គណៈគ្រប់ និងនិស្សិតនៃសាកលវិទ្យាល័យកម្ពុជា គ្រប់គ្រង និងបច្ចេកវិទ្យាចំនួន ៣៧នាក់ ត្រូវបានប្រកាសទទួលស្គាល់ជាកងឯកភាព ក្នុងពិធីបំពាក់កន្សែង និងសច្ចាប្រណិធាន ក្រោមអធិបតីភាព លោកជំទាវ គឹម សេដ្ឋានី រដ្ឋលេខាធិការប្រចាំការ ក្រសួងអប់រំ យុវជន និងកីឡា។
ការប្រកាសទទួលស្គាល់នេះ ត្រូវបានធ្វើឡើងក្នុងកម្មវិធីបិទវគ្គតម្រង់ទិសកាយរឹទ្ធិកម្ម ពិធីបំពាក់កន្សែង និងសច្ចាប្រណិធានដល់កាយរឹទិ្ធរៀមច្បង នៃកងឯកភាពសាកលវិទ្យាល័យកម្ពុជា គ្រប់គ្រង និងបច្ចេកវិទ្យា នៅថ្ងៃទី១ ខែធ្នូ ឆ្នាំ២០២៤
នាឱកាសថ្លែងមតិស្វាគមន៍ ឯកឧត្តមបណ្ឌិត ស្លេះ ណាស៊ី សាកលវិទ្យាធិការ នៃសាកលវិទ្យាល័យកម្ពុជា គ្រប់គ្រង និងបច្ចេកវិទ្យា បានមានប្រសាសន៍ថ្លែងអំណរគុណចំពោះវត្តមាន លោកជំទាវគណៈអធិបតី ដែលបានឆ្លៀតពេលដ៏មានតម្លៃ និងមមារញឹក ដើម្បីមកចូលរួមក្នុងកម្មវិធីនាថ្ងៃនេះ ព្រមទាំងឯកឧត្តម លោកជំទាវ អស់លោក លោកស្រី និងអង្គពិធីទាំងមូលផងដែរ។
ឯកឧត្តម បានមានប្រសាសន៍ថា កងកាយរឹទ្ធរាមច្បង នៃកងឯកភាពសាកលវិទ្យាល័យកម្ពុជា គ្រប់គ្រង និងបច្ចេកវិទ្យា មានគោលបំណងចូលរួមជីវភាពកាយរឹទ្ធ ដើម្បីចូលរួមការងារសង្គម សកម្មភាពមនុស្សធម៌ និងអភិវឌ្ឍបុគ្គលិកលក្ខណៈឱ្យមានសក្តា នុពលពេញលេញ ទាំងផ្លូវកាយ បញ្ញា ចិត្ត និងក្លាយជាពលរដ្ឋល្អ មានទំនួលខុសត្រូវខ្ពស់ក្នុងសង្គមជាតិ និងអន្តរជាតិ។
ក្នុងនាមគណៈគ្រប់គ្រង នៃសាកលវិទ្យាល័យកម្ពុជា គ្រប់គ្រង និងបច្ចេកវិទ្យា CUMT ឯកឧត្តមសាកលវិទ្យាធិការ បានបង្ហាញពីការស្វាគមន៍យ៉ាងកក់ក្តៅ ចំពោះការបើកវគ្គបណ្តុះបណ្តាលបន្ថែមទៀតជូនដល់បុគ្គលិក សាស្ត្រាចារ្យ និងនិស្សិតដែលជាកាយរឹទ្ធ នៃកងឯកភាពសាកលវិទ្យាល័យកម្ពុជា គ្រប់គ្រង និងបច្ចេកវិទ្យា និងប្តេជ្ញាចិត្តចូលរួមការងារសង្គម សកម្មភាពមនុស្សធម៌ និងសកម្មភាពផ្សេងៗ តាមតែអាចធ្វើទៅបាន។
ដោយឡែក លោកជំទាវ គឹម សេដ្ឋានី រដ្ឋលេខាធិការប្រចាំការ ក្រសួងអប់រំ យុវជន និងកីឡា ក្នុងឱកាសមានមតិសំណេះសំណាល លោកជំទាវបានពាំនាំនូវការសួរសុខទុក្ខពីសំណាក់ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា និងជាប្រធានកាយរឹទិ្ធជាតិកម្ពុជា ដល់ថ្នាក់ដឹកនាំ និងប្អូនៗនវកាយរឹទិ្ធរៀមច្បង នៃកងឯកភាព សាកលវិទ្យាល័យកម្ពុជា គ្រប់គ្រង និងបច្ចេកវិទ្យា។
ក្នុងនាមក្រសួងអប់រំ យុវជន និងកីឡា លោកជំទាវ បានថ្លែងអំណរគុណដល់គណៈគ្រប់គ្រងសាលវិទ្យាល័យកម្ពុជា គ្រប់គ្រង និងបច្ចេកវិទ្យា ដែលបានខិតខំបង្កើតអោយមានសាកលវិទ្យាល័យនេះឡើង ដើម្បីជាការចូលរួមចំណែកលើកកម្ពស់វិស័យអប់រំនៅកម្ពុជា ស្របតាមគោលនយោបាយរបស់រាជរដ្ឋាភិបាល។
ទន្ទឹមនឹងនោះ លោកជំទាវគណៈអធិបតី ក៏បានចែករំលែកនូវចំណេះដឹងស្តីពីគោលការណ៍គ្រឹះ ច្បាប់កាយរឹទ្ធិ កម្មវិធីអ្នកនាំសារសន្តិភាព និងព័ត៌មានថ្មីៗរបស់អង្គការពិភពលោកនៃចលនាកាយរឹទិ្ធ ជូនដល់អង្គពិធីទាំងមូលផងដែរ៕
រដ្ឋមន្ត្រីការបរទេសនៃប្រទេស G7 កាលពីថ្ងៃទី២២ ខែកញ្ញា បានចេញសេចក្តីថ្លែងការណ៍រួម ថ្កោលទោសយ៉ាងខ្លាំងចំពោះការវាយប្រហារជាបន្តបន្ទាប់របស់ក្រុមហ៊ូធីនៅប្រទេសយេម៉ែន និងការវាយប្រហារលើប្រទេសអារ៉ាប៊ីសាអូឌីត។ (more…)
នៅទីបំផុត ចក្រភពអង់គ្លេសបានសម្រេចផ្តល់ការគាំទ្រផ្នែកយោធាដល់អារ៉ាប៊ីសាអូឌីត ដើម្បីជួយពង្រឹងសមត្ថភាពការពារតាមផ្លូវអាកាស ប្រឈមនឹងការវាយប្រហាររបស់ក្រុមហ៊ូទីនៅយ៉េមែន។ (more…)
ប្រធានាធិបតីសហរដ្ឋអាមេរិក លោក ដូណាល់ ត្រាំ បានថ្លែងកាលពីថ្ងៃទី១៦ ខែកញ្ញា ថា លោកសង្ឃឹមថា សង្គ្រាមរវាងសហរដ្ឋអាមេរិក និងអ៊ីរ៉ង់ កំពុងខិតជិតដល់ទីបញ្ចប់ ខណៈកិច្ចខិតខំប្រឹងប្រែងការទូត ដើម្បីឈានទៅរកកិច្ចព្រមព្រៀងមួយ នៅតែបន្ត។ (more…)
យោងតាមរបាយការណ៍របស់ការិយាល័យថវិកាសភាអាមេរិក (CBO) ដែលចេញផ្សាយនៅថ្ងៃទី១៥ ខែកញ្ញា ឆ្នាំ២០២៦ ការចំណាយរបស់សហរដ្ឋអាមេរិកលើសង្គ្រាមរយៈពេល ៦ ខែជាមួយអ៊ីរ៉ង់ បានកើនដល់ប្រមាណ ៣៨ ពាន់លានដុល្លារ។ (more…)
ខេត្តសៀមរាប៖ ក្រសួងទេសចរណ៍ បានរៀបចំពិធីបើកវគ្គបណ្តុះបណ្តាលស្តីពី «និន្នាការ និងតម្រូវការទេសចរមូស្លីម» ដើម្បីលើកកម្ពស់ការយល់ដឹង និងសមត្ថភាពរបស់មន្ត្រីបង្គោល និងភាគីពាក់ព័ន្ធ ក្នុងការផ្តល់សេវាទេសចរណ៍ដែលឆ្លើយតបទៅនឹងតម្រូវការរបស់ភ្ញៀវទេសចរមូស្លីម។ (more…)
ប្រព័ន្ធការពារដែនអាកាសរបស់ប្រទេសអារ៉ាប៊ីសាអូឌីត បានស្ទាក់ចាប់ និងបំផ្លាញយន្តហោះគ្មានមនុស្សបើក ឬដ្រូនមួយគ្រឿង ដែលត្រូវបានបាញ់បង្ហោះដោយក្រុមហ៊ូទីពីប្រទេសយេម៉ែន នៅក្បែរទីក្រុងបរិសុទ្ធម៉ាក្កះ។ (more…)