ព័ត៌មានជាតិ

ឯកឧត្តម ស្លេះ ណាស៊ី៖ ការឈ្វេងយល់អំពីរដ្ឋបាល ឬពិធីការនៃវប្បធម៌របស់បណ្តាប្រទេសផ្សេងៗជារឿងសំខាន់ ក្នុងការអនុវត្តន៍ការងារឲ្យកាន់តែមានប្រសិទ្ធភាពខ្ពស់

Spread the love

ឯកឧត្តម ស្លេះ ណាស៊ី ទីប្រឹក្សាក្រសួងព័ត៌មាន និងជាសាកលវិទ្យាធិការនៃសាកលវិទ្យាល័យកម្ពុជា គ្រប់គ្រង និងបច្ចេកវិទ្យា បានមានប្រសាសន៍ថា ការឈ្វេងយល់អំពីរដ្ឋបាល ឬពិធីការនៃវប្បធម៌របស់បណ្តាប្រទេសផ្សេងៗជារឿងដែលសំខាន់ ក្នុងការអនុវត្តន៍ការងារឲ្យកាន់តែមានប្រសិទ្ធភាពខ្ពស់។

ឯកឧត្តមបានមានប្រសាសន៍ដូចនេះ នៅក្នុងឱកាសដែលឯកឧត្តមអញ្ជើញចូលរួមថ្លែងនូវចំណាប់អារម្មណ៍ ក្នុងពិធីបិទវគ្គបណ្តុះបណ្តាល “កិច្ចការរដ្ឋបាល និងពិធីការ” របស់ក្រុមប្រឹក្សាវិទ្យាសាស្ត្រស្រាវជ្រាវ និងកិច្ចការសង្គម ដែលរៀបចំធ្វើឡើងនារសៀលថ្ងៃទី២៩ ខែតុលា ឆ្នាំ២០២៤ នៅពុទ្ធិកសាកលវិទ្យាល័យ ព្រះសីហមុនីរាជា។

នាឱកាសថ្លែងនូវចំណាប់អារម្មណ៍ ឯកឧត្តម ស្លេះ ណាស៊ី បានមានប្រសាសន៍ថា៖ កិច្ចការរដ្ឋបាល និងពិធីការ ជាមេរៀនមួយដែលមានសារសំខាន់ ព្រោះគ្រប់វិស័យ និងជំនាញ សុទ្ធតែមិនអាចខ្វះបាននូវចំណេះដឹងផ្នែកកិច្ចការរដ្ឋបាល និងពិធីការនេះ។ ដើម្បីទទួលបានជោគជ័យលើអាជីពការងារ សិស្សនិស្សិតដែលរៀនគ្រប់ជំនាញទាំងអស់ ត្រូវមានចំណេះដឹងសំខាន់ៗអំពី៖ ពិធីការ រដ្ឋបាល ភាសា និងការទំនាក់ទំនង។

ឯកឧត្តម បានកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែង និងបានស្នើអោយគណៈគ្រប់គ្រងនៃក្រុមប្រឹក្សាវិទ្យាសាស្ត្រស្រាវជ្រាវ និងកិច្ចការសង្គម រៀបចំនូវវគ្គពិធីការចម្រុះវប្បធម៌ ក៏ដូចជាការឈ្វេងយល់អំពីរដ្ឋបាល ឬពិធីការនៃវប្បធម៌របស់បណ្តាប្រទេសផ្សេងៗ ជារឿងដែលសំខាន់ក្នុងការអនុវត្តន៍ការងារឲ្យកាន់តែមានប្រសិទ្ធភាពខ្ពស់។

គួរជម្រាបថា វគ្គសិក្សាស្តីពី “កិច្ចការរដ្ឋបាល និងពិធីការ” រៀបចំដោយក្រុមប្រឹក្សាវិទ្យាសាស្ត្រស្រាវជ្រាវ និងកិច្ចការសង្គម មានរយៈពេល៣ខែ ស្មើនឹង ៥ក្រេឌីត សិក្សាតាមប្រព័ន្ធអនឡាញ ដែលមានសិស្សនិស្សិតចូលរៀនជិត ១០០នាក់៕

 

camm

Recent Posts

Malaysians, Cambodians connect through love of durian

Malaysian Business Chamber in Cambodia president Oknha Tan Khee Meng (L) presents a hamper to…

6 days ago

PM leads delegation to ASEAN Summit in Malaysia

Prime Minister Hun Manet and First Lady Pich Chanmony departed Phnom Penh for Kuala Lumpur…

6 days ago

Cambodia and Vietnam vow to continue cooperation on media agreements

Neth Pheaktra, the Minister of Information, highly appreciated the relations and cooperation between Cambodia and…

3 weeks ago

Senate President begins three-day official visit to Timor-Leste

Mr. Hun Sen, President of the Senate of the Kingdom of Cambodia, kicked off his…

3 weeks ago

ឯកឧត្តម នេត្រ ភក្ត្រា ដឹកនាំគណៈប្រតិភូក្រសួងព័ត៌មានចូលរួមកិច្ចប្រជុំរដ្ឋមន្ត្រីទទួលបន្ទុកព័ត៌មានអាស៊ាន លើកទី១៧ និងកិច្ចប្រជុំពាក់ព័ន្ធ នៅប្រទេសព្រុយណេ

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាននៃព្រះរាជាណាចក្រកម្ពុជា បានដឹកនាំគណៈប្រតិភូក្រសួងព័ត៌មាន ចូលរួមកិច្ចប្រជុំរដ្ឋមន្ត្រីទទួលបន្ទុកព័ត៌មានអាស៊ានលើកទី១៧ (17th AMRI) និងកិច្ចប្រជុំពាក់ (more…)

4 weeks ago

គណៈកម្មាការពិធីសូធ្យគម្ពីរគូរអានុលការីមថ្នាក់ជាតិលើកទី៣២ឆ្នាំ២០២៥ជួបប្រជុំត្រៀមរៀបចំពិធីដែលនឹងខិតជិតមកដល់

ត្បូងឃ្មុំ៖ នាព្រឹកថ្ងៃពុធទី៧ ខែឧសភា ឆ្នាំ២០២៥ គណៈកម្មាការពិធីសូធ្យគម្ពីរគូរអានុលការីមថ្នាក់ជាតិលើកទី៣២ឆ្នាំ២០២៥បានជួបប្រជុំត្រៀមរៀបចំពិធីដែល នឹងប្រព្រឹត្តិទៅនៅថ្ងៃទី១៧-១៨ ឧសភា ខាងមុខ។ (more…)

4 weeks ago