អារ៉ាប៊ីសាអូឌីតបានតែងតាំងឯកអគ្គរដ្ឋទូតរបស់ខ្លួន សម្រាប់ដែនដីប៉ាឡេស្ទីន ដែលត្រូវកាន់កាប់ដោយអ៊ីស្រាអែល ដែលនឹងធ្វើជាអគ្គកុងស៊ុល នៅទីក្រុងហ្សេរុយសាឡឹម ចំពេលមានការរំពឹងទុកអំពីទំនាក់ទំនងនាពេលអនាគត ដែលអាចមានជាមួយអ៊ីស្រាអែល។
តួនាទីនេះ នឹងត្រូវបំពេញដោយ Nayef Al Sudairi ដែលជាឯកអគ្គរដ្ឋទូតបច្ចុប្បន្ន ប្រចាំប្រទេសហ្ស៊កដានី។ នេះបើយោងតាមការបង្ហោះផ្សាយលើបណ្តាញសង្គម ដោយមន្ត្រីក្រសួងការបរទេសអារ៉ាប៊ីសាអូឌីត ពីស្ថានទូតនៅទីក្រុង Amman នៃប្រទេសហ្ស៊កដានី បានបញ្ជាក់កាលពីថ្ងៃសៅរ៍ ទី១២ ខែសីហា កន្លងទៅថ្មីៗនេះ។
នៅក្នុងបទសម្ភាសន៍ជាមួយទូរទស្សន៍រដ្ឋ Al Ekhbariya អ្នកការទូតដែលត្រូវបានតែងតាំង Al Sudairi បានបញ្ជាក់ថា ការតែងតាំងនេះ ជាជំហានដ៏សំខាន់មួយដែលបង្ហាញពីបំណងប្រាថ្នារបស់ស្តេច សាល់ម៉ាន និងព្រះអង្គម្ចាស់ Mohammed bin Salman ក្នុងការពង្រឹងទំនាក់ទំនងជាមួយប៉ាឡេស្ទីនក្នុងនាមជាបងប្អូន ក៏ដូចជាជំរុញអោយមានការរីកចម្រើនលើគ្រប់វិស័យ រវាងអារ៉ាប៊ីសាអូឌីត និងប៉ាឡេស្ទីន។
នោះមានន័យថា ឯកសារសម្រាប់ដែនដីប៉ាឡេស្ទីនដែលកាន់កាប់ដោយអ៊ីស្រាអែល នឹងត្រូវបានចាត់ចែងដោយស្ថានទូតអារ៉ាប៊ីសាអូឌីត នៅទីក្រុង Amman។
អារ៉ាប៊ីសាអូឌីត មិនបានទទួលស្គាល់អ៊ីស្រាអែល និងមិនបានចូលរួមកិច្ចព្រមព្រៀង Abraham ដែលសម្របសម្រួលដោយសហរដ្ឋអាមេរិក កាលពីឆ្នាំ២០២០ទេ បើទោះបីអ៊ីស្រាអែលបង្កើតទំនាក់ទំនងជាមួយប្រទេសជិតខាងរបស់ខ្លួន រួមមាន អេមីរ៉ាតអារ៉ាប់រួម និងបារ៉ែនក៏ដោយ។
ទីក្រុងរីយ៉ាដ បានប្រកាសម្តងហើយម្តងទៀតថា ខ្លួននឹងប្រកាន់ខ្ជាប់នូវជំហររបស់សម្ព័ន្ធអារ៉ាប់ដែលមានអាយុកាលរាប់ទសវត្សរ៍ ក្នុងការមិនបង្កើតទំនាក់ទំនងផ្លូវការជាមួយអ៊ីស្រាអែល រហូតដល់បញ្ហានៃការកាន់កាប់ដោយខុសច្បាប់ដោយអ៊ីស្រាអែល លើទឹកដីប៉ាឡេស្ទីន ត្រូវបានដោះស្រាយ។
ប៉ុន្តែក្នុងរយៈពេលប៉ុន្មានខែថ្មីៗនេះ ទីក្រុងរីយ៉ាដ និងទីក្រុងវ៉ាស៊ីនតោន បានពិភាក្សាគ្នាលើលក្ខខណ្ឌ សម្រាប់វឌ្ឍនភាពអំពីការធ្វើឱ្យមានលក្ខណៈធម្មតារបស់អារ៉ាប៊ីសាអូឌីត ជាមួយអ៊ីស្រាអែល ដែលរួមទាំងការធានាសន្តិសុខ និងជំនួយ ជាមួយនឹងកម្មវិធីនុយក្លេអ៊ែរស៊ីវិល ដែលមានសមត្ថភាពចម្រាញ់សារធាតុអ៊ុយរ៉ាញ៉ូមផងដែរ។
ទោះបីយ៉ាងណា ការតែងតាំងឯកអគ្គរដ្ឋទូតរបស់អារ៉ាប៊ីសាអូឌីត សម្រាប់ប៉ាឡេស្ទីន ទទួលបានការគាំទ្រនិងស្វាគមន៍យ៉ាងកក់ក្តៅពីមន្ត្រីប៉ាឡេស្ទីន ដោយលោក Majdi al Khaldi ទីប្រឹក្សាប្រធានាធិបតីប៉ាឡេស្ទីនសម្រាប់កិច្ចការការទូត បានគូសបញ្ជាក់ថា “វានឹងរួមចំណែកដល់ការពង្រឹងទំនាក់ទំនងរវាងប្រទេសទាំងពីរ និងប្រជាជន ក្នុងនាមជាបងប្អូន”៕
យ៉ាងហោចណាស់សិស្ស ២៧នាក់ ដែលភាគច្រើនមានអាយុក្រោម ១៣ឆ្នាំ និងគ្រូម្នាក់ បានស្លាប់ បន្ទាប់ពីដំបូលអគារសាលារៀនមួយបានបាក់រលំ ខណៈពួកគេកំពុងរៀនក្នុងថ្នាក់ នៅថ្ងៃថ្ងៃព្រហស្បតិ៍ នេះនៅទីក្រុងប៉េសាវ៉ា (Peshawar) ភាគខាងជើងប្រទេសប៉ាគីស្ថាន។ អាជ្ញាធរបារម្ភថា ចំនួនអ្នកស្លាប់អាចនឹងកើនឡើងបន្ថែមទៀត។ (more…)
នារសៀលថ្ងៃទី១៥ ខែតុលា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានជួបពិភាក្សាទ្វេភាគីជាមួយ ឯកឧត្តម Isaac Herzog ប្រធានាធិបតី អ៊ីស្រាអែល ក្នុងឱកាសនៃការអញ្ជើញបំពេញទស្សនកិច្ចផ្លូវការ និងចូលរួមកិច្ចប្រជុំកំពូល…
នៅថ្ងៃទី៩ ខែតុលា ឆ្នាំ២០២៦ ម៉ាឡេស៊ីបានសម្រេចបិទសាលារៀននៅរដ្ឋចំនួន៤ រួមមាន ចូហ័រ ម៉ាឡាកា នេហ្គឺរីសេមប៊ីឡាន និងសេឡាងហ្គ័រ ព្រមទាំងគូឡាឡាំពួរ ពូត្រាចាយ៉ា និងស្រុករ៉ុមពីន ដោយសារផ្សែងអ័ព្ទបង្កឱ្យគុណភាពខ្យល់ធ្លាក់ចុះដល់កម្រិតមិនល្អចំពោះសុខភាព។ (more…)
ប្រទេសម៉ាឡេស៊ីបានទទួលភ្ញៀវទេសចរអន្តរជាតិចំនួន ២៨,៨ លាននាក់ ក្នុងរយៈពេលពីខែមករា ដល់ខែសីហា ឆ្នាំ២០២៦ កើនឡើង ១,៨% បើធៀបនឹងរយៈពេលដូចគ្នាកាលពីឆ្នាំមុន។ តួលេខនេះបានធ្វើឱ្យម៉ាឡេស៊ីបន្តឈរនៅលំដាប់កំពូលក្នុងតំបន់អាស៊ីអាគ្នេយ៍ ខាងចំនួនភ្ញៀវទេសចរអន្តរជាតិ។ (more…)
អាកាសយានដ្ឋានអន្តរជាតិ King Khalid បានជូនដំណឹងថា ជើងហោះហើរមួយចំនួនអាចមានការយឺតយ៉ាវ ផ្លាស់ប្តូរកាលវិភាគ ឬត្រូវលុបចោល ដោយសារការវិវត្តន៍នៃស្ថានការណ៍ក្នុងតំបន់ និងការរឹតបន្តឹងលើដែនអាកាស។ (more…)
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីដ៏ខ្ពង់ខ្ពស់ ពិធីបើក “មហាសន្និបាត សហព័ន្ធអតីតយុទ្ធជនបណ្តាប្រទេសអាស៊ាន” លើកទី២៥ (VECONAC) ដែលកម្ពុជាធ្វើជាម្ចាស់ផ្ទះ ក្រោមប្រធានបទ៖ «ជាង៤ទសវត្សនៃសហព័ន្ធអតីតយុទ្ធជនអាស៊ាន៖ រួមគ្នាកសាងមិត្តភាព…