រាប់ទីភ្នាក់ងារព័ត៌មាន AFP ថា ការព្យាករណ៍អាកាសធាតុសម្រាប់រយៈពេលប្រាំមួយថ្ងៃបន្ទាប់ បង្ហាញថា កម្រិតខ្យល់ពុលនឹងនៅដដែល។ ដូច្នេះហើយយើងកំពុងបិទសាលាបឋមសិក្សារបស់រដ្ឋាភិបាល និងឯកជនទាំងអស់នៅក្នុងទីក្រុង Lahore ក្នុងរយៈពេលមួយសប្តាហ៍។
ការស្រូបខ្យល់ពុលអាចបណ្តាលអោយប៉ះពាល់ដល់សុខភាព ដោយអង្គការសុខភាពពិភពលោក (WHO) បាននិយាយថា វានឹងធ្វើអោយកើតជំងឺដាច់សរសៃឈាមខួរក្បាល ជំងឺបេះដូង មហារីកសួត និងជំងឺផ្លូវដង្ហើម ជាដើម។ កាលពីថ្ងៃសៅរ៍ កំហាប់នៃសារធាតុបំពុល PM2.5 ជាភាគល្អិតនៅក្នុងខ្យល់ ដែលបណ្តាលឱ្យខូចសុខភាពបំផុត គឺច្រើនជាង ៤០ដង នៃកម្រិតដែលត្រូវបានចាត់ទុកថា អាចទទួលយកបានដោយ WHO ៕
លោកស្រី អ៊ីលហាន អូម៉ា (Ilhan Omar) បេក្ខជនគណបក្សប្រជាធិបតេយ្យ និងជាអ្នកនយោបាយអាមេរិកកាន់សាសនាឥស្លាម បានឈ្នះការបោះឆ្នោតឡើងវិញ ក្នុងមណ្ឌលបោះឆ្នោតសភាតំណាងរាស្ត្រទី៥ នៃរដ្ឋមីនីសូតា ក្នុងការបោះឆ្នោតពាក់កណ្តាលអាណត្តិឆ្នាំ២០២៦។ (more…)
ខេត្តតាកែវ៖ យោងតាមរបាយការណ៍បឋមបានឲ្យដឹងថា កាលពីវេលាម៉ោង ១១:៣០នាទី ថ្ងៃទី២៩ ខែតុលា ឆ្នាំ២០២៦ មានករណីឃាតកម្មមួយកើតឡើងនៅភូមិព្រៃរំដេង ឃុំអង្គតាសោម ស្រុកត្រាំកក់ ខេត្តតាកែវ បណ្តាលឱ្យស្ត្រីម្នាក់ឈ្មោះ អ៊ែល ម៉ារីយ៉ាស់ ហៅ…
គណបក្សលីគូដ (Likud) របស់នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ បានចោទប្រកាន់ថា ប្រទេសកាតា និងតួកគី ត្រូវបានគេអះអាងថា បានផ្តល់មូលនិធិដល់គណបក្សអារ៉ាប់ ដែលចូលរួមក្នុងការបោះឆ្នោតនៅអ៊ីស្រាអែល។ (more…)
ជនជាតិចាមកាន់សាសនាឥស្លាមមកពីខេត្តអានយ៉ាង ប្រទេសវៀតណាម បានរៀបចំការសម្តែងឡើងវិញនូវពិធីបុណ្យរ៉ាយ៉ាអ៊ីឌុលហ្វិត្រី (Raya Aidil Fitri) នៅថ្ងៃទី២៥ ខែតុលា ឆ្នាំ២០២៦ នៅភូមិវប្បធម៌ និងទេសចរណ៍ជាតិរបស់វៀតណាម ក្នុងទីក្រុងហាណូយ។ (more…)
ភ្នំពេញ៖ នាល្ងាចថ្ងៃទី២៨ ខែតុលា ឆ្នាំ២០២៦ ស្ថានទូតម៉ាឡេស៊ីប្រចាំព្រះរាជាណាចក្រកម្ពុជា បានរៀបចំពិធីអបអរសាទរខួបលើកទី៦៩ នៃទិវាបុណ្យជាតិម៉ាឡេស៊ី ក្រោមអធិបតីភាព ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងឯកឧត្តម Shaharuddin Onn…
យ៉ាងហោចណាស់សិស្ស ២៧នាក់ ដែលភាគច្រើនមានអាយុក្រោម ១៣ឆ្នាំ និងគ្រូម្នាក់ បានស្លាប់ បន្ទាប់ពីដំបូលអគារសាលារៀនមួយបានបាក់រលំ ខណៈពួកគេកំពុងរៀនក្នុងថ្នាក់ នៅថ្ងៃថ្ងៃព្រហស្បតិ៍ នេះនៅទីក្រុងប៉េសាវ៉ា (Peshawar) ភាគខាងជើងប្រទេសប៉ាគីស្ថាន។ អាជ្ញាធរបារម្ភថា ចំនួនអ្នកស្លាប់អាចនឹងកើនឡើងបន្ថែមទៀត។ (more…)