ប្រធានាធិបតីតួកគី លោក Recep Tayyip Erdogan នឹងធ្វើទស្សនកិច្ចលើកដំបូងរបស់ខ្លួនទៅកាន់ប្រទេសអេហ្ស៊ីប នៅថ្ងៃពុធ ដើម្បីពិភាក្សាអំពីកិច្ចខិតខំប្រឹងប្រែងដើម្បីបញ្ឈប់ការបង្ហូរឈាម នៅក្នុងតំបន់ហ្គាហ្សា។ នេះបើតាមការផ្សាយដោយសារព័ត៌មាន Arab News នៅថ្ងៃទី១៤ ខែកុម្ភៈ ឆ្នាំ២០២៤។
ដំណើរទស្សនកិច្ចរបស់ប្រធានាធិបតីតួកគី ទៅកាន់ប្រទេសអេហ្ស៊ីបនាពេលនេះ គឺជាទស្សនកិច្ចលើកដំបូងរបស់ខ្លួន ចាប់តាំងពីឆ្នាំ២០១២ ដើម្បីជួបជាមួយសមភាគីអេហ្ស៊ីប លោក Abdel Fattah El-Sisi ដែលទើបតែបានចាប់ដៃគ្នាឡើងវិញ កាលពីខែវិច្ឆិកា ឆ្នាំ២០២២ នៅកាតា។
លោកប្រធានាធិបតី Erdogan បាននិយាយកាលពីថ្ងៃចន្ទថា ប្រទេសទាំងពីរនឹងពិភាក្សាអំពីរាល់កិច្ចខិតខំប្រឹងប្រែងដើម្បីបញ្ឈប់ការបង្ហូរឈាមនៅក្នុងតំបន់ហ្គាហ្សា។ ក្រៅពីនោះ ប្រទេសទាំងពីរក៏នឹងពិភាក្សាអំពីបញ្ហាសេដ្ឋកិច្ច ពាណិជ្ជកម្ម ទេសចរណ៍ ថាមពល និងវិស័យការពារជាតិផងដែរ។
លោកប្រធានាធិបតី Erdogan គឺជាអ្នករិះគន់អ៊ីស្រាអែលយ៉ាងខ្លាំងក្លាបំផុតសម្រាប់ការទម្លាក់គ្រាប់បែក និងការវាយលុកក្នុងទឹកដីប៉ាឡេស្ទីន ដែលបានសម្លាប់មនុស្សយ៉ាងហោចណាស់ ២៨,៤៧៣ នាក់ ដែលភាគច្រើនជាស្ត្រី និងកុមារ។
ការវាយលុករបស់អ៊ីស្រាអែលក្នុងទឹកដីប៉ាឡេស្ទីន ត្រូវបាននាយករដ្ឋមន្ត្រីអ៊ីស្រាអែលថា ជាការសងសឹក ក្រោយការវាយប្រហារនៅថ្ងៃទី៧ ខែតុលា របស់ក្រុមហាម៉ាស់ទៅលើអ៊ីស្រាអែល ដែលបណ្តាលឱ្យមនុស្សប្រហែល ១,១៦០ នាក់ បានស្លាប់ដែលភាគច្រើនជាជនស៊ីវិល។
បច្ចុប្បន្នអេហ្ស៊ីប និងកាតា គឺជាប្រទេសដែលកំពុងសម្រុះសម្រួលកិច្ចព្រមព្រៀងដ៏មានសក្តានុពល រវាងភាគីជម្លោះ ដោយមានការគាំទ្រពីសហរដ្ឋអាមេរិក៕
ប្រទេសអារ៉ាប់ និងប្រទេសមូស្លីមជាច្រើន បានថ្កោលទោសការចូលលុកលុយបរិវេណវិហារ Al-Aqsa នៅក្រុង Jerusalem ដោយរដ្ឋមន្ត្រីសន្តិសុខជាតិអ៊ីស្រាអែល Itamar Ben-Gvir និងក្រុមអ្នកតាំងទីលំនៅអ៊ីស្រាអែល ក្រោមការការពាររបស់កងកម្លាំងប៉ូលិសអ៊ីស្រាអែល។ នៅថ្ងៃទី 29 ខែកញ្ញា ឆ្នាំ…
អ៊ីស្រាអែល៖ ជើងហោះហើរ Flydubai ពីទីក្រុងឌូបៃទៅទីក្រុង Tel Aviv បហរទេសអ៊ីស្រាអែល បានបញ្ចេញសញ្ញាអាសន្ន 7700 ខណៈកំពុងហោះហើរ ហើយបានបង្វែរទិសដៅនៅលើដែនអាកាសអារ៉ាប៊ីសាអូឌីត។ (more…)
រ៉ាបាត៖ព្រះមហាក្សត្រ Mohammed VI នៃប្រទេសម៉ារ៉ុក កាលពីថ្ងៃទី ២៩ ខែកញ្ញា ឆ្នាំ២០២៦បានតែងតាំងលោកស្រី Fatima Ezzahra El Mansouri ជាប្រមុខរដ្ឋាភិបាល ឬនាយករដ្ឋមន្ត្រីថ្មីរបស់ប្រទេស ដែលធ្វើឱ្យលោកស្រីក្លាយជា…
ស្ថានទូតតួកគីប្រចាំកម្ពុជា បានជូនដំណើរនិស្សិតនគរបាលកម្ពុជាចំនួន ១០រូប ទៅកាន់ប្រទេសតួកគី ដើម្បីបន្តការសិក្សាថ្នាក់ បរិញ្ញាបត្រ និងអនុបណ្ឌិត នៅបណ្ឌិតសភានគរបាលតួកគី ក្រោមកម្មវិធីអាហារូបករណ៍ពេញលេញ។ (more…)
កូឡាឡាំពួរ៖ ប្រទេសម៉ាឡេស៊ី នៅថ្ងៃអង្គារ ទី២៩ ខែកញ្ញា ឆ្នាំ២០២៦ បានចាប់ផ្តើមដំណើរការបញ្ជូនពលរដ្ឋមីយ៉ាន់ម៉ាប្រមាណ ១,៥០០នាក់ ត្រឡប់ទៅប្រទេសកំណើតវិញ ជាដំណាក់កាលដំបូងនៃកម្មវិធីដែលអាចនឹងបញ្ជូនមនុស្សរហូតដល់ ៥,០០០នាក់។ រដ្ឋាភិបាលម៉ាឡេស៊ីអះអាងថា ការវិលត្រឡប់នេះធ្វើឡើងដោយស្ម័គ្រចិត្ត។ (more…)
ប្រធានាធិបតីតួកគី លោក Recep Tayyip Erdogan បានប្តេជ្ញាថា ទួរគីនឹងបន្តទាមទារឱ្យអ្នកដែលត្រូវបានចោទប្រកាន់ថាទទួលខុសត្រូវចំពោះអំពើឃោរឃៅ និងឧក្រិដ្ឋកម្មនៅតំបន់ហ្កាហ្សា និងតំបន់ផ្សេងទៀត ប្រឈមមុខនឹងយុត្តិធម៌។ (more…)