អគ្គនាយកនៃមជ្ឈមណ្ឌលជំនួយ និងជំនួយមនុស្សធម៌របស់ព្រះចៅសាល់ម៉ាន (KSrelief) បានគូសបញ្ជាក់ថា គិតត្រឹមឆ្នាំ២០២៤ ប្រទេសចំនួន១៧១ នៅជុំវិញពិភពលោកបានទទួលជំនួយមនុស្សធម៌ពីគំនិតផ្តួចផ្តើមនៃជំនួយមនុស្សធម៌របស់ប្រទេសអារ៉ាប៊ីសាអូឌីត ដែលមានតម្លៃជាទឹកប្រាក់ ១៣២ពាន់លានដុល្លារ។ ការគូសបញ្ជាក់នេះ ធ្វើឡើងក្នុងឱកាសដែលគណៈប្រតិភូរដ្ឋាភិបាលនៃប្រទេសយេម៉ែន ដឹកនាំដោយនាយករដ្ឋមន្ត្រី Ahmed Awad bin Mubarak បានទៅទស្សនាទីស្នាក់ការកណ្តាលនៃមជ្ឈមណ្ឌល (KSrelief) ក្នុងទីក្រុង Riyadh កាលពីថ្ងៃពុធ។ នេះបើតាមការផ្សាយដោយកាសែតអារ៉ាប់ Saudi Gazette នៅថ្ងៃទី៣ ខែតុលា ឆ្នាំ២០២៤។
លោកបណ្ឌិត Abdullah Al-Rabeeah ទីប្រឹក្សារាជវាំង និងជាអគ្គនាយកនៃមជ្ឈមណ្ឌលជំនួយមនុស្សធម៌ KSrelief បានថ្លែងប្រាប់គណៈប្រតិភូរដ្ឋាភិបាលនៃប្រទេសយេម៉ែនថា គំនិតផ្តួចផ្តើមជំនួយមនុស្សធម៌របស់ប្រទេស រាប់ចាប់ពីឆ្នាំ១៩៩៦ រហូតដល់ឆ្នាំ២០២៤ បានរីកសុះសាយទៅដល់ប្រទេសចំនួន១៧១ នៅជុំវិញពិភពលោក ដែលមានតម្លៃសរុបចំនួន ១៣២ពាន់លានដុល្លារ រួមទាំង ២៧ពាន់លានដុល្លារ ដល់ប្រជាជនយេម៉ែន។
លោកបណ្ឌិត Al Rabeeah បានគូសបញ្ជាក់ពីការប្តេជ្ញាចិត្តរបស់ KSrelief ក្នុងការកាត់បន្ថយភាពក្រីក្រ ការរងទុក្ខវេទនា និងជនភៀសខ្លួននៅក្នុងប្រទេសយេម៉ែន។
លោកនាយករដ្ឋមន្ត្រីនៃប្រទេសយេម៉ែន បានថ្លែងអំណរគុណយ៉ាងស្មោះស្ម័គ្រចំពោះរដ្ឋាភិបាលអារ៉ាប៊ីសាអូឌីត និងប្រជាជន សម្រាប់ជំនួយមនុស្សធម៌ ការសង្គ្រោះ និងជំនួយសប្បុរសធម៌ដ៏ទូលំទូលាយ ជាពិសេសបានពង្រីកដល់ប្រទេសយេម៉ែន ដែលជាគំរូដល់ទំនាក់ទំនងជាបងប្អូនដែលចាក់ឫសយ៉ាងជ្រៅរវាងប្រជាជាតិទាំងពីរ។
លោកនាយករដ្ឋមន្ត្រី បានកោតសរសើរចំពោះការរួមចំណែកយ៉ាងសំខាន់របស់មជ្ឈមណ្ឌលជំនួយ KSrelief និងតួនាទីដ៏សំខាន់របស់ខ្លួនក្នុងការជួយជនក្រីក្រ និងរងគ្រោះទូទាំងពិភពលោក៕
យ៉ាងហោចណាស់សិស្ស ២៧នាក់ ដែលភាគច្រើនមានអាយុក្រោម ១៣ឆ្នាំ និងគ្រូម្នាក់ បានស្លាប់ បន្ទាប់ពីដំបូលអគារសាលារៀនមួយបានបាក់រលំ ខណៈពួកគេកំពុងរៀនក្នុងថ្នាក់ នៅថ្ងៃថ្ងៃព្រហស្បតិ៍ នេះនៅទីក្រុងប៉េសាវ៉ា (Peshawar) ភាគខាងជើងប្រទេសប៉ាគីស្ថាន។ អាជ្ញាធរបារម្ភថា ចំនួនអ្នកស្លាប់អាចនឹងកើនឡើងបន្ថែមទៀត។ (more…)
នារសៀលថ្ងៃទី១៥ ខែតុលា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានជួបពិភាក្សាទ្វេភាគីជាមួយ ឯកឧត្តម Isaac Herzog ប្រធានាធិបតី អ៊ីស្រាអែល ក្នុងឱកាសនៃការអញ្ជើញបំពេញទស្សនកិច្ចផ្លូវការ និងចូលរួមកិច្ចប្រជុំកំពូល…
នៅថ្ងៃទី៩ ខែតុលា ឆ្នាំ២០២៦ ម៉ាឡេស៊ីបានសម្រេចបិទសាលារៀននៅរដ្ឋចំនួន៤ រួមមាន ចូហ័រ ម៉ាឡាកា នេហ្គឺរីសេមប៊ីឡាន និងសេឡាងហ្គ័រ ព្រមទាំងគូឡាឡាំពួរ ពូត្រាចាយ៉ា និងស្រុករ៉ុមពីន ដោយសារផ្សែងអ័ព្ទបង្កឱ្យគុណភាពខ្យល់ធ្លាក់ចុះដល់កម្រិតមិនល្អចំពោះសុខភាព។ (more…)
ប្រទេសម៉ាឡេស៊ីបានទទួលភ្ញៀវទេសចរអន្តរជាតិចំនួន ២៨,៨ លាននាក់ ក្នុងរយៈពេលពីខែមករា ដល់ខែសីហា ឆ្នាំ២០២៦ កើនឡើង ១,៨% បើធៀបនឹងរយៈពេលដូចគ្នាកាលពីឆ្នាំមុន។ តួលេខនេះបានធ្វើឱ្យម៉ាឡេស៊ីបន្តឈរនៅលំដាប់កំពូលក្នុងតំបន់អាស៊ីអាគ្នេយ៍ ខាងចំនួនភ្ញៀវទេសចរអន្តរជាតិ។ (more…)
អាកាសយានដ្ឋានអន្តរជាតិ King Khalid បានជូនដំណឹងថា ជើងហោះហើរមួយចំនួនអាចមានការយឺតយ៉ាវ ផ្លាស់ប្តូរកាលវិភាគ ឬត្រូវលុបចោល ដោយសារការវិវត្តន៍នៃស្ថានការណ៍ក្នុងតំបន់ និងការរឹតបន្តឹងលើដែនអាកាស។ (more…)
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីដ៏ខ្ពង់ខ្ពស់ ពិធីបើក “មហាសន្និបាត សហព័ន្ធអតីតយុទ្ធជនបណ្តាប្រទេសអាស៊ាន” លើកទី២៥ (VECONAC) ដែលកម្ពុជាធ្វើជាម្ចាស់ផ្ទះ ក្រោមប្រធានបទ៖ «ជាង៤ទសវត្សនៃសហព័ន្ធអតីតយុទ្ធជនអាស៊ាន៖ រួមគ្នាកសាងមិត្តភាព…