អាកាសយានដ្ឋានអន្តរជាតិ Zayed របស់ទីក្រុង Abu Dhabi ប្រទេសអេមីរ៉ាតអារ៉ាប់រួម ត្រូវបានប្រកាសជាព្រលានយន្តហោះដ៏ស្រស់ស្អាតបំផុតរបស់ពិភពលោក នៅឯ Prix Versailles ដែលជាពានរង្វាន់ស្ថាបត្យកម្ម និងការរចនាពិភពលោក ដោយទទួលស្គាល់ការរចនាស្ថាបត្យកម្មដ៏ឆ្នើមរបស់ខ្លួន នៅក្នុងប្រភេទព្រលានយន្តហោះ។ ការប្រកាសនេះ ធ្វើឡើងនៅឯពិធីមួយ ក្នុងទីក្រុងប៉ារីស នៅទីស្នាក់ការកណ្តាលរបស់អង្គការយូណេស្កូ ចំខួបលើកទីមួយរបស់ព្រលានយន្តហោះ និងការប្រារព្ធពិធី Eid Al Etihad លើកទី៥៣ ផងដែរ។ នេះបើតាមការផ្សាយដោយសារព័ត៌មាន Khaleej Times នៅថ្ងៃទី៦ ខែធ្នូ ឆ្នាំ២០២៤។
ក្នុងរយៈពេលត្រឹមតែមួយឆ្នាំនៃប្រតិបត្តិការ អាកាសយានដ្ឋានអន្តរជាតិ Zayed បានជាប់ក្នុងតំណែងកំពូលប្រភេទដែលខ្លួនចង់បាន ខណៈសាកលលោកកំពុងមានការប្រកួតប្រជែងដ៏ខ្លាំងក្លា ដើម្បីកំណត់ស្តង់ដារថ្មីសម្រាប់ឧត្តមភាពអាកាសយានដ្ឋានទូទាំងពិភពលោក។
ពានរង្វាន់នេះ អបអរសាទរការរចនាដ៏ល្អឥតខ្ចោះរបស់អាកាសយានដ្ឋានអន្តរជាតិ Zayed ដែលរួមបញ្ចូលគ្នានូវបច្ចេកវិទ្យាទំនើប ទាន់សម័យ ជាមួយនឹងបេតិកភណ្ឌវប្បធម៌ដ៏សម្បូរបែបរបស់ UAE ។ អាកាសយានដ្ឋានអន្តរជាតិ Zayed International Airport មានការរចនារាងអក្សរ X ដ៏ប្លែក ដែលអាចផ្ទុកអ្នកដំណើរបានរហូតដល់ ១១ ០០០នាក់ ក្នុងមួយម៉ោង និងយន្តហោះ ៧៩គ្រឿង ក្នុងពេលដំណាលគ្នា។
អាកាសយានដ្ឋានអន្តរជាតិ Zayed បានបង្កើនសមត្ថភាពទ្វេដងកាលពីមុន ដែលត្រូវបានបង្កើតឡើងដើម្បីគ្រប់គ្រងអ្នកដំណើររហូតដល់ ៤៥លាននាក់ ជារៀងរាល់ឆ្នាំ ដោយបានត្រួសត្រាយនូវចំណុចប៉ះជីវមាត្រចំនួន៩ ដំបូងគេរបស់ពិភពលោក នៅឆ្នាំ២០២៥។
លោកស្រី Elena Sorlini នាយកគ្រប់គ្រង និងជានាយកប្រតិបត្តិនៅអាកាសយានដ្ឋាន Abu Dhabi បាននិយាយថា៖ អាកាសយានដ្ឋានអន្តរជាតិ Zayed បង្កប់នូវចក្ខុវិស័យរបស់ UAE សម្រាប់អនាគតនៃអាកាសចរណ៍ រួមបញ្ចូលនូវមហិច្ឆតាជាមួយនឹងការច្នៃប្រឌិត និងការប្តេជ្ញាចិត្តក្នុងការរៀបចំអនាគតនៃបទពិសោធន៍អាកាសយានដ្ឋាន។ នេះជាពេលវេលាដ៏មានមោទនភាព សម្រាប់អាកាសយានដ្ឋាន Abu Dhabi។
លោកស្រីបន្ថែមថា ពានរង្វាន់នេះបំពេញបន្ថែមការទទួលស្គាល់ជាសាកល ដែលអាកាសយានដ្ឋានអន្តរជាតិ Zayed សម្រេចបានក្នុងរយៈពេល ១២ខែកន្លងមកនេះ ដែលគួរឱ្យកត់សម្គាល់បំផុតគឺអាកាសយានដ្ឋានដែលរីកចម្រើនលឿនបំផុតនៅមជ្ឈិមបូព៌ាទាក់ទងនឹងសមត្ថភាពកៅអីអន្តរជាតិ។ វាក៏ទទួលបានពិន្ទុដែលអ្នកដំណើរពេញចិត្ត ACI ASQ ដ៏ល្អឥតខ្ចោះផងដែរ ដែលចាត់ចំណាត់ថ្នាក់អាកាសយានដ្ឋានអន្តរជាតិ Zayed ជាព្រលានយន្តហោះដ៏ល្អបំផុតមួយនៅក្នុងពិភពលោក។
លោកស្រី បានសង្កត់ធ្ងន់ថា ពានរង្វាន់នេះពង្រឹងជំហររបស់ទីក្រុង Abu Dhabi អោយក្លាយជាគោលដៅឈានមុខគេលើពិភពលោក និងបង្ហាញពីការប្តេជ្ញាចិត្តរបស់អេមីរ៉ាតចំពោះការច្នៃប្រឌិត និងឧត្តមភាពនៅក្នុងឧស្សាហកម្មអាកាសចរណ៍៕
នៅថ្ងៃទី៣០ ខែធ្នូ ឆ្នាំ២០២៥ នេះ សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានអញ្ជើញជួបសួរសុខទុក្ខបងប្អូន វីរកងទ័ព និងវីរនគរបាលដែលរងរបួសក្នុងសមរភូមិ និងបានបញ្ជូនមកសម្រាកព្យាបាលបន្តនៅតាមមន្ទីរពេទ្យក្នុងរាជធានីភ្នំពេញ។…
ក្រសួងការពារជាតិអាមេរិកបាននិយាយកាលពីថ្ងៃទី 29 ខែធ្នូថា ក្រុមហ៊ុន Boeing ត្រូវបានផ្តល់កិច្ចសន្យាតម្លៃ 8.6 ពាន់លានដុល្លារអាមេរិក សម្រាប់កម្មវិធីយន្តហោះ F-15 អ៊ីស្រាអែល បន្ទាប់ពីប្រធានាធិបតីអាមេរិក លោក ដូណាល់ ត្រាំ…
សម្ព័ន្ធដើម្បីគាំទ្រភាពស្របច្បាប់នៅក្នុងប្រទេសយេម៉ែនដែលដឹកនាំដោយអារ៉ាប៊ីសាអូឌីតនៅថ្ងៃអង្គារនេះបាននិយាយថា ខ្លួនបានធ្វើការវាយប្រហារតាមអាកាស «មានកំណត់» ទៅលើនាវា ពីរគ្រឿង ដែលព្យាយាមនាំយកអាវុធចូលទៅក្នុងកំពង់ផែ Mukalla នៅភាគខាងត្បូងប្រទេសយេម៉ែន ដោយមិនទទួលបានការអនុញ្ញាតជាផ្លូវការ។នៅក្នុងសេចក្តីថ្លែងការណ៍មួយដែលធ្វើឡើងដោយទីភ្នាក់ងារសារព័ត៌មានអារ៉ាប៊ីសាអ៊ូឌីត (SPA) អ្នកនាំពាក្យកងកម្លាំងចម្រុះ ឧត្តមសេនីយ៍ឯក Turki Al-Maliki បាននិយាយថា…
មេបញ្ជាការកងទ័ពលីប៊ីលោក Mohammed Ali Ahmed Haddad ត្រូវបានរាយការណ៍ថាបានស្លាប់ក្នុងហេតុការណ៍ធ្លាក់យន្តហោះរួមជាមួយមន្ត្រីយោធាជាន់ខ្ពស់ចំនួន៤នាក់ទៀតនៅប្រទេសតួកគីយ៉េ ហេតុការណ៍នេះកើតឡើងកាលពីយប់ថ្ងៃអង្គារទី២៣ខែធ្នូឆ្នាំ២០២៥នៅទីក្រុង អង់ការ៉ា ខណៈមូលហេតុនៃការធ្លាក់មិនទាន់ត្រូវបានគេដឹងទេ។ (more…)
Thai forces fire two rounds from flare guns into Poipet city. AKP Thai military forces…
Somdech Hun Sen, President of the Cambodian People’s Party (CPP), and Xie Chuntao, Executive Vice…