ព័ត៌មានអន្តរជាតិ

អារ៉ាប៊ីសាអូឌីត អនុញ្ញាតឱ្យពលរដ្ឋរបស់ខ្លួនអាចអញ្ជើញមិត្តភក្តិមកលេងក្នុងប្រទេស និងធ្វើអុំរ៉ោះបាន

Spread the love

អារ៉ាប៊ីសាអូឌីត បានប្រកាសយន្តការថ្មី ដោយអនុញ្ញាតអោយពលរដ្ឋរបស់ខ្លួនអាចអញ្ជើញមិត្តភក្តិទៅទស្សនានៅជុំវិញប្រទេស និងធ្វើអុំរ៉ោះបាន។ យន្តការនេះកើតឡើងក្នុងកិច្ចខិតខំប្រឹងប្រែងដើម្បីបង្កើនចំនួនភ្ញៀវបរទេស ស្របតាមគោលបំណងនៃចក្ខុវិស័យ ឆ្នាំ២០៣០ របស់អារ៉ាប៊ីសាអូឌីត។

ក្រសួងការបរទេសរបស់ប្រទេសនេះ បាននិយាយថា អ្នកកាន់ទិដ្ឋាការនឹងត្រូវបានអនុញ្ញាតឱ្យធ្វើដំណើរក្នុងតំបន់ និងទីក្រុងនានាទូទាំងប្រទេស ក៏ដូចជាធ្វើអុំរ៉ោះ ទស្សនាវិហាររបស់ព្យាការី នៅទីក្រុង Madinah បន្ថែមពីនោះ ពួកគេក៏ត្រូវបានអនុញ្ញាតអោយទស្សនាកន្លែងប្រតិបត្តិជំនឿ និងទីកន្លែងប្រវត្តិសាស្ត្រ និងចូលរួមក្នុងព្រឹត្តិការណ៍វប្បធម៌ផ្សេងៗទៀតផងដែរ។ នេះបើតាមការផ្សាយដោយគេហទំព័រ Asharq Al Awsat នៅថ្ងៃទី២០ ខែកក្កដា ឆ្នាំ២០២៣។

ក្រសួងបានបញ្ជាក់ថា ដំណើរការដាក់ពាក្យសុំទិដ្ឋាការត្រូវបានធ្វើឱ្យកាន់តែមានភាពងាយស្រួល និងងាយស្រួលជាងមុន តាមរយៈ eVisa នៃគេហទំព័ររបស់ក្រសួង។

សំណើសុំទិដ្ឋាការដោយផ្ទាល់នេះ អាចត្រូវបានដាក់ជូនតាមរយៈផ្នែកសេវាកម្មបុគ្គលនៃ eVisa ហើយចូលតាមរយៈ Nafadh រួចបំពេញទិន្នន័យរបស់អ្នកដែលត្រូវបានអញ្ជើញ ដោយស្នើសុំដំណើរទស្សនកិច្ចផ្ទាល់ខ្លួន និងអនុម័តកិច្ចការចាំបាច់។

ក្រសួងបន្ថែមថា អ្នកដែលត្រូវបានអញ្ជើញឱ្យមកទស្សនា នឹងបំពេញដំណើរការបង់ថ្លៃសេវា និងការធានារ៉ាប់រងសុខភាព បន្ទាប់ពីបំពេញបែបបទស្នើសុំទិដ្ឋាការនៅលើ eVisa រួចបញ្ជូនពាក្យសុំ និងលិខិតឆ្លងដែនទៅកាន់ស្ថានទូត ឬស្ថានកុងស៊ុល របស់អារ៉ាប៊ីសាអូឌីត នៅក្នុងប្រទេសរបស់ភ្ញៀវ ឬតាមរយៈមជ្ឈមណ្ឌល ឬការិយាល័យ ដែលទទួលស្គាល់ពីស្ថានទូត ឬស្ថានកុងស៊ុល។

បន្ទាប់ពីទទួលបានលិខិតឆ្លងដែនដែលមានត្រាទិដ្ឋាការ ភ្ញៀវដែលត្រូវបានអញ្ជើញ អាចធ្វើដំណើរទៅប្រទេសអារ៉ាប៊ីសាអូឌីតតាមគ្រប់មធ្យោបាយ មិនថាតាមផ្លូវអាកាស ផ្លូវគោក និងសមុទ្រ៕

camm

Share
Published by
camm

Recent Posts

Hayat Al-Sindi គឺជាវិទ្យាសាស្ត្រស្ត្រីអារ៉ាប់ដំបូងគេ ដែលក្លាយជាអ្នកច្នៃប្រឌិត និងអ្នកដឹកនាំដ៏ធំក្នុងវិស័យវិទ្យាសាស្ត្រ

លោកស្រី Dr. Hayat Al-Sindi កើតនៅ ថ្ងៃទី៦ ខែវិច្ឆិកា ឆ្នាំ១៩៦៧ ក្នុងទីក្រុង មាក្កះនៃប្រទេសអារ៉ាប៊ីសូឌីត។ គាត់បានមានឱកាសចាកចេញទៅសិក្សានិងបណ្តុះបណ្តាលផ្នែកភាសាសអង់គ្លេសនៅប្រទេសអង់គ្លេស (more…)

4 days ago

ម៉ាឡេស៊ី ស្នើឱ្យមានការបញ្ជូន និងដាក់ពង្រាយកងកម្លាំងទាហានពិសេសម៉ាឡេសុីនៅតំបន់ព្រំដែនជម្លោះកម្ពុជា-ថៃ ដើម្បីត្រួតពិនិត្របទឈប់បាញ់ និងធានាថាមិនមានការរំលោភលើកិច្ចព្រមព្រៀង

ម៉ាឡេស៊ី ស្នើឱ្យមានការបញ្ជូន និងដាក់ពង្រាយកងកម្លាំងទាហានពិសេសម៉ាឡេសុីនៅតំបន់ព្រំដែនជម្លោះកម្ពុជា-ថៃ ដើម្បីត្រួតពិនិត្របទឈប់បាញ់ និងធានាថាមិនមានការរំលោភលើកិច្ចព្រមព្រៀង (more…)

2 weeks ago

រដ្ឋាភិបាលជប៉ុន ផ្តល់ជំនួយ ១.៨លានដុល្លារអាមេរិក ដើម្បីឆ្លើយតបទៅនឹងតម្រូវការផ្នែកមនុស្សធម៌នៅកម្ពុជា ដែលកំពុងរងគ្រោះដោយសារជម្លោះព្រំដែនកម្ពុជា-ថៃ

រដ្ឋាភិបាលជប៉ុន ផ្តល់ជំនួយ ១.៨លានដុល្លារអាមេរិក ដើម្បីឆ្លើយតបទៅនឹងតម្រូវការផ្នែកមនុស្សធម៌នៅកម្ពុជា ដែលកំពុងរងគ្រោះដោយសារជម្លោះព្រំដែនកម្ពុជា-ថៃ (more…)

2 weeks ago

មកដឹងរឿងរ៉ាវដ៏អាថ៍កំបាំងរបស់ស្តេចស្រីហ្ពាល់គីស និងការព្រមទទួលយកសាសនាឥស្លាមតាមរយៈព្យាការីស៊ូឡៃម៉ាន.

បើយោងតាមឯកសារប្រវត្តិសាស្ត្រឥស្លាមជាច្រើនបានឱ្យដឹងថា មហាក្សត្រីយ៍នៃនគរសាហ្ពាក់ ឬគេស្គាល់ថា ស្តេចស្រីហ្ពាល់គីស គឺជាស្ត្រីដែលមានអំណាច (more…)

3 weeks ago

សាសនិកឥស្លាមនៅខេត្តកំពង់ឆ្នាំង ដឹកនាំគណៈអ៊ីម៉ាំខេត្តកំពង់ឆ្នាំងរួមគ្នាថ្វាយបង្គំ បួងសួង សុំពរជ័យពីអុលឡោះជាម្ចាស់ ជួយថែរក្សាទឹកដីកម្ពុជា

សាសនិកឥស្លាមនៅខេត្តកំពង់ឆ្នាំង ដឹកនាំគណៈអ៊ីម៉ាំខេត្តកំពង់ឆ្នាំងរួមគ្នាថ្វាយបង្គំ បួងសួង សុំពរជ័យពីអុលឡោះជាម្ចាស់ ជួយថែរក្សាទឹកដីកម្ពុជានិងជួយការពារឲ្យបានសេចក្ដីសុខ គ្រប់ប្រការជូន វីរជនកងទ័ពសមរភូមិមុខ កំពុងឈរជើងការ ពារទឹកដី ពីការឈ្លានពានរបស់ប្រទេសជិតខាង (more…)

3 weeks ago