អាមេរិក៖ ប្រធានាធិបតីអាមេរិក លោក ចូ បៃឌិន បានសម្តែងការគាំទ្របុព្វហេតុប៉ាឡេស្ទីន និងបានរិះគន់ជាលើកដំបូង ចំពោះគោលនយោបាយការតាំងទីលំនៅដោយខុសច្បាប់របស់អ៊ីស្រាអែល នៅលើទឹកដីប៉ាឡេស្ទីន និងបានពណ៌នារដ្ឋាភិបាលសម្ព័ន្ធភាពអ៊ីស្រាអែល ថាជារដ្ឋាភិបាលជ្រុលនិយមបំផុត ក្នុងប្រវត្តិសាស្ត្រនៃរដ្ឋកាន់កាប់។
នៅក្នុងបទសម្ភាសន៍ជាមួយសារព័ត៌មាន CNN លោក បៃឌិន បានពណ៌នាសម្ព័ន្ធភាពអ៊ីស្រាអែលថាជារដ្ឋាភិបាលជ្រុលនិយមបំផុតក្នុងប្រវត្តិសាស្ត្រនៃរដ្ឋកាន់កាប់ និងបានសង្កត់ធ្ងន់ជាលើកដំបូងថា រដ្ឋាភិបាលនិងសមាជិកភេរវកររបស់អ៊ីស្រាអែល គឺជាប្រភពនៃស្ថានការណ៍ថ្មីៗនេះនៅតំបន់ West Bank ទឹកដីប៉ាឡេស្ទីន ដែលកាន់កាប់ដោយអ៊ីស្រាអែល។ នេះបើតាមការផ្សាយដោយសារព័ត៌មាន Al Monitor នៅថ្ងៃទី១១ ខែកក្កដា ឆ្នាំ២០២៣។
លោក ចូ បៃឌិន បានអះអាងសារជាថ្មីថា គោលការណ៍នៃដំណោះស្រាយរដ្ឋទាំងពីរ គឺជាផ្លូវត្រឹមត្រូវដើម្បីឆ្ពោះទៅមុខលើផ្លូវដោះស្រាយជម្លោះ រវាងប៉ាឡេស្ទីន និងអ៊ីស្រាអែល ខណៈលោកក៏បានរិះគន់គោលនយោបាយការតាំងទីលំនៅរបស់អ៊ីស្រាអែលដែលរីកសាយភាយ និងបានសង្កត់ធ្ងន់ថា អ្នកតាំងលំនៅអ៊ីស្រាអែល គ្មានសិទ្ធិនៅទីនោះនោះទេ។
ជុំវិញការអធិប្បាយរបស់ប្រធានាធិបតីអាមេរិក ក្រសួងការបរទេសប៉ាឡេស្ទីនបានបង្ហាញការស្វាគមន៍ និងបានលើកឡើងថា វាគឺជាជំហានមួយក្នុងទិសដ៏ដៅត្រឹមត្រូវ។ ក្រសួងបានអំពាវនាវឱ្យការអធិប្បាយដោយពាក្យសម្ដី និងជំហររបស់អាមេរិកនាពេលនេះ អោយទៅជាសកម្មភាព និងវិធានការជាក់ស្តែង ដែលធានាការការពារប្រជាជនប៉ាឡេស្ទីនពីភាពជ្រុលនិយម និងការរើសអើងជាតិសាសន៍ របស់រដ្ឋាភិបាលអ៊ីស្រាអែល។
ក្រសួងក៏បានជំរុញផងដែរ សម្រាប់ការធានាការការពារដំណោះស្រាយរដ្ឋទាំងពីរ និងបញ្ចប់ការតាំងទីលំនៅរបស់អ៊ីស្រាអែល និងការឈូសឆាយ នៅក្នុងទឹកដីប៉ាឡេស្ទីន ដែលកាន់កាប់ដោយអ៊ីស្រាអែល ព្រមទាំងជំរុញឱ្យរដ្ឋាភិបាលអ៊ីស្រាអែលចូលរួមក្នុងផ្លូវនយោបាយផ្អែកលើការចរចា សម្រាប់ដំណោះស្រាយជម្លោះ។
ក្រសួងការបរទេសប៉ាឡេស្ទីន រំពឹងថា រដ្ឋបាល លោក បៃឌិន នឹងបំពេញការប្តេជ្ញាចិត្តដែលបានប្រកាសរបស់ខ្លួនចំពោះបុព្វហេតុប៉ាឡេស្ទីន និងគាំទ្រទៅលើផ្លូវច្បាប់របស់រដ្ឋប៉ាឡេស្ទីននៅក្នុងវេទិកាអន្តរជាតិ”។
គួរជម្រាបថា នេះគឺជាលើកដំបូងហើយដែលគេឃើញប្រធានាធិបតីអាមេរិក រិះគន់ទៅលើគោលនយោបាយការតាំងទីលំនៅអ៊ីស្រាអែល លើទឹកដីប៉ាឡេស្ទីន ដែលកាន់កាប់ដោយអ៊ីស្រាអែល និងគាំទ្រដល់បុព្វហេតុប៉ាឡេស្ទីន៕
យ៉ាងហោចណាស់សិស្ស ២៧នាក់ ដែលភាគច្រើនមានអាយុក្រោម ១៣ឆ្នាំ និងគ្រូម្នាក់ បានស្លាប់ បន្ទាប់ពីដំបូលអគារសាលារៀនមួយបានបាក់រលំ ខណៈពួកគេកំពុងរៀនក្នុងថ្នាក់ នៅថ្ងៃថ្ងៃព្រហស្បតិ៍ នេះនៅទីក្រុងប៉េសាវ៉ា (Peshawar) ភាគខាងជើងប្រទេសប៉ាគីស្ថាន។ អាជ្ញាធរបារម្ភថា ចំនួនអ្នកស្លាប់អាចនឹងកើនឡើងបន្ថែមទៀត។ (more…)
នារសៀលថ្ងៃទី១៥ ខែតុលា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានជួបពិភាក្សាទ្វេភាគីជាមួយ ឯកឧត្តម Isaac Herzog ប្រធានាធិបតី អ៊ីស្រាអែល ក្នុងឱកាសនៃការអញ្ជើញបំពេញទស្សនកិច្ចផ្លូវការ និងចូលរួមកិច្ចប្រជុំកំពូល…
នៅថ្ងៃទី៩ ខែតុលា ឆ្នាំ២០២៦ ម៉ាឡេស៊ីបានសម្រេចបិទសាលារៀននៅរដ្ឋចំនួន៤ រួមមាន ចូហ័រ ម៉ាឡាកា នេហ្គឺរីសេមប៊ីឡាន និងសេឡាងហ្គ័រ ព្រមទាំងគូឡាឡាំពួរ ពូត្រាចាយ៉ា និងស្រុករ៉ុមពីន ដោយសារផ្សែងអ័ព្ទបង្កឱ្យគុណភាពខ្យល់ធ្លាក់ចុះដល់កម្រិតមិនល្អចំពោះសុខភាព។ (more…)
ប្រទេសម៉ាឡេស៊ីបានទទួលភ្ញៀវទេសចរអន្តរជាតិចំនួន ២៨,៨ លាននាក់ ក្នុងរយៈពេលពីខែមករា ដល់ខែសីហា ឆ្នាំ២០២៦ កើនឡើង ១,៨% បើធៀបនឹងរយៈពេលដូចគ្នាកាលពីឆ្នាំមុន។ តួលេខនេះបានធ្វើឱ្យម៉ាឡេស៊ីបន្តឈរនៅលំដាប់កំពូលក្នុងតំបន់អាស៊ីអាគ្នេយ៍ ខាងចំនួនភ្ញៀវទេសចរអន្តរជាតិ។ (more…)
អាកាសយានដ្ឋានអន្តរជាតិ King Khalid បានជូនដំណឹងថា ជើងហោះហើរមួយចំនួនអាចមានការយឺតយ៉ាវ ផ្លាស់ប្តូរកាលវិភាគ ឬត្រូវលុបចោល ដោយសារការវិវត្តន៍នៃស្ថានការណ៍ក្នុងតំបន់ និងការរឹតបន្តឹងលើដែនអាកាស។ (more…)
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីដ៏ខ្ពង់ខ្ពស់ ពិធីបើក “មហាសន្និបាត សហព័ន្ធអតីតយុទ្ធជនបណ្តាប្រទេសអាស៊ាន” លើកទី២៥ (VECONAC) ដែលកម្ពុជាធ្វើជាម្ចាស់ផ្ទះ ក្រោមប្រធានបទ៖ «ជាង៤ទសវត្សនៃសហព័ន្ធអតីតយុទ្ធជនអាស៊ាន៖ រួមគ្នាកសាងមិត្តភាព…