ព័ត៌មានអន្តរជាតិ

ចក្រភពអង់គ្លេស បដិសេធការស្វែងរកសិទ្ធិជ្រកកោនទៅលើជនជាតិស៊ូដង់ ដែលបានភៀសខ្លួនចេញពីប្រទេសដែលកំពុងរងការហែកហួរដោយសង្រ្គាម

Spread the love

កាសែត Metro បានរាយការណ៍ថា ការិយាល័យផ្ទះ នៃចក្រភពអង់គ្លេស បានបដិសេធការស្វែងរកសិទ្ធិជ្រកកោនទៅលើជនជាតិស៊ូដង់ ដែលបានភៀសខ្លួនចេញពីប្រទេសដែលកំពុងរងការហែកហួរដោយសង្រ្គាម ដោយផ្អែកលើព័ត៌មានហួសសម័យ។ នេះបើតាមការផ្សាយដោយសារព័ត៌មាន Arab News នៅថ្ងៃទី១១ ខែកក្កដា ឆ្នាំ២០២៣។

អាជ្ញាធរបានប្រើប្រាស់ព័ត៌មានតាំងពីឆ្នាំ២០២១ មុនពេលការផ្ទុះឡើងនៃសង្គ្រាមស៊ីវិល ដើម្បីវិនិច្ឆ័យកម្រិតសុវត្ថិភាពរបស់ប្រទេសស៊ូដង់ និងធ្វើការសម្រេចចិត្តចំពោះការសុំសិទ្ធិជ្រកកោន។

លិខិតបដិសេធមួយ បាននិយាយថា មិនមានហានិភ័យពិតប្រាកដសម្រាប់ជាតិស៊ូដង់ពីអំពើហិង្សានៅក្នុងស្ថានភាពនៃជម្លោះអន្តរជាតិ ឬជម្លោះប្រដាប់អាវុធផ្ទៃក្នុងនោះទេ។ ប្រជាជនស៊ូដង់ក៏នឹងមិនប្រឈមមុខនឹងហានិភ័យពិតប្រាកដនៃការរងគ្រោះថ្នាក់ធ្ងន់ធ្ងរនោះដែរ។

ទោះបីយ៉ាងណា រហូតមកដល់ពេលនេះ មនុស្សជាង ៦សែននាក់ហើយបានភៀសខ្លួនចេញពីប្រទេសស៊ូដង់ បន្ទាប់ពីអំពើហិង្សាដែលបានផ្ទុះឡើងនៅក្នុងខែមេសា ឆ្នាំ២០២៣ ខណៈបានធ្វើឱ្យមនុស្សរាប់រយនាក់ស្លាប់។

ជុំវិញការលើកឡើងខាងលើ អ្នកនាំពាក្យការិយាល័យផ្ទះ បាននិយាយថា ខ្លួននឹងទំនាក់ទំនងជាមួយជនជាតិស៊ូដង់ ដើម្បីពិនិត្យមើលពាក្យសុំសិទ្ធិជ្រកកោនរបស់ពួកគេ ដោយបន្ថែមថា ពាក្យសុំសិទ្ធិជ្រកកោនទាំងអស់ ត្រូវបានពិចារណាលើគុណសម្បត្តិផ្ទាល់ខ្លួនរបស់ពួកគេ ស្របតាមច្បាប់សិទ្ធិជ្រកកោន និងភស្តុតាងដែលបានបង្ហាញ៕

camm

Recent Posts

កូនភ្លោះ ខ្មែរឥស្លាម ៣នាក់ នៅស្រុកក្រូចឆ្នារ ទទួលបានអំណោយពី សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា

ឯកឧត្តម ប៉ែន កុសល្យ អភិបាលនៃគណៈអភិបាលខេត្តត្បូងឃ្មុំ និងឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម នៅថ្ងៃទី៣០ ខែកញ្ញា បានអញ្ជើញជួបសំណេះសំណាល នាំយកប្រសាសន៍ផ្តាំផ្ញើសួរសុខទុក្ខ អំណោយ និងថវិកាមួយចំនួន របស់សម្តេចកិត្តិព្រឹទ្ធបណ្ឌិត…

2 days ago

លោកណេតាន់យ៉ាហ៊ូសុំទោសនាយករដ្ឋមន្រ្តីកាតាចំពោះការវាយប្រហារកាតា កាលពីពេលថ្មីៗនេះ

នាយករដ្ឋមន្ត្រីអ៊ីស្រាអែល លោក Benjamin Netanyahu ដែលបានទូរស័ព្ទទៅកាន់នាយករដ្ឋមន្រ្តីកាតាពីសេតវិមានកាលពីថ្ងៃចន្ទ បានសុំទោសចំពោះការវាយប្រហារប្រឆាំងនឹងក្រុមហាម៉ាស់នៅក្នុងប្រទេសឈូង (more…)

3 days ago

វិហារឥស្លាមមួយខ្នង ស្ថិតនៅឃុំក្រញូងសែនជ័យ ស្រុកស្នួល ខេត្តក្រចេះ ក្រោមជំនួយឧបត្ថម្ភពីអង្គការមូលនិធិហ្សាកាត់អាមេរិច តាមរយៈមជ្ឈមណ្ឌលព័ត៌មានមូស្លីមកម្ពុជា ត្រូវបានប្រគល់អោយប្រើប្រាស់ក្រោយពីសាងសង់រួចជាស្ថាពរ

ក្រចេះ៖ វិហារឥស្លាមដ៏ស្រស់ស្អាតមួយខ្នងដែលមានឈ្មោះថា “អាល់ ហ្វូរកន” ដោយទទួលបានជំនួយឧបត្ថម្ភពីអង្គការមូលនិធិហ្សាកាត់អាមេរិច តាមរយៈមជ្ឈមណ្ឌលព័ត៌មានមូស្លីមកម្ពុជា ពេលនេះត្រូវ (more…)

3 days ago

ស្នងការសហភាពអឺរ៉ុបនឹងអនុម័តយល់ព្រមលើកញ្ចប់វិធានការ ដាក់ទណ្ឌកម្មថ្មីលើអ៊ីស្រាអែល

អ្នកនាំពាក្យរបស់គណៈកម្មការ នៅថ្ងៃអង្គារ (ទី១៦ ខែកញ្ញា) នេះ បានឲ្យដឹងថា ស្នងការសហភាពអឺរ៉ុប (EU) នឹងយល់ព្រមលើដំណើរការដាក់ទណ្ឌកម្មថ្មី ប្រឆាំងនឹងអ៊ីស្រាអែល នៅថ្ងៃពុធ (ទី១៧ ខែកញ្ញា) ជុំវិញសង្គ្រាមរបស់ប្រទេសនេះ នៅតំបន់ហ្កាហ្សា។…

2 weeks ago

ទេសរដ្ឋមន្ត្រី អូស្មាន ហាស្សាន់ ស្នើស្ថាប័នហាឡាលម៉ាឡេស៊ី ទទួលស្គាល់ហាឡាលកម្ពុជា ដើម្បីឲ្យអ្នកផលិត ឬកែច្នៃផលិតផលដែលមានស្លាកសញ្ញាហាឡាលកម្ពុជា អាចនាំចេញទៅម៉ាឡេស៊ីនិងពិភពលោក

នៅថ្ងៃទី១៦ ខែកញ្ញា ឆ្នាំ២០២៥នេះ ឯកឧត្តម អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេស និងជាអនុប្រធានគណៈកម្មាធិការត្រួតពិនិត្យផលិតផលហាឡាលកម្ពុជា បានជួបពិភាក្សាការងារជាមួយ (more…)

2 weeks ago