ភ្នំពេញ កម្ពុជា៖ មជ្ឈមណ្ឌលព្រះចៅសាល់ម៉ានដើម្បីជំនួយសង្គ្រោះ និងការងារមនុស្សធម៌ (KSRelief) នៃព្រះរាជាណាចក្រអារ៉ាប៊ីសាអូឌីត បានផ្តល់ជំនួយជាថវិកា និងសម្ភារៈបរិក្ខាក្នុងតម្លៃសរុបប្រមាណ 80,000 ដុល្លារអាមេរិកដល់សាកលវិទ្យាល័យកម្ពុជា គ្រប់គ្រង និងបច្ចេកវិទ្យា (CUMT) តាមរយៈកិច្ចព្រមព្រៀងផ្តល់ជំនួយ ជាមួយនឹងអង្គការសម្ព័ន្ធបញ្ញវន្តមូស្លីមកម្ពុជា។ ការចូលរួមចំណែកនេះមានគោលបំណងពង្រឹងសមត្ថភាពរបស់សាកលវិទ្យាល័យក្នុងការបណ្តុះបណ្តាលនិស្សិតថ្នាក់ឧត្តមសិក្សា និងលើកកម្ពស់ការអភិវឌ្ឍការអប់រំនៅកម្ពុជា។
ឯកឧត្តមបណ្ឌិត ហូសេន មហាម៉ាត់ហ្វារីត ប្រធានអង្គការសម្ព័ន្ធបញ្ញវន្តមូស្លីមកម្ពុជា និងជាប្រធានក្រុមប្រឹក្សាភិបាលនៃសាកលវិទ្យាល័យកម្ពុជាគ្រប់គ្រងនិងបច្ចេកវិទ្យា(CUMT) បានសម្តែងនូវអំណរគុណយ៉ាងជ្រាលជ្រៅចំពោះការឧបត្ថម្ភគាំទ្ររបស់ព្រះរាជាណាចក្រអារ៉ាប៊ីសាអូឌីតដែលដោយបានគូសបញ្ជាក់ថាជំនួយនេះនឹងជួយពង្រឹងសមត្ថភាពរបស់សាកលវិទ្យាល័យក្នុងការផ្តល់នូវការអប់រំប្រកបដោយគុណភា រួមជាមួយនឹងជំនាញរបស់សាស្រ្តាចារ្យនិងបុគ្គលិករបស់ខ្លួន។ ឯកឧត្តមបណ្ឌិតបានសង្កត់ធ្ងន់បន្ថែមថាជំនួយនេះឆ្លុះបញ្ចាំងពីការប្តេជ្ញាចិត្តរបស់អារ៉ាប៊ីសាអូឌីតក្នុងការជំរុញនិងគាំទ្រលើវិស័យអប់រំ និងជំរុញនូវទំនាក់ទំនងដ៏រឹងមាំរវាងប្រជាជាតិនៃប្រទេសទាំងពីរ។
ការចូលរួមចំណែកនេះគឺជាផ្នែកមួយនៃកិច្ចខិតខំប្រឹងប្រែងមនុស្សធម៌និងជំនួយរបស់ព្រះរាជាណាចក្រអារ៉ាប៊ីសាអូឌីត ដែលអនុវត្តដោយមជ្ឈមណ្ឌលព្រះចៅសាល់ម៉ានដើម្បីជំនួយសង្គ្រោះនិងការងារមនុស្សធម៌(KSRelief)ដើម្បីគាំទ្រដល់វិស័យអប់រំឧត្តមសិក្សានៅក្នុងប្រទេសដែលត្រូវការជំនួយ។ ការគាំទ្រនេះមានគោលបំណងអភិវឌ្ឍយន្តការអប់រំឧត្តមសិក្សានិងផ្តល់មូលនិធិសម្រាប់កម្មវិធីសិក្សានិងដំណើរការអប់រំ។
សាកលវិទ្យាល័យកម្ពុជា គ្រប់គ្រង និងបច្ចេកវិទ្យា(CUMT)គឺជាស្ថាប័នអប់រំកម្រិតឧត្តមសិក្សាបង្កើតឡើងដំបូងបង្អស់នៅកម្ពុជាដោយ បញ្ញវន្តខ្មែរឥស្លាម ក្រោមជំនួយឧបត្ថម្ភគាំទ្រពីមូលនិធិ Al-Rajhi Endowment Fund ពីប្រទេសអារ៉ាប៊ីសាអូឌីត ក្រោមការសម្របសម្រួលដោយមជ្ឈមណ្ឌលព្រះចៅសាល់ម៉ានដើម្បីជំនួយសង្គ្រោះ និងការងារមនុស្សធម៌ (KSRelief) ។
សាកលវិទ្យាល័យ នេះត្រូវបានសម្ពោធប្រកាសបើកជាផ្លូវការកាលពីថ្ងៃទី២១ ខែតុលា ឆ្នាំ២០២៤ ក្រោមអធិបតីភាពរបស់ ឯកឧត្តមបណ្ឌិត សភាចារ្យ ហង់ ជួនណារ៉ុន ឧបនាយករដ្ឋមន្ត្រី និងជារដ្ឋមន្ត្រីក្រសួងអប់រំ យុវជន និងកីឡា តំណាងដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ ចាប់តាំងពីការបង្កើតឡើងមក CUMT បានប្តេជ្ញាចិត្តក្នុងការអភិវឌ្ឍធនធានមនុស្សប្រកបដោយគុណភាពខ្ពស់ ដើម្បីបំពេញតម្រូវការសេដ្ឋកិច្ចសង្គមរបស់កម្ពុជា។
គួរឲ្យដឹងថាមជ្ឈមណ្ឌលព្រះចៅសាល់ម៉ានដើម្បីជំនួយសង្គ្រោះ និងការងារមនុស្សធម៌ KSRelief គឺជាអង្គការមនុស្សធម៌ដ៏ធំបំផុតមួយរបស់ព្រះរាជាណាចក្រអារ៉ាប៊ីសាអូឌីត បន្តផ្តល់ជំនួយនៅទូទាំងពិភពលោកក្នុងកម្មវិធីសង្គម ជំនួយមនុស្សធម៌ ជំនួយសង្គ្រោះបន្ទាន់ សេវាសុខភាព និងការអភិវឌ្ឍធនធានមនុស្ស។ នៅកម្ពុជា KSRelief បានជួយឧបត្ថម្ភគាំទ្រដល់ CUMTនិងគម្រោងមនុស្សធម៌ផ្សេងទៀតនិងបច្ចុប្បនេះក៏កំពុងពិនិត្យមើលលើគំនិតផ្តួចផ្តើមបន្ថែមទៀតោងដែរ។
នៅថ្ងៃពុធ ទី៤ ខែមីនា ឆ្នាំ២០២៦ វេលាម៉ោង ១៣:០០នាទីរសៀល ក្រសួងការពារជាតិ នៃព្រះរាជាណាចក្រកម្ពុជា បានសម្របសម្រួលជូនប្រតិភូអនុព័ន្ធយោធាបរទេស ប្រចាំព្រះរាជាណាចក្រកម្ពុជាចំនួន ១២ប្រទេស ចុះទៅពិនិត្យទីតាំងជាក់ស្តែងនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ…
នៅរសៀលថ្ងៃអាទិត្យទី១៦ ខែកុម្ភៈ ឆ្នាំ២០២៦ ឯកឧត្តមបណ្ឌិត អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេស អញ្ជើញជាអធិបតី និងលោក អះម៉ាត់យ៉ះយ៉ា អារ៉ហ្វាត ភូឈួយទី១ នៃគណៈដឹកនាំជាន់ (more…)
ពិធីអ៊ិជទីម៉ាក ជួបជុំសាសនិកឥស្លាមដើម្បីបួងសួងសុំសេចក្តីសុខសន្តិភាពលើពិភពលោក ស្ថិតនៅវិហារឥស្លាម ភូមិទ្រាទី២ ឃុំទ្រា ស្រុកក្រូចឆ្មារ ខេត្តត្បូងឃ្មុំ មានប្រជាពលរដ្ឋសាសនិកឥស្លាមចូលរួមចំនួន ៩,៤២៩នាក់ មកពីទូទាំង ២៥រាជធានី ខេត្ត ក្រុង និងសាសនិកឥស្លាមបរទេស ចំនួន៤៨នាក់…
រាជធានីភ្នំពេញ៖ នារសៀលថ្ងៃអាទិត្យ ៦រោច ខែមាឃ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៨ ខែកុម្ភៈ ឆ្នាំ២០២៦ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា…
ត្បូងឃ្មុំ៖ ឯកឧត្តម ផារ៉ា មង្គល ប្រធានក្រុមការងារគណបក្សចុះមូលដ្ឋានស្រុកក្រូចឆ្មារ រួមជាមួយសហការី បានចុះជួបសំណេះសំណាល និងនាំយក កញ្ចប់អាហារស្រាយបួស ចែកជូនដល់ ហាកឹមម៉ាស្ជិតទាំង ២៥វិហារ ក្នុងស្រុកក្រូចឆ្មារ ក្នុងឱកាសអបអរសាទរ ខែរ៉ាម៉ាឌន…
តបតាមការអញ្ជើញរបស់ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ នាឱកាសដែលឯកឧត្តមបានចូលរួមកិច្ចប្រជុំមហាសន្និបាតលើកទី២៦ នៃអង្គការទេសចរណ៍សហប្រជាជាតិ (UN Tourism- 26th General Assembly) នៅរាជធានីរីយ៉ាដ ព្រះរាជាណាចក្រអារ៉ាប់ប៊ីសាអ៊ូឌីត កាលពីថ្ងៃទី១០…