ការស្ទង់មតិមួយបង្ហាញថាប្រជាជនអ៉ីស្រាអែល ១៥ភាគរយប៉ុណ្ណោះ គាំទ្រឲ្យលោក Netanyahu បន្តកាន់តំណែង ក្រោយបញ្ចប់សង្រ្គាមនៅហ្គាហ្សា

(ហ៊្សេរុយសាឡិម)៖ ការស្ទង់មតិមួយដែលចេញផ្សាយកាលពីថ្ងៃអង្គារសប្តាហ៍នេះបង្ហាញថា មានតែ ១៥ភាគរយនៃប្រជាជនអ៉ីស្រាអែលប៉ុណ្ណោះ ដែលចង់ឲ្យ លោកនាយករដ្ឋមន្ត្រី Benjamin Netanyahu បន្តកាន់តំណែង បន្ទាប់ពីសង្គ្រាមប្រឆាំងក្រុមហាម៉ាសនៅតំបន់ហ្កាហ្សាបិទបញ្ចប់ ទោះបីប្រជាជនជាច្រើន នៅតែគាំទ្រយុទ្ធសាស្រ្តរបស់លោកក្នុងការកម្ចាត់ក្រុមហាម៉ាសក៏ដោយ។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃពុធ ទី៣ ខែមករា ឆ្នាំ២០២៤។