Secretary General, Chairman of the Muslim World League, Sheikh Dr Mohammed Al-Issa, lead prayers and sermon at the Great Jama Mosque in the Indian capital, New Delhi for the first time in 400 years, a religious figure outside India ascends this pulpit, at the invitation of the imam and preacher of the mosque.
លោកបណ្ឌិត Sheikh Mohammed bin Abdulkarim Al-Issa អគ្គលេខាធិការនៃសម្ព័ន្ធពិភពឥស្លាម Muslim World League និងជាប្រធានអង្គការអ្នកប្រាជ្ញមូស្លីម បានក្លាយជាឥស្សរជនសាសនាមកពីក្រៅប្រទេសដំបូងគេក្នុងរយៈពេល ៤០០ឆ្នាំ ដែលបានឡើងថ្លែងឃុទហ្ពះថ្ងៃសុក្រ នៅវិហារឥស្លាម Masjid-e-Jahan Numa ក្នុងទីក្រុងដេលី ប្រទេសឥណ្ឌា។
យោងតាមគេហទំព័រ Muslim World League នៅថ្ងៃទី១៨ ខែកក្កដា ឆ្នាំ២០២៣ Sheikh Mohammed bin Abdulkarim Al-Issa បានឡើងថ្លែងឃុទហ្ពះថ្ងៃសុក្រ កាលពីសប្តាហ៍មុន តបតាមការអញ្ជើញរបស់អ៊ីម៉ាំម៉ាស្ជិតនៃវិហារនេះ ហើយត្រូវបានទទួលស្វាគមន៍យ៉ាងកក់ក្តៅពីអ្នកចូលរួមថ្វាយបង្គំ។
វិហារឥស្លាម Masjid-e-Jahan Numa នៅទីក្រុងដេលី ប្រទេសឥណ្ឌា គឺជាវិហារឥស្លាមដ៏ចំណាស់ និងមានប្រវត្តិយូរលង់ សាងសង់ឡើងដោយចក្រភព Mughal ប្រហែល ៤០០ឆ្នាំមុន ដែលត្រូវបានគេស្គាល់ថាជា Jama Masjid គឺជាកន្លែងគោរពប្រណិបត្តិថ្វាយបង្គំដ៏ធំ និងស្រស់ស្អាតបំផុត នៅលើឧបទ្វីបឥណ្ឌា ដែលអាចផ្ទុកអ្នកថ្វាយបង្គំបានរហូតដល់ ៨៥,០០០នាក់។
លោកបណ្ឌិត Al-Issa បានមកដល់ទីក្រុងដេលី នៅថ្ងៃទី១០ ខែកក្កដា បន្ទាប់ពីមានការអញ្ជើញជាផ្លូវការពីរដ្ឋាភិបាលឥណ្ឌា។ ក្នុងដំណើរទស្សនកិច្ចនេះ លោកបណ្ឌិតបានជួបជាមួយ ប្រធានាធិបតីឥណ្ឌា លោក Droupadi Murmu លោកនាយករដ្ឋមន្ត្រី Narendra Modi និងរដ្ឋមន្ត្រីកិច្ចការជនជាតិភាគតិច Smriti Irani ព្រមទាំងបានជួបប្រជុំជាមួយអ្នកប្រាជ្ញឥស្លាមជាន់ខ្ពស់ឥណ្ឌា និងអ្នកដឹកនាំសាសនានៃជំនឿផ្សេងៗផងដែរ។
ដំណើរទស្សនកិច្ចរបស់លោកបណ្ឌិត Al-Issa នាពេលនេះ ធ្វើឡើងក្នុងគោលបំណងលើកកម្ពស់កិច្ចសន្ទនាជាបងប្អូន និងមិត្តភាព ដើម្បីបង្កើនការយល់ដឹង និងកិច្ចសហប្រតិបត្តិការ និងដើម្បីពិភាក្សាលើប្រធានបទជាច្រើនដែលមានផលប្រយោជន៍រួមរវាងជំនឿសាសនា។
លោក Mohammed Abdul Hakkim Al-Kandi ដែលជាអ៊ីម៉ាំនៃវិហារ Jama Masjid បាននិយាយថា ដំណើរទស្សនកិច្ចរបស់ លោកបណ្ឌិត Mohammed bin Abdulkarim Al-Issa គឺដើម្បីបង្កើនទំនាក់ទំនងរវាងប្រទេសទាំងពីរ ក៏ដូចជាទំនាក់ទំនងរវាងអ្នកកាន់សាសនាឥស្លាម និងអ្នកកាន់សាសនាដទៃទៀត នៅក្នុងប្រទេសឥណ្ឌា។
ប្រទេសឥណ្ឌាមានប្រជាជនចំនួន ១.៤ពាន់លាននាក់ ដែលក្នុងនោះ ប្រជាជនម៉ូស្លីមប្រហែល ២១០លាននាក់ ដែលបានក្លាយជាប្រទេសដែលមានប្រជាជនមូស្លីមច្រើនជាងគេបំផុតនៅលើពិភពលោក។ រយៈពេលជាង ៧៥ឆ្នាំ បន្ទាប់ពីប្រទេសឥណ្ឌាទទួលបានឯករាជ្យ រដ្ឋាភិបាលបានបើកអោយមានការរស់នៅតាមឧត្តមគតិនៃសង្គមមួយ ដែលអ្នកកាន់សាសនាជាច្រើនអាចរស់នៅដោយសុខដុមនីយកម្មសាសនា និងអនុវត្តជំនឿរបស់ពួកគេដោយសេរី។ ប៉ុន្តែទោះជាយ៉ាងណា មួយរយៈចុងក្រោយនេះ ជម្លោះអន្តរសហគមន៍បានផ្ទុះឡើង ដែលនាំឱ្យមានការអំពាវនាវជាបន្តបន្ទាប់ ដើម្បីអោយមានការសម្របសម្រួល និងកិច្ចសន្ទនា។
គួរជម្រាបថា មេដឹកនាំសាសនា ដែលមានវត្តមាននៅក្នុងការថ្លែងសុន្ទរកថារបស់លោកបណ្ឌិត Al-Issa និងព្រឹត្តិការណ៍ផ្សេងទៀតក្នុងអំឡុងពេលដំណើរទស្សនកិច្ចរបស់គាត់ សុទ្ធតែបាននិយាយថា ពួកគេសង្ឃឹមថា វានឹងជំរុញឱ្យមានការចុះសម្រុងគ្នារវាងជំនឿសាសនាបន្ថែមទៀត៕
យ៉ាងហោចណាស់សិស្ស ២៧នាក់ ដែលភាគច្រើនមានអាយុក្រោម ១៣ឆ្នាំ និងគ្រូម្នាក់ បានស្លាប់ បន្ទាប់ពីដំបូលអគារសាលារៀនមួយបានបាក់រលំ ខណៈពួកគេកំពុងរៀនក្នុងថ្នាក់ នៅថ្ងៃថ្ងៃព្រហស្បតិ៍ នេះនៅទីក្រុងប៉េសាវ៉ា (Peshawar) ភាគខាងជើងប្រទេសប៉ាគីស្ថាន។ អាជ្ញាធរបារម្ភថា ចំនួនអ្នកស្លាប់អាចនឹងកើនឡើងបន្ថែមទៀត។ (more…)
នារសៀលថ្ងៃទី១៥ ខែតុលា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានជួបពិភាក្សាទ្វេភាគីជាមួយ ឯកឧត្តម Isaac Herzog ប្រធានាធិបតី អ៊ីស្រាអែល ក្នុងឱកាសនៃការអញ្ជើញបំពេញទស្សនកិច្ចផ្លូវការ និងចូលរួមកិច្ចប្រជុំកំពូល…
នៅថ្ងៃទី៩ ខែតុលា ឆ្នាំ២០២៦ ម៉ាឡេស៊ីបានសម្រេចបិទសាលារៀននៅរដ្ឋចំនួន៤ រួមមាន ចូហ័រ ម៉ាឡាកា នេហ្គឺរីសេមប៊ីឡាន និងសេឡាងហ្គ័រ ព្រមទាំងគូឡាឡាំពួរ ពូត្រាចាយ៉ា និងស្រុករ៉ុមពីន ដោយសារផ្សែងអ័ព្ទបង្កឱ្យគុណភាពខ្យល់ធ្លាក់ចុះដល់កម្រិតមិនល្អចំពោះសុខភាព។ (more…)
ប្រទេសម៉ាឡេស៊ីបានទទួលភ្ញៀវទេសចរអន្តរជាតិចំនួន ២៨,៨ លាននាក់ ក្នុងរយៈពេលពីខែមករា ដល់ខែសីហា ឆ្នាំ២០២៦ កើនឡើង ១,៨% បើធៀបនឹងរយៈពេលដូចគ្នាកាលពីឆ្នាំមុន។ តួលេខនេះបានធ្វើឱ្យម៉ាឡេស៊ីបន្តឈរនៅលំដាប់កំពូលក្នុងតំបន់អាស៊ីអាគ្នេយ៍ ខាងចំនួនភ្ញៀវទេសចរអន្តរជាតិ។ (more…)
អាកាសយានដ្ឋានអន្តរជាតិ King Khalid បានជូនដំណឹងថា ជើងហោះហើរមួយចំនួនអាចមានការយឺតយ៉ាវ ផ្លាស់ប្តូរកាលវិភាគ ឬត្រូវលុបចោល ដោយសារការវិវត្តន៍នៃស្ថានការណ៍ក្នុងតំបន់ និងការរឹតបន្តឹងលើដែនអាកាស។ (more…)
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីដ៏ខ្ពង់ខ្ពស់ ពិធីបើក “មហាសន្និបាត សហព័ន្ធអតីតយុទ្ធជនបណ្តាប្រទេសអាស៊ាន” លើកទី២៥ (VECONAC) ដែលកម្ពុជាធ្វើជាម្ចាស់ផ្ទះ ក្រោមប្រធានបទ៖ «ជាង៤ទសវត្សនៃសហព័ន្ធអតីតយុទ្ធជនអាស៊ាន៖ រួមគ្នាកសាងមិត្តភាព…