អាជ្ញាធរឥណ្ឌូណេស៊ីនៅខេត្តស៊ូម៉ាត្រាខាងត្បូង បានចូលរួមក្នុងពិធីសាសនា ដោយរៀបចំពិធីថ្វាយបង្គំបួងសួងសុំភ្លៀង ខណៈភ្លើងឆេះព្រៃ
អាជ្ញាធរឥណ្ឌូណេស៊ីនៅខេត្តស៊ូម៉ាត្រាខាងត្បូង បានចូលរួមក្នុងពិធីសាសនា ដោយរៀបចំពិធីថ្វាយបង្គំបួងសួងសុំភ្លៀង ខណៈភ្លើងឆេះព្រៃ និងតំបន់ព្រៃភក់កំពុងរាលដាលយ៉ាងខ្លាំង បង្កឱ្យមានផ្សែងអ័ព្ទក្រាស់គ្របដណ្តប់ទីក្រុងមួយចំនួន។
នៅទីក្រុងប៉ាឡេមបាំង ប្រជាពលរដ្ឋប្រមាណជា ៣,០០០នាក់ បានចូលរួមថ្វាយបង្គុំ(សាឡាត អ៊ីស្ទិស្កា Salat Istisqa) ដែលជាការថ្វាយនង្គុំសុំភ្លៀងក្នុងសាសនាឥស្លាម។
គួរឲ្យដឹងថា យោងតាមទិន្នន័យផ្កាយរណប ស៊ូម៉ាត្រាខាងត្បូងមានចំណុចក្តៅប្រមាណ ១,៤២៩កន្លែង ខណៈខេត្តកាលីម៉ាន់តាន់ខាងលិចមាន ១,២២៦កន្លែង និងកាលីម៉ាន់តាន់កណ្តាលមាន ៨១១កន្លែង។ ក្នុងខែកក្កដាតែមួយ ផ្ទៃដីជិត ៩៤,០០០ហិកតា ត្រូវបានភ្លើងឆេះនៅទូទាំងប្រទេស។
ប្រភព៖ AP
