ព័ត៌មានអន្តរជាតិ

អារ៉ាប៊ីសាអូឌីតថ្កោលទោសយ៉ាងខ្លាំងចំពោះការវាយប្រហារតាមអាកាសរបស់អ៊ីរ៉ង់លើប្រទេសបារ៉ែន ខណៈអ៊ីរ៉ង់ថាជាការវាយប្រហារលើមូដ្ឋានទ័ពអាមេរិក

Spread the love
ក្រសួងការបរទេសអារ៉ាប៊ីសាអូឌីត បានចេញសេចក្តីថ្លែងការណ៍ថ្កោលទោសយ៉ាងខ្លាំងចំពោះការវាយប្រហារតាមអាកាសរបស់អ៊ីរ៉ង់លើប្រទេសបារ៉ែន ដោយបញ្ជាក់ពីការគាំទ្រ និងសាមគ្គីភាពពេញលេញជាមួយរដ្ឋាភិបាល និងប្រជាជនបារ៉ែន។

ជាមួយគ្នានេះ អារ៉ាប៊ីសាអូឌីតបានបញ្ជាក់ពីការគាំទ្រចំពោះវិធានការទាំងឡាយដែលប្រទេសបារ៉ែនចាត់វិធានការដើម្បីការពារសន្តិសុខ ស្ថិរភាព និងអធិបតេយ្យភាពរបស់ខ្លួន។
អ៊ីរ៉ង់បានអះអាងថា ការវាយប្រហារតាមអាកាសនៅក្នុងប្រទេសបារ៉ែន គឺជាប្រតិបត្តិការវាយប្រហារលើមូលដ្ឋានទ័ពអាមេរិកដែលស្ថិតនៅក្នុងប្រទេសនេះ មិនមែនជាការវាយប្រហារលើប្រទេសបារ៉ែនដោយផ្ទាល់នោះទេ។
កងឆ្មាំបដិវត្តន៍អ៊ីស្លាមអ៊ីរ៉ង់ (IRGC) បានអះអាងថា ខ្លួនបានបាញ់បង្ហោះយន្តហោះគ្មានមនុស្សបើក (ដ្រូន) ចំនួន ៦ គ្រឿង សំដៅវាយប្រហារប្រព័ន្ធរ៉ាដាការពារដែនអាកាសរបស់សហរដ្ឋអាមេរិក នៅមូលដ្ឋានទ័ពអាកាស Al-Rifaa ក្នុងប្រទេសបារ៉ែន។
តាមការអះអាងរបស់អ៊ីរ៉ង់ ប្រតិបត្តិការនេះធ្វើឡើងជាការឆ្លើយតបទៅនឹងអ្វីដែលទីក្រុងតេអេរ៉ង់ចាត់ទុកថា ជាសកម្មភាពឈ្លានពានរបស់សហរដ្ឋអាមេរិក។
ទោះជាយ៉ាងណា កងកម្លាំងការពារជាតិបារ៉ែនបានប្រកាសថា ប្រព័ន្ធការពារដែនអាកាសរបស់ខ្លួនបានស្ទាក់ចាប់ និងបំផ្លាញការវាយប្រហារតាមអាកាសជាច្រើន មុនពេលទៅដល់គោលដៅ។ ខណៈដែលអាមេរិក និងបារ៉ែនមិនទាន់បញ្ជាក់ជាផ្លូវការថា មូលដ្ឋានរ៉ាដាត្រូវបានរងការខូចខាតឬយ៉ាងណានោះទេ។
ហេតុការណ៍នេះបានកើតឡើងចំពេលដែលភាពតានតឹងរវាងអ៊ីរ៉ង់ និងសហរដ្ឋអាមេរិកនៅតែបន្តកើនឡើងក្នុងតំបន់ឈូងសមុទ្រ។
ប្រភព៖ Reuters និង Al Jazeera ថ្ងៃទី១៥ ខែវិច្ឆិកា ឆ្នាំ២០២៦។
camm

Recent Posts

ម៉ាឡេស៊ីរក្សាបានអាសនៈក្នុងក្រុមប្រឹក្សាសហភាពទូរគមនាគមន៍អន្តរជាតិ សម្រាប់អាណត្តិ ២០២៧-២០៣០

(ម៉ាឡេស៊ី)៖ ប្រទេសម៉ាឡេស៊ីទទួលបានជោគជ័យក្នុងការរក្សាអាសនៈរបស់ខ្លួននៅក្នុងក្រុមប្រឹក្សាសហភាពទូរគមនាគមន៍អន្តរជាតិ (ITU Council) សម្រាប់អាណត្តិឆ្នាំ២០២៧-២០៣០ បន្ទាប់ពីទទួលបានសំឡេងគាំទ្រចំនួន ១៤៥សំឡេង ក្នុងការបោះឆ្នោតនៅក្នុងសន្និសីទពេញអង្គ ITU ឆ្នាំ២០២៦ (PP-26)។ (more…)

46 minutes ago

កម្ពុជា និងកាណាដា ឈានដល់ការផ្លាស់ប្តូរអនុស្សរណៈពាណិជ្ជកម្ម-ហិរញ្ញវត្ថុ និងបើកផ្លូវចរចាកិច្ចព្រមព្រៀងធំៗ ២ បន្ថែមទៀត

ភ្នំពេញ៖ ទំនាក់ទំនងទ្វេភាគីរវាងព្រះរាជាណាចក្រកម្ពុជា និងប្រទេសកាណាដា បានបោះជំហានទៅមុខមួយកម្រិតទៀត តាមរយៈការបង្កើតយន្តការសហប្រតិបត្តិការសេដ្ឋកិច្ច ពាណិជ្ជកម្ម និងសុវត្ថិភាពហិរញ្ញវត្ថុ។ (more…)

49 minutes ago

សភាអ៊ីស្រាអែលជ្រើសតាំងតំណាងរាស្ត្រអារ៉ាប់ជាអនុប្រធានសភា ក្រោយអវត្តមានអស់រយៈពេល៤ឆ្នាំ

(អ៊ីស្រាអែល)៖ សភាអ៊ីស្រាអែល (Knesset) កាលពីថ្ងៃចន្ទ បានអនុម័តជ្រើសតាំងលោក Walid Taha សមាជិកសភាមកពីគណបក្ស United Arab List (Ra’am) ឱ្យកាន់តំណែងជាអនុប្រធានសភា ដែលជាការស្ដារឡើងវិញនូវតំណាងជនជាតិអារ៉ាប់ក្នុងថ្នាក់ដឹកនាំសភា បន្ទាប់ពីអវត្តមានអស់រយៈពេល៤ឆ្នាំ។…

52 minutes ago

កម្ពុជាបិទបញ្ចប់កិច្ចប្រជុំកំពូលហ្វ្រង់កូហ្វូនីលើកទី២០ ដោយជោគជ័យ ចេញសេចក្តីថ្លែងការណ៍ទីក្រុងភ្នំពេញផ្តោតលើ ៣២ ចំណុច

(ភ្នំពេញ)៖ កិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះ បានបិទបញ្ចប់ដោយជោគជ័យ ក្រោយដំណើរការរយៈពេល២ថ្ងៃ ចាប់ពីថ្ងៃទី១៥ ដល់ថ្ងៃទី១៦ ខែវិច្ឆិកា ឆ្នាំ២០២៦។ (more…)

55 minutes ago

ភ្លើងឆេះអគារកម្ពស់ ៤ ជាន់នៅថៃ បណ្តាលឱ្យមនុស្ស ១១ នាក់ស្លាប់ និងជាង ៣០ នាក់រងរបួស

យោងតាមសារព័ត៌មានថៃ Phuket News ហេតុការណ៍នេះបានកើតឡើងនៅព្រឹកព្រលឹមថ្ងៃទី១៦ ខែវិច្ឆិកា ឆ្នាំ២០២៦ នៅហាងជួល និងលក់ម៉ូតូមួយកន្លែង ក្នុងតំបន់ប៉ាតុង (Patong) ខេត្តភូកេត។ (more…)

59 minutes ago

សម្ដេចធិបតី ចូលរួមជាសហអធិបតីជាមួយ ឯកឧត្តម Emmanuel MACRON ប្រធានាធិបតីនៃសាធារណរដ្ឋបារាំង ក្នុងពិធីចុះហត្ថលេខា លើឯកសារចំនួន២៩ រួមមាន៖

សម្ដេចធិបតី ចូលរួមជាសហអធិបតីជាមួយ ឯកឧត្តម Emmanuel MACRON ប្រធានាធិបតីនៃសាធារណរដ្ឋបារាំង ក្នុងពិធីចុះហត្ថលេខា លើឯកសារចំនួន២៩ រួមមាន៖ (more…)

60 minutes ago