ក្រចេះ៖ វិហារឥស្លាមដ៏ស្រស់ស្អាតមួយខ្នងដែលមានឈ្មោះថា “អាល់ ហ្វូរកន” ដោយទទួលបានជំនួយឧបត្ថម្ភពីអង្គការមូលនិធិហ្សាកាត់អាមេរិច តាមរយៈមជ្ឈមណ្ឌលព័ត៌មានមូស្លីមកម្ពុជា ពេលនេះត្រូវបានសាងសង់រួចរាល់ជាស្ថាពរ និងត្រូវបានប្រគល់ដាក់អោយប្រើប្រាស់ក្រោមវត្តមានកិត្តិយសពីឯកឧត្តមបណ្ឌិត ស្លេះ ណាស៊ី ទីប្រឹក្សាក្រសួងព័ត៌មាន និងជាប្រធានមជ្ឈមណ្ឌលព័ត៌មានមូស្លីមកម្ពុជា តំណាងម្ចាស់ជំនួយ ស្ថិតនៅក្នុងភូមិសែនមានជ័យ ឃុំក្រញូងសែនជ័យ ស្រុកស្នួល ខេត្តក្រចេះ នៅថ្ងៃទី២៨ ខែកញ្ញា ឆ្នាំ២០២៥។ ពិធីនេះក៏មានការចូលរួមផងដែរពីសំណាក់គណៈគ្រប់គ្រងវិហារ គណៈអ៊ីមាំ ហាកឹម អូស្តើស និងបងប្អូនសិស្សានុសិស្សយ៉ាងច្រើនកុះករ។
មានប្រសាសន៍សំណេះសំណាលជាមួយបងប្អូនប្រជាពលរដ្ឋដែលបានចូលរួមនៅក្នុងកម្មវិធី ឯកឧត្តមបណ្ឌិត ស្លេះ ណាស៊ី បានលើកឡើងថា៖ ដើម្បីចូលរួមចំណែកជាមួយរដ្ឋាភិបាលកម្ពុជានៅក្នុងការអភិវឌ្ឍសហគមន៍ និងឆ្លើយតបទៅនឹងតម្រូវការហេដ្ឋារចនាសម្ព័ន្ធដែលបម្រើវិស័យសាសនា រួមទាំងការយកចិត្តដាក់ចំពោះបងប្អូនប្រជាពលរដ្ឋអំពីបញ្ហាប្រឈមនានា ជាពិសេសការខ្វះខាតនូវកន្លែងថ្វាយបង្គំនៅតាមតំបន់មួយចំនួន ទើបបណ្តាលឱ្យការិយាល័យជំនួយមនុស្សធម៌នៃមជ្ឈមណ្ឌលព័ត៌មានមូស្លីមកម្ពុជា រួមសហការជាមួយអង្គការជាដៃគូ បានខិតខំបន្តស្វះស្វែង និងជួយឧបត្ថម្ភក្នុងការសាងសង់វិហារឥស្លាមជាបន្តបន្ទាប់នៅតាមមូលដ្ឋាន។
ឯកឧត្តមបានបន្ថែមថា ការសាងសង់វិហារឥស្លាមមិនត្រឹមតែជាការឆ្លើយតបទៅនឹងតម្រូវការសាសនាប៉ុណ្ណោះទេ ប៉ុន្តែជាការចូលរួមក្នុងការរឹតចំណងសាមគ្គីភាព សន្តិភាព និងស្មារតតីជួយគ្នា រវាងសហគមន៍មូស្លីមនៃប្រជាជាតិផ្សេងៗគ្នាជាមួយសហគមន៍មុស្លីមនៅកម្ពុជា។ ក្នុងឪកាសនេះផងដែរ ឯឧ ក៏បានអំពាវនាវឲ្យប្រជាពលរដ្ឋចូលរួមថែទាំនិងប្រើប្រាស់វិហារនេះឲ្យបានល្អនិងស្របតាមគោលបំណងរបស់ម្ចាស់ជំនួយដែលចង់ទទួលបានផលបុណ្យយូរអង្វែងតទៅ។
ដោយឡែក ប្រជាពលរដ្ឋបានសម្តែងការសាទរនិងសប្បាយរីករាយ និងថ្លែងអំណរគុណទៅចំពោះម្ចាស់ជំនួយ ជាពិសេសឯកឧត្តមបណ្ឌិត ស្លេះ ណាស៊ី ដែលបានពាំនាំជាថវិកាដើម្បីសាងសង់វិហារមួយខ្នងជូនយ៉ាងស្រស់ស្អាតនេះដើម្បីបង្កលក្ខណៈកាន់តែងាយស្រួលក្នុងការប្រតិបត្តជំនឿររបស់ខ្លួនប្រចាំថ្ងៃ និងជាទីរៀនសូត្រផ្នែកសាសនាផងដែរ។
គួរជម្រាបផងដែរថា វិហារឥស្លាម “អាល់ ហ្វូរកន” ដែលត្រូវបានប្រគល់ឲ្យប្រើប្រាស់នេះ មានទំហំ១០ ១២.ម៉ែត្រ ចំណាយថវិកាសាងសង់ជាង4ម៉ឺនដុល្លារ បំពាក់ដោយបន្ទប់រៀនគម្ពីរគួរអាន២ បន្ទប់ ប្រព័ន្ធសូឡា អណ្តូងទឹកនិងបង្គន់ផងដែរ ដែលជាថវិកាជំនួយពីសប្បុរសជនអាមេរិក តាមរយៈអង្គការហ្សាកាត់អាមេរិកសហការជាមួយមជ្ឈមណ្ឌលព័ត៌មានមូស្លីម។
នៅថ្ងៃទី២៧ ខែមេសា ឆ្នាំ២០២៦ ក្នុងឱកាសអញ្ជើញចូលរួមកិច្ចប្រជុំរដ្ឋមន្រ្តីការបរទេសអាស៊ាន-សហភាពអឺរ៉ុប ឯកឧត្តមឧបនាយករដ្ឋមន្រ្តី ប្រាក់ សុខុន រដ្ឋមន្រ្តីការបរទេស និងសហប្រតិបត្តិការអន្តរជាតិ បានជួបទ្វេភាគីជាមួយឯកឧត្តម Sihasak Phuangketkeow ឧបនាយករដ្ឋមន្រ្តី រដ្ឋមន្រ្តីការបរទេស នៃព្រះរាជាណាចក្រថៃ។…
ប្រទេសឥណ្ឌូនេស៊ីនឹងឈប់នាំចូលប្រេងម៉ាស៊ូតចាប់ពីថ្ងៃទី ១ខែកក្កដា ឆ្នាំ២០២៦ ដែលជាថ្ងៃដែលប្រទេសនេះចាប់ផ្តើមកម្មវិធីប្រេងម៉ាស៊ូតជីវឥន្ធនៈB50 របស់ខ្លួន នេះបើយោងតាមការលើកឡើងរបស់រដ្ឋមន្ត្រីក្រសួងកសិកម្មឥណ្ឌូនេស៊ី លោក Andi Amran Sulaiman។ (more…)
អ៉ីរ៉ង់បានផ្ដល់សំណើថ្មីមួយទៅកាន់សហរដ្ឋអាមេរិក ដើម្បីបើកច្រកសមុទ្រ Hormuz ឡើងវិញ និងបិទបញ្ចប់សង្រ្គាម ជាមួយការបើកកិច្ចចរចានុយក្លេអ៊ែរនៅពេលក្រោយ។ នេះបើតាមការចេញផ្សាយដោយសារព័ត៌មានអាមេរិក Axios កាលពីថ្ងៃអាទិត្យ ទី២៦ ខែមេសា ឆ្នាំ២០២៦ ហើយត្រូវបានដកស្រង់ផ្សាយសារព័ត៌មានអាល់ចាហ្សីរ៉ា ។ (more…)
ចាងហ្វាងគណៈដឹកនាំជាន់ខ្ពស់នៃសាសនាឥស្លាមកម្ពុជា សូមបួងសួងដល់ព្រះអល់ឡោះជាម្ចាស់ សូមជួយបីបាច់ថែរក្សា ការពារ អភិបាល ប្រោះព្រំប្រសិទ្ធពរជ័យ បវរសួស្តី សិរីមង្គល វិបុលសុខ មហាប្រសើរថ្វាយ ព្រះ (more…)
ភ្នំពេញ៖ ដោយអនុវត្តតាមបទបញ្ជាផ្ទាល់ពីឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នាថ្ងៃទី១៨ខែមេសា ឆ្នាំ២០២៦ លោកឧត្តមសេនីយ៍ត្រី ប៊ុន សត្យា ស្នង (more…)
ភ្នំពេញ៖ ឧត្ដមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានចេញសារព្រមានយ៉ាងធ្ងន់ៗ និងជាការអំពាវនាវចុងក្រោយ ដល់ក្រុមយុវជនដែលបានបង្កហិង្សា និងអ្នករត់ (more…)