អ៊ីស្រាអែលបានកាត់ផ្តាច់ចរន្តអគ្គិសនីនៅតំបន់ហ្គាហ្សា ដែលប៉ះពាល់ដល់រោងចក្រផលិតទឹកស្អាតសម្រាប់ពលរដ្ឋប៉ាឡេស្ទីនយ៉ាងធ្ងន់ធ្ងរ

ហ្គាហ្សា៖ កាលពីប៉ុន្មានសប្តាហ៍មុនអ៊ីស្រាអែលបានហាមឃាត់រថយន្តដឹកទំនិញជាច្រើនគ្រឿងមិនឱ្យចូលទៅកាន់តំបន់ហ្គាហ្សា ដែលមានពលរដ្ឋជាង ២លាននាក់រស់នៅទីនោះ ខណៈនៅថ្ងៃអាទិត្រនេះវិញ អ៊ីស្រាអែលបានកាត់ផ្តាច់ការផ្គត់ផ្គង់អគ្គិសនីនៅតំបន់ហ្គាហ្សាវិញម្តង ដែលទង្វើនេះនាំឱ្យប៉ះពាល់ដល់រោងចក្រផលិតទឹកស្អាតជាផ្នែកមួយដ៏សំខាន់សម្រាប់ពលរដ្ឋប៉ាឡេស្ទីន ពីព្រោះវាជាខ្សែថាមពលតែមួយគត់រវាងអ៊ីស្រាអែល និងហ្គាហ្សា ក្នុងការផ្គត់ផ្គង់រោងចក្រចម្រោះទឹកស្អាត ហើយពលរដ្ឋនៅតំបន់នេះភាគច្រើនពឹងផ្អែកលើបន្ទះសូឡា និងម៉ាស៊ីនភ្លើងដែលប្រើឥន្ធនៈ ដើម្បីផលិតអគ្គិសនី។ នេះបើយោងតាមការចុះផ្សាយរបស់សារព័ត៌មាន Arab News នៅថ្ងៃទី១០ ខែមិនា ឆ្នាំ២០២៥។