ព័ត៌មានអន្តរជាតិ

ក្រុមប្រឹក្សាសហប្រតិបត្តិការឈូងសមុទ្រ GCC អំពាវនាវអោយបញ្ចប់ការប្រព្រឹត្តឧក្រិដ្ឋកម្មសង្គ្រាមពីសំណាក់អ៊ីស្រាអែលនៅហ្គហ្សា ការបង្ខំអោយបំលាស់ទីឥតឈប់ឈរ និងការកាន់កាប់ទឹកដីប៉ាឡេស្ទីនដោយខុសច្បាប់

Spread the love

ក្រុមប្រឹក្សាសហប្រតិបត្តិការឈូងសមុទ្រ GCC ដែលមានប្រទេសអារ៉ាប៊ីសាអូឌីតផងនោះ កាលពីថ្ងៃអាទិត្យ បានអំពាវនាវឱ្យបញ្ចប់ការប្រព្រឹត្តឧក្រិដ្ឋកម្មសង្គ្រាមពីសំណាក់អ៊ីស្រាអែលនៅហ្គហ្សា ការបង្ខំអោយបំលាស់ទីឥតឈប់ឈរ និងការកាន់កាប់ទឹកដីប៉ាឡេស្ទីនដោយខុសច្បាប់។

នៅក្នុងសេចក្តីថ្លែងការណ៍ ដែលបានចេញផ្សាយក្រោយកិច្ចប្រជុំ លើកទី៤៥ ក្នុងប្រទេសគុយវ៉ែត មេដឹកនាំនៃក្រុមប្រឹក្សាសហប្រតិបត្តិការឈូងសមុទ្រ GCC បានសង្កត់ធ្ងន់អំពីការគាំទ្រយ៉ាងម៉ឺងម៉ាត់របស់ពួកគេ សម្រាប់បុព្វហេតុប៉ាឡេស្ទីន និងអធិបតេយ្យភាពលើទឹកដីប៉ាឡេស្ទីនទាំងអស់ ដែលបានកាន់កាប់ដោយអ៊ីស្រាអែល តាំងពីខែមិថុនា ឆ្នាំ១៩៦៧ និងការបង្កើតរដ្ឋប៉ាឡេស្ទីនឯករាជ្យ ដោយមានទីក្រុងហ្សេរុយសាឡឹមខាងកើតជារដ្ឋធានី។ នេះបើតាមការផ្សាយដោយសារព័ត៌មាន Arab News នៅថ្ងៃទី២ ខែធ្នូ ឆ្នាំ២០២៤

សេចក្តីថ្លែងការណ៍ បានគូសបញ្ជាក់ថា “ក្រុមប្រឹក្សាសហប្រតិបត្តិការឈូងសមុទ្រ GCC សូមអំពាវនាវឱ្យបញ្ចប់ការសម្លាប់រង្គាល និងការផ្តន្ទាទោសជារួមនៅហ្គាហ្សា ការបំលាស់ទីលំនៅរបស់ប្រជាជន និងការបំផ្លិចបំផ្លាញសម្ភារៈ និងហេដ្ឋារចនាសម្ព័ន្ធរបស់ជនស៊ីវិល រួមទាំងគ្រឹះស្ថានសុខាភិបាល សាលារៀន និងកន្លែងគោរពប្រតិបត្តិថ្វាយបង្គំដោយបំពានយ៉ាងច្បាស់ នៅក្រោមច្បាប់អន្តរជាតិ និងច្បាប់មនុស្សធម៌អន្តរជាតិ”។

នៅក្នុងសេចក្តីថ្លែងការណ៍ដដែល មេដឹកនាំ GCC ក៏បានស្វាគមន៍ចំពោះដំណោះស្រាយនៃកិច្ចប្រជុំកំពូលអារ៉ាប់ និងកិច្ចប្រជុំវិសាមញ្ញ ដែលរៀបចំដោយអារ៉ាប៊ីសាអូឌីត កាលពីខែវិច្ឆិកា ដើម្បីបង្កើនសកម្មភាពអន្តរជាតិបញ្ឈប់សង្រ្គាមនៅលើហ្គាហ្សា អោយទទួលបានសន្តិភាពអចិន្ត្រៃយ៍ និងទូលំទូលាយ អនុវត្តដំណោះស្រាយរដ្ឋពីរ ស្របតាមគំនិតផ្តួចផ្តើមសន្តិភាពអារ៉ាប់ ប្រមូលផ្តុំការគាំទ្រសម្រាប់ការទទួលស្គាល់រដ្ឋប៉ាឡេស្ទីន និងដឹកនាំសម្ព័ន្ធអន្តរជាតិ ដើម្បីអនុវត្តដំណោះស្រាយរដ្ឋពីរ។

មេដឹកនាំ GCC បានសង្កត់ធ្ងន់លើវិធីសាស្រ្តសន្តិភាពនៃបណ្តាប្រទេស GCC និងបង្ហាញពីបំណងរបស់ពួកគេសម្រាប់ការសន្ទនា និងការទូតដើម្បីដោះស្រាយជម្លោះទាំងអស់នៅក្នុងតំបន់ និងស្របតាមតម្រូវការនៃច្បាប់អន្តរជាតិ និងធម្មនុញ្ញនៃអង្គការសហប្រជាជាតិផងដែរ។

គួរជម្រាបថា នាយករដ្ឋមន្ត្រីអ៊ីស្រាអែល លោក Benjamin Netanyahu និងអតីតរដ្ឋមន្ត្រីការពារជាតិ លោក Yoav Gallant ត្រូវបានតុលាការឧក្រិដ្ឋកម្មអន្តរជាតិ ICC ចេញដីកាចាប់ខ្លួនកាលពីថ្ងៃទី២១ ខែវិច្ឆិកា កន្លងទៅ ពីបទឧក្រិដ្ឋកម្មសង្គ្រាម និងឧក្រិដ្ឋកម្មប្រឆាំងមនុស្សជាតិនៅក្នុងតំបន់ហ្គាហ្សា។

អ៊ីស្រាអែលបានចាប់ផ្តើមសង្រ្គាមប្រល័យពូជសាសន៍ នៅតំបន់ហ្គាហ្សាស្ទ្រីប ដោយបានសម្លាប់ជនជាតិប៉ាឡេស្ទីនរហូតដល់ជិត ៤៤ ៤០០នាក់ ភាគច្រើនជាស្ត្រី និងកុមារ និងជាង ១០៥ ០០០នាក់រងរបួស បន្ទាប់ពីហេតុការណ៍ថ្ងៃទី៧ ខែតុលាឆ្នាំមុន ខណៈជាង ២,៥លាននាក់ ប្រឈមមុខនឹងការស្លាប់ដោយភាពអត់ឃ្លាន ជុំវិញការរារាំងមិនអោយបញ្ជូនជំនួយមនុស្សធម៌ចូលក្នុងតំបន់ជម្លោះ៕

camm

Recent Posts

អារ៉ាប៊ីសាអូឌីតផ្តល់ជំនួយជាសម្ភារៈបរិក្ខាគិតជាទឹកប្រាក់ប្រមាណ៨ម៉ឺនដុល្លារអាមេរិកដល់សាកលវិទ្យាល័យកម្ពុជា គ្រប់គ្រង និង បច្ចេកវិទ្យា(CUMT) ដើម្បីធ្វើទំនើបកម្ម និងបង្កើនសមត្ថភាពលើការបណ្តុះបណ្តាលនិស្សិតកម្រិតឧត្តមសិក្សានៅកម្ពុជា

ភ្នំពេញ កម្ពុជា៖ មជ្ឈមណ្ឌលព្រះចៅសាល់ម៉ានដើម្បីជំនួយសង្គ្រោះ និងការងារមនុស្សធម៌ (KSRelief) នៃព្រះរាជាណាចក្រអារ៉ាប៊ីសាអូឌីត បានផ្តល់ជំនួយជាថវិកា និងសម្ភារៈបរិក្ខាក្នុងតម្លៃសរុបប្រមាណ 80,000 (more…)

4 days ago

Cambodia and Thailand to ink accord at ASEAN Summit to end border conflict, says minister

Foreign Minister Prak Sokhonn (front row, 3-L) attends a four-party meeting with Malaysian, US and…

6 days ago

យន្តហោះ Boeing ធ្លាក់ចេញពីផ្លូវរត់ បុករថយន្តបណ្តាលឲ្យស្លាប់មនុស្ស ២ នាក់នៅហុងកុង !

ពិតជារឿងដ៏កម្រមួយ! យន្តហោះដឹកទំនិញរបស់ក្រុមហ៊ុន Emirates ប្រតិបត្តិការណ៍ដោយ ACT Air Cargo បានជួបគ្រោះថ្នាក់ធ្លាក់ចេញពីផ្លូវរត់ទៅបុករថយន្តផ្នែកសេវាកម្ម បណ្តាលឱ្យមនុស្ស២នាក់បានស្លាប់ នៅពេលចុះចតនៅឯព្រលានយន្តហោះអន្តរជាតិហុងកុង នៅព្រលឹមថ្ងៃចន្ទនេះ ហើយភ្លាមៗយន្តហោះនោះបានធ្លាក់ចូលសមុទ្រតែម្តង ។ (more…)

6 days ago

សមត្ថកិច្ច​ ឃាត់ជនបរទេសចំនួន​ ២៩០នាក់ ពាក់ព័ន្ធស្នាក់នៅ និងធ្វើការខុសច្បាប់នៅខេត្តព្រះសីហនុ

ខេត្តព្រះសីហនុ​ ៖ បន្ទាប់ពីមានផ្ទុះការតវ៉ារវាងក្រុមជនជាតិប៉ាគីស្ថាន និងបង់ក្លាដេស ប្រឆាំងនឹងជនជាតិចិន ដែលប្រើពាក្យប្រមាថជាតិសាសន៍នៅកន្លែងធ្វើការ នៅក្នុងក្រុងព្រះសីហនុ​ កាលពីយប់ថ្ងៃទី៤​ ឈានចូលថ្ងៃទី៥​ ខែតុលា​ ឆ្នាំ​២០២៥ ។ (more…)

3 weeks ago

រដ្ឋមន្ត្រី​ក្រសួង​វប្បធម៌​និង​វិចិត្រសិល្បៈ​ ជួប​សំណេះសំណាលជាមួយអ្នកបន្តវេនជំនាញវិជ្ជាជីវៈដូនតា ជំនាញ​ធ្វើ​សាជី​ នៅ​ស្រុក​កំពង់ត្រឡាច​

កំពង់ឆ្នាំង៖ នាព្រឹកថ្ងៃសៅរ៍ ទី៤​ ខែតុលា​ ឆ្នាំ២០២៥ ​លោក​ជំទាវ​បណ្ឌិត​សភាចារ្យ​ ភឿង​ សកុណា​ រដ្ឋមន្ត្រី​ក្រសួង​វប្បធម៌​និង​វិចិត្រសិល្បៈ​ រួមជាមួយថ្នាក់ដឹកនាំខេត្តកំពង់ឆ្នាំង បានជួបសំណេះសំណាលជាមួយអ្នកគ្រូ ខាត ម៉ៃនះ ជាគ្រូបង្គោលបណ្តុះបណ្តាលជំនាញវិជ្ជាជីវៈដូនតា ដល់សិស្សក្រីក្រនៅក្នុងសហគមន៍…

3 weeks ago

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកព្រះរាជអំណោយដ៏ឧត្តុង្គឧត្តមរបស់ សម្តេចព្រះមហាក្សត្រី ព្រះវររាជមាតាជាតិខ្មែរ មកចែកជូនប្រជានុរាស្ត្រងាយរងគ្រោះបំផុត ដែលបានទទួលរងគ្រោះដោយទឹកជំនន់ចំនួន ១.៨០០គ្រួសារ មកពីភូមិចំនួន១៤ ក្នុងឃុំចំនួន៣ នៃស្រុកត្បូងឃ្មុំ ខេត្តត្បូងឃ្មុំ …!!

បន្ទាប់ពីបានទទួលព្រះរាជទ្រព្យដ៏ឧត្តុង្គឧត្តមចំនួន ២ម៉ឺនដុល្លារអាម៉េរិក របស់សម្តេចព្រះមហាក្សត្រី ព្រះវររាជមាតាជាតិខ្មែរ ព្រះប្រធានកិត្តិយសកាកបាទក្រហមកម្ពុជា ជាទីសក្ការៈដ៏ខ្ពង់ខ្ពស់បំផុត ភ្លាមៗនៅព្រឹកថ្ងៃអាទិត្យ ទី៥ ខែតុលា ឆ្នាំ២០២៥នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា…

3 weeks ago