ភ្នំពេញ កម្ពុជា៖ មជ្ឈមណ្ឌលព្រះចៅសាល់ម៉ានដើម្បីជំនួយសង្គ្រោះ និងការងារមនុស្សធម៌ (KSRelief) នៃព្រះរាជាណាចក្រអារ៉ាប៊ីសាអូឌីត បានផ្តល់ជំនួយជាថវិកា និងសម្ភារៈបរិក្ខាក្នុងតម្លៃសរុបប្រមាណ 80,000 ដុល្លារអាមេរិកដល់សាកលវិទ្យាល័យកម្ពុជា គ្រប់គ្រង និងបច្ចេកវិទ្យា (CUMT) តាមរយៈកិច្ចព្រមព្រៀងផ្តល់ជំនួយ ជាមួយនឹងអង្គការសម្ព័ន្ធបញ្ញវន្តមូស្លីមកម្ពុជា។ ការចូលរួមចំណែកនេះមានគោលបំណងពង្រឹងសមត្ថភាពរបស់សាកលវិទ្យាល័យក្នុងការបណ្តុះបណ្តាលនិស្សិតថ្នាក់ឧត្តមសិក្សា និងលើកកម្ពស់ការអភិវឌ្ឍការអប់រំនៅកម្ពុជា។
ឯកឧត្តមបណ្ឌិត ហូសេន មហាម៉ាត់ហ្វារីត ប្រធានអង្គការសម្ព័ន្ធបញ្ញវន្តមូស្លីមកម្ពុជា និងជាប្រធានក្រុមប្រឹក្សាភិបាលនៃសាកលវិទ្យាល័យកម្ពុជាគ្រប់គ្រងនិងបច្ចេកវិទ្យា(CUMT) បានសម្តែងនូវអំណរគុណយ៉ាងជ្រាលជ្រៅចំពោះការឧបត្ថម្ភគាំទ្ររបស់ព្រះរាជាណាចក្រអារ៉ាប៊ីសាអូឌីតដែលដោយបានគូសបញ្ជាក់ថាជំនួយនេះនឹងជួយពង្រឹងសមត្ថភាពរបស់សាកលវិទ្យាល័យក្នុងការផ្តល់នូវការអប់រំប្រកបដោយគុណភា រួមជាមួយនឹងជំនាញរបស់សាស្រ្តាចារ្យនិងបុគ្គលិករបស់ខ្លួន។ ឯកឧត្តមបណ្ឌិតបានសង្កត់ធ្ងន់បន្ថែមថាជំនួយនេះឆ្លុះបញ្ចាំងពីការប្តេជ្ញាចិត្តរបស់អារ៉ាប៊ីសាអូឌីតក្នុងការជំរុញនិងគាំទ្រលើវិស័យអប់រំ និងជំរុញនូវទំនាក់ទំនងដ៏រឹងមាំរវាងប្រជាជាតិនៃប្រទេសទាំងពីរ។
ការចូលរួមចំណែកនេះគឺជាផ្នែកមួយនៃកិច្ចខិតខំប្រឹងប្រែងមនុស្សធម៌និងជំនួយរបស់ព្រះរាជាណាចក្រអារ៉ាប៊ីសាអូឌីត ដែលអនុវត្តដោយមជ្ឈមណ្ឌលព្រះចៅសាល់ម៉ានដើម្បីជំនួយសង្គ្រោះនិងការងារមនុស្សធម៌(KSRelief)ដើម្បីគាំទ្រដល់វិស័យអប់រំឧត្តមសិក្សានៅក្នុងប្រទេសដែលត្រូវការជំនួយ។ ការគាំទ្រនេះមានគោលបំណងអភិវឌ្ឍយន្តការអប់រំឧត្តមសិក្សានិងផ្តល់មូលនិធិសម្រាប់កម្មវិធីសិក្សានិងដំណើរការអប់រំ។
សាកលវិទ្យាល័យកម្ពុជា គ្រប់គ្រង និងបច្ចេកវិទ្យា(CUMT)គឺជាស្ថាប័នអប់រំកម្រិតឧត្តមសិក្សាបង្កើតឡើងដំបូងបង្អស់នៅកម្ពុជាដោយ បញ្ញវន្តខ្មែរឥស្លាម ក្រោមជំនួយឧបត្ថម្ភគាំទ្រពីមូលនិធិ Al-Rajhi Endowment Fund ពីប្រទេសអារ៉ាប៊ីសាអូឌីត ក្រោមការសម្របសម្រួលដោយមជ្ឈមណ្ឌលព្រះចៅសាល់ម៉ានដើម្បីជំនួយសង្គ្រោះ និងការងារមនុស្សធម៌ (KSRelief) ។
សាកលវិទ្យាល័យ នេះត្រូវបានសម្ពោធប្រកាសបើកជាផ្លូវការកាលពីថ្ងៃទី២១ ខែតុលា ឆ្នាំ២០២៤ ក្រោមអធិបតីភាពរបស់ ឯកឧត្តមបណ្ឌិត សភាចារ្យ ហង់ ជួនណារ៉ុន ឧបនាយករដ្ឋមន្ត្រី និងជារដ្ឋមន្ត្រីក្រសួងអប់រំ យុវជន និងកីឡា តំណាងដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ ចាប់តាំងពីការបង្កើតឡើងមក CUMT បានប្តេជ្ញាចិត្តក្នុងការអភិវឌ្ឍធនធានមនុស្សប្រកបដោយគុណភាពខ្ពស់ ដើម្បីបំពេញតម្រូវការសេដ្ឋកិច្ចសង្គមរបស់កម្ពុជា។
គួរឲ្យដឹងថាមជ្ឈមណ្ឌលព្រះចៅសាល់ម៉ានដើម្បីជំនួយសង្គ្រោះ និងការងារមនុស្សធម៌ KSRelief គឺជាអង្គការមនុស្សធម៌ដ៏ធំបំផុតមួយរបស់ព្រះរាជាណាចក្រអារ៉ាប៊ីសាអូឌីត បន្តផ្តល់ជំនួយនៅទូទាំងពិភពលោកក្នុងកម្មវិធីសង្គម ជំនួយមនុស្សធម៌ ជំនួយសង្គ្រោះបន្ទាន់ សេវាសុខភាព និងការអភិវឌ្ឍធនធានមនុស្ស។ នៅកម្ពុជា KSRelief បានជួយឧបត្ថម្ភគាំទ្រដល់ CUMTនិងគម្រោងមនុស្សធម៌ផ្សេងទៀតនិងបច្ចុប្បនេះក៏កំពុងពិនិត្យមើលលើគំនិតផ្តួចផ្តើមបន្ថែមទៀតោងដែរ។
លោកស្រី អ៊ីលហាន អូម៉ា (Ilhan Omar) បេក្ខជនគណបក្សប្រជាធិបតេយ្យ និងជាអ្នកនយោបាយអាមេរិកកាន់សាសនាឥស្លាម បានឈ្នះការបោះឆ្នោតឡើងវិញ ក្នុងមណ្ឌលបោះឆ្នោតសភាតំណាងរាស្ត្រទី៥ នៃរដ្ឋមីនីសូតា ក្នុងការបោះឆ្នោតពាក់កណ្តាលអាណត្តិឆ្នាំ២០២៦។ (more…)
ខេត្តតាកែវ៖ យោងតាមរបាយការណ៍បឋមបានឲ្យដឹងថា កាលពីវេលាម៉ោង ១១:៣០នាទី ថ្ងៃទី២៩ ខែតុលា ឆ្នាំ២០២៦ មានករណីឃាតកម្មមួយកើតឡើងនៅភូមិព្រៃរំដេង ឃុំអង្គតាសោម ស្រុកត្រាំកក់ ខេត្តតាកែវ បណ្តាលឱ្យស្ត្រីម្នាក់ឈ្មោះ អ៊ែល ម៉ារីយ៉ាស់ ហៅ…
គណបក្សលីគូដ (Likud) របស់នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ បានចោទប្រកាន់ថា ប្រទេសកាតា និងតួកគី ត្រូវបានគេអះអាងថា បានផ្តល់មូលនិធិដល់គណបក្សអារ៉ាប់ ដែលចូលរួមក្នុងការបោះឆ្នោតនៅអ៊ីស្រាអែល។ (more…)
ជនជាតិចាមកាន់សាសនាឥស្លាមមកពីខេត្តអានយ៉ាង ប្រទេសវៀតណាម បានរៀបចំការសម្តែងឡើងវិញនូវពិធីបុណ្យរ៉ាយ៉ាអ៊ីឌុលហ្វិត្រី (Raya Aidil Fitri) នៅថ្ងៃទី២៥ ខែតុលា ឆ្នាំ២០២៦ នៅភូមិវប្បធម៌ និងទេសចរណ៍ជាតិរបស់វៀតណាម ក្នុងទីក្រុងហាណូយ។ (more…)
ភ្នំពេញ៖ នាល្ងាចថ្ងៃទី២៨ ខែតុលា ឆ្នាំ២០២៦ ស្ថានទូតម៉ាឡេស៊ីប្រចាំព្រះរាជាណាចក្រកម្ពុជា បានរៀបចំពិធីអបអរសាទរខួបលើកទី៦៩ នៃទិវាបុណ្យជាតិម៉ាឡេស៊ី ក្រោមអធិបតីភាព ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងឯកឧត្តម Shaharuddin Onn…
យ៉ាងហោចណាស់សិស្ស ២៧នាក់ ដែលភាគច្រើនមានអាយុក្រោម ១៣ឆ្នាំ និងគ្រូម្នាក់ បានស្លាប់ បន្ទាប់ពីដំបូលអគារសាលារៀនមួយបានបាក់រលំ ខណៈពួកគេកំពុងរៀនក្នុងថ្នាក់ នៅថ្ងៃថ្ងៃព្រហស្បតិ៍ នេះនៅទីក្រុងប៉េសាវ៉ា (Peshawar) ភាគខាងជើងប្រទេសប៉ាគីស្ថាន។ អាជ្ញាធរបារម្ភថា ចំនួនអ្នកស្លាប់អាចនឹងកើនឡើងបន្ថែមទៀត។ (more…)