Mashaallah! លោកយាយ Sarahouda Stiti ជនជាតិអាល់ហ្សេរី ដែលមានអាយុរហូតដល់ ១៣០ឆ្នាំ បានទៅដល់ទឹកដីដ៏ពិសិដ្ឋដើម្បីចូលរួមធ្វើហាជ្ជី ឆ្នាំ២០២៤

យោងតាមការផ្សាយដោយគេហទំព័រ Siasat នៅថ្ងៃទី១១ ខែមិថុនា ឆ្នាំ២០២៤ បានអោយដឹងថា លោកយាយ Sarahouda Stiti បានទៅដល់ប្រទេសអារ៉ាប៊ីសាអូឌីត និងត្រូវបានទទួលស្វាគមន៍យ៉ាងកក់ក្តៅ ខណៈលោកយាយគឺជាអ្នកធ្វើហាជ្ជីដែលមានអាយុច្រើនជាងគេបំផុតសម្រាប់ឆ្នាំនេះ។

នេះបានបង្ហាញពីការប្តេជ្ញាចិត្តខ្ពស់របស់លោកយាយ ចំពោះការបំពេញកាតព្វកិច្ចហាជ្ជី ដែលជាកាតព្វកិច្ចដ៏សំខាន់មួយក្នុងចំណោមកាត្វកិច្ចសំខាន់ផ្សេងទៀតរបស់សាសនាឥស្លាម ទោះបីជាលោកយាយមានអាយុចំណាស់បន្តិចក៏ដោយ ដែលកំពុងធ្វើអោយមានការចាប់អារម្មណ៍យ៉ាងខ្លាំងពីមនុស្សជុំវិញពិភពលោក៕