ព័ត៌មានអន្តរជាតិ

ឧទ្ធម្ភាគចក្រដឹកប្រធានាធិបតីអ៊ីរ៉ង់ លោក Raisi និងរដ្ឋមន្ត្រីការបរទេសធ្លាក់នៅតំបន់ភ្នំ

Spread the love
(អ៊ីរ៉ង់)៖ ទីភ្នាក់ងារសារព័ត៌មានអ៊ីរ៉ង់បាននិយាយថា ឧទ្ធម្ភាគចក្រដឹកប្រធានាធិបតីអ៊ីរ៉ង់ លោក Ebrahim Raisi និងរដ្ឋមន្ត្រីការបរទេសរបស់អ៊ីរ៉ង់ បានធ្លាក់កាលពីថ្ងៃអាទិត្យ ខណៈកំពុងឆ្លងកាត់តំបន់ភ្នំដែលហ៊ុំព័ទ្ធដោយអ័ព្ទក្រាស់ នៅតាមផ្លូវត្រឡប់ពីដំណើរទស្សនកិច្ចនៅប្រទេស Azerbaijan។ នេះបើយោងតាមការចេញផ្សាដោយ ទីភ្នាក់ងារសារព័ត៌មាន Reuters នៅថ្ងៃទី១៩ ខែឧសភា ឆ្នាំ២០២៤។

ប្រព័ន្ធផ្សព្វផ្សាយរដ្ឋអ៊ីរ៉ង់បាននិយាយថា ហេតុការណ៍នេះបានកើតឡើងកាលពីថ្ងៃអាទិត្យនៅជិតទីក្រុង Jolfa ក្នុងខេត្ត East Azerbaijan របស់ប្រទេសអ៊ីរ៉ង់។ មួយថ្ងៃមុននេះ លោក Raisi បានស្ថិតនៅក្នុងប្រទេសជិតខាង Azerbaijan ដើម្បីបើកសម្ភោធទំនប់ទឹកជាមួយសមភាគី លោក Ilham Aliyev ។
ប្រព័ន្ធផ្សព្វផ្សាយដែលមានទំនាក់ទំនងរដ្ឋ បានគូសបញ្ជាក់ថា នៅក្នុងក្បួនរបស់ប្រធានាធិបតីអ៊ីរ៉ង់ មានឧទ្ធម្ភាគចក្រចំនួនបីគ្រឿង ដោយពីរគ្រឿងបានត្រឡប់មកវិញដោយសុវត្ថិភាព។
រដ្ឋមន្ត្រីក្រសួងមហាផ្ទៃ លោក Ahmad Vahidi បានប្រាប់ទូរទស្សន៍រដ្ឋថា ក្រុមជួយសង្គ្រោះជាច្រើនកំពុងព្យាយាមទៅដល់ទីតាំងនៃឧប្បត្តិវហេតុនេះ ប៉ុន្តែវាប្រហែលជាត្រូវការពេលវេលាខ្លះ ដោយសារអ័ព្ទ និងលក្ខខណ្ឌអាកាសធាតុមិនល្អ៕ Fresh News
camm

Recent Posts

មេដឹកនាំអាស៊ានបូក៣ អំពាវនាវឱ្យពង្រឹងសាមគ្គីភាព ចំពេលវិបត្តិ និងជម្លោះសកលកំពុងកើនឡើង

មេដឹកនាំអាស៊ានបូក៣ (អាស៊ាន ចិន ជប៉ុន និងកូរ៉េខាងត្បូង) បានអំពាវនាវឱ្យពង្រឹងសាមគ្គីភាព និងកិច្ចសហប្រតិបត្តិការកាន់តែជិតស្និទ្ធ ដើម្បីរួមគ្នាឆ្លើយតបនឹងបញ្ហាប្រឈមនានា ខណៈជម្លោះភូមិសាស្ត្រនយោបាយ វិបត្តិសេដ្ឋកិច្ច និងភាពមិនប្រាកដប្រជានៅលើពិភពលោក កំពុងកើនឡើង។ (more…)

7 hours ago

ម៉ាឡេស៊ីរក្សាបានអាសនៈក្នុងក្រុមប្រឹក្សាសហភាពទូរគមនាគមន៍អន្តរជាតិ សម្រាប់អាណត្តិ ២០២៧-២០៣០

(ម៉ាឡេស៊ី)៖ ប្រទេសម៉ាឡេស៊ីទទួលបានជោគជ័យក្នុងការរក្សាអាសនៈរបស់ខ្លួននៅក្នុងក្រុមប្រឹក្សាសហភាពទូរគមនាគមន៍អន្តរជាតិ (ITU Council) សម្រាប់អាណត្តិឆ្នាំ២០២៧-២០៣០ បន្ទាប់ពីទទួលបានសំឡេងគាំទ្រចំនួន ១៤៥សំឡេង ក្នុងការបោះឆ្នោតនៅក្នុងសន្និសីទពេញអង្គ ITU ឆ្នាំ២០២៦ (PP-26)។ (more…)

1 day ago

កម្ពុជា និងកាណាដា ឈានដល់ការផ្លាស់ប្តូរអនុស្សរណៈពាណិជ្ជកម្ម-ហិរញ្ញវត្ថុ និងបើកផ្លូវចរចាកិច្ចព្រមព្រៀងធំៗ ២ បន្ថែមទៀត

ភ្នំពេញ៖ ទំនាក់ទំនងទ្វេភាគីរវាងព្រះរាជាណាចក្រកម្ពុជា និងប្រទេសកាណាដា បានបោះជំហានទៅមុខមួយកម្រិតទៀត តាមរយៈការបង្កើតយន្តការសហប្រតិបត្តិការសេដ្ឋកិច្ច ពាណិជ្ជកម្ម និងសុវត្ថិភាពហិរញ្ញវត្ថុ។ (more…)

1 day ago

សភាអ៊ីស្រាអែលជ្រើសតាំងតំណាងរាស្ត្រអារ៉ាប់ជាអនុប្រធានសភា ក្រោយអវត្តមានអស់រយៈពេល៤ឆ្នាំ

(អ៊ីស្រាអែល)៖ សភាអ៊ីស្រាអែល (Knesset) កាលពីថ្ងៃចន្ទ បានអនុម័តជ្រើសតាំងលោក Walid Taha សមាជិកសភាមកពីគណបក្ស United Arab List (Ra’am) ឱ្យកាន់តំណែងជាអនុប្រធានសភា ដែលជាការស្ដារឡើងវិញនូវតំណាងជនជាតិអារ៉ាប់ក្នុងថ្នាក់ដឹកនាំសភា បន្ទាប់ពីអវត្តមានអស់រយៈពេល៤ឆ្នាំ។…

1 day ago

កម្ពុជាបិទបញ្ចប់កិច្ចប្រជុំកំពូលហ្វ្រង់កូហ្វូនីលើកទី២០ ដោយជោគជ័យ ចេញសេចក្តីថ្លែងការណ៍ទីក្រុងភ្នំពេញផ្តោតលើ ៣២ ចំណុច

(ភ្នំពេញ)៖ កិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះ បានបិទបញ្ចប់ដោយជោគជ័យ ក្រោយដំណើរការរយៈពេល២ថ្ងៃ ចាប់ពីថ្ងៃទី១៥ ដល់ថ្ងៃទី១៦ ខែវិច្ឆិកា ឆ្នាំ២០២៦។ (more…)

1 day ago

ភ្លើងឆេះអគារកម្ពស់ ៤ ជាន់នៅថៃ បណ្តាលឱ្យមនុស្ស ១១ នាក់ស្លាប់ និងជាង ៣០ នាក់រងរបួស

យោងតាមសារព័ត៌មានថៃ Phuket News ហេតុការណ៍នេះបានកើតឡើងនៅព្រឹកព្រលឹមថ្ងៃទី១៦ ខែវិច្ឆិកា ឆ្នាំ២០២៦ នៅហាងជួល និងលក់ម៉ូតូមួយកន្លែង ក្នុងតំបន់ប៉ាតុង (Patong) ខេត្តភូកេត។ (more…)

1 day ago