ប្រទេសអេស្ប៉ាញ បានប្រកាសពីការផ្អាកកិច្ចព្រមព្រៀងទិញលក់សព្វាវុធទាំងអស់ជាមួយអ៊ីស្រាអែល។ រដ្ឋមន្ត្រីក្រសួងការពារជាតិអេស្ប៉ាញ លោកស្រី Margarita Robles បានប្រាប់កាសែត El Pais កាលពីថ្ងៃពុធ (២៣ តុលា) ដោយបញ្ជាក់ថា កិច្ចសន្យាទាំងអស់សម្រាប់ការបញ្ជាទិញសព្វាវុធរបស់អ៊ីស្រាអែល ចាប់តាំងពីថ្ងៃទី៧ ខែតុលា បច្ចុប្បន្ននេះត្រូវបានផ្អាក។
ការប្រកាសនេះធ្វើឡើងបន្ទាប់ពីលិខិតផ្លូវការមួយរបស់រដ្ឋមន្ត្រីនៃគណបក្សចម្រុះឆ្វេងនិយមរបស់អេស្ប៉ាញ គឺលោក Sumar ដែលបានជំរុញអោយមានការដាក់ទណ្ឌកម្មអាវុធលើអ៊ីស្រាអែល។ រដ្ឋមន្ត្រីបានសម្តែងក្តីសង្ឃឹមរបស់ពួកគេចំពោះការផ្អាកកិច្ចព្រមព្រៀងដែលកំពុងដំណើរការជាមួយក្រុមហ៊ុនការពារជាតិ ឬសន្តិសុខរបស់អ៊ីស្រាអែល ដែលពាក់ព័ន្ធនឹងការកើនឡើងនៃជម្លោះនៅក្នុងតំបន់ហ្គាហ្សា និងលីបង់ ក៏ដូចជាប្រតិបត្តិការនៅក្នុងការតាំងទីលំនៅដែលកាន់កាប់ដោយខុសច្បាប់ដោយអ៊ីស្រាអែល។
ប្រទេសអេស្បាញគឺជាអ្នករិះគន់ដ៏លេចធ្លោមួយនៅក្នុងទ្វីបអឺរ៉ុប ចំពោះសកម្មភាពរបស់អ៊ីស្រាអែលនៅតំបន់ហ្គាហ្សា ដែលបានបណ្តាលឱ្យមានអ្នកស្លាប់ជនជាតិប៉ាឡេស្ទីនជាង ៤២,០០០នាក់ ចាប់តាំងពីខែតុលា ឆ្នាំ២០២៣ មក។
អេស្ប៉ាញ ក៏អ្នកជាប្រទេសដែលបានទទួលស្គាល់ប៉ាឡេស្ទីនជារដ្ឋឯករាជ្យ គ្រប់គ្រងដោយអាជ្ញាធរប៉ាឡេស្ទីន មានតំបន់ Gaza Strip និង West Bank និងមាន East Jerusalem ជារដ្ឋធានីរបស់ខ្លួន រួមជាមួយនឹងប្រទេសន័រវេស និងអៀរឡង់ កាលពីខែឧសភា។ ការទទួលស្គាល់នេះ ក៏រួមទាំងប្រទេសចំនួន ១៤៦ ក្នុងចំណោមប្រទេសជាសមាជិកចំនួន១៩៣ របស់អង្គការសហប្រជាជាតិផងដែរ។
គួរជម្រាបថា កាលពីដើមខែនេះ នាយករដ្ឋមន្ត្រីអេស្ប៉ាញ លោក Pedro Sanchez បានជំរុញសមាជិកសហភាពអឺរ៉ុបឱ្យផ្អាកកិច្ចព្រមព្រៀងពាណិជ្ជកម្មសេរីរបស់តំបន់ជាមួយអ៊ីស្រាអែល រួមទាំងបញ្ឈប់ការផ្គត់ផ្គង់សព្វាវុធផងដែរ ដើម្បីឆ្លើយតបទៅនឹងយុទ្ធនាការយោធា នៅក្នុងក្របខណ្ឌប៉ាឡេស្ទីន និងលីបង់។
នេះគឺជាប្រទេសទី២ហើយនៅតំបន់អឺរ៉ុប ដែលប្រកាសផ្អាកកិច្ចព្រមព្រៀងទិញលក់សព្វាវុធជាមួយអ៊ីស្រាអែល បន្ទាប់ពីអង់គ្លេស។
លោកស្រី អ៊ីលហាន អូម៉ា (Ilhan Omar) បេក្ខជនគណបក្សប្រជាធិបតេយ្យ និងជាអ្នកនយោបាយអាមេរិកកាន់សាសនាឥស្លាម បានឈ្នះការបោះឆ្នោតឡើងវិញ ក្នុងមណ្ឌលបោះឆ្នោតសភាតំណាងរាស្ត្រទី៥ នៃរដ្ឋមីនីសូតា ក្នុងការបោះឆ្នោតពាក់កណ្តាលអាណត្តិឆ្នាំ២០២៦។ (more…)
ខេត្តតាកែវ៖ យោងតាមរបាយការណ៍បឋមបានឲ្យដឹងថា កាលពីវេលាម៉ោង ១១:៣០នាទី ថ្ងៃទី២៩ ខែតុលា ឆ្នាំ២០២៦ មានករណីឃាតកម្មមួយកើតឡើងនៅភូមិព្រៃរំដេង ឃុំអង្គតាសោម ស្រុកត្រាំកក់ ខេត្តតាកែវ បណ្តាលឱ្យស្ត្រីម្នាក់ឈ្មោះ អ៊ែល ម៉ារីយ៉ាស់ ហៅ…
គណបក្សលីគូដ (Likud) របស់នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ បានចោទប្រកាន់ថា ប្រទេសកាតា និងតួកគី ត្រូវបានគេអះអាងថា បានផ្តល់មូលនិធិដល់គណបក្សអារ៉ាប់ ដែលចូលរួមក្នុងការបោះឆ្នោតនៅអ៊ីស្រាអែល។ (more…)
ជនជាតិចាមកាន់សាសនាឥស្លាមមកពីខេត្តអានយ៉ាង ប្រទេសវៀតណាម បានរៀបចំការសម្តែងឡើងវិញនូវពិធីបុណ្យរ៉ាយ៉ាអ៊ីឌុលហ្វិត្រី (Raya Aidil Fitri) នៅថ្ងៃទី២៥ ខែតុលា ឆ្នាំ២០២៦ នៅភូមិវប្បធម៌ និងទេសចរណ៍ជាតិរបស់វៀតណាម ក្នុងទីក្រុងហាណូយ។ (more…)
ភ្នំពេញ៖ នាល្ងាចថ្ងៃទី២៨ ខែតុលា ឆ្នាំ២០២៦ ស្ថានទូតម៉ាឡេស៊ីប្រចាំព្រះរាជាណាចក្រកម្ពុជា បានរៀបចំពិធីអបអរសាទរខួបលើកទី៦៩ នៃទិវាបុណ្យជាតិម៉ាឡេស៊ី ក្រោមអធិបតីភាព ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងឯកឧត្តម Shaharuddin Onn…
យ៉ាងហោចណាស់សិស្ស ២៧នាក់ ដែលភាគច្រើនមានអាយុក្រោម ១៣ឆ្នាំ និងគ្រូម្នាក់ បានស្លាប់ បន្ទាប់ពីដំបូលអគារសាលារៀនមួយបានបាក់រលំ ខណៈពួកគេកំពុងរៀនក្នុងថ្នាក់ នៅថ្ងៃថ្ងៃព្រហស្បតិ៍ នេះនៅទីក្រុងប៉េសាវ៉ា (Peshawar) ភាគខាងជើងប្រទេសប៉ាគីស្ថាន។ អាជ្ញាធរបារម្ភថា ចំនួនអ្នកស្លាប់អាចនឹងកើនឡើងបន្ថែមទៀត។ (more…)