ព័ត៌មានជាតិ

អនុព័ន្ធយោធាតួកគី លើកឡើងថា កម្ពុជាបញ្ចប់សង្គ្រាមទទួលបានសន្តិភាព មានការវិវឌ្ឍរីកចម្រើនយ៉ាងឆាប់រហ័ស ដែលមិននឹកស្មានដល់

Spread the love

ឧត្តមសេនីយ៍ឯក រ៉ាត់ ដារ៉ារ័ត្ន រដ្ឋលេខាធិការ ក្រសួងការពារជាតិ កាលពីថ្ងៃទី១១ ខែវិច្ឆិកា ឆ្នាំ២០២៤ បានអនុញ្ញាតឱ្យលោកជំទាវ អ៊ូយូ ខូចាអេសហ្វេ (Ulko Kocaefe) ឯកអគ្គរដ្ឋទូត និងលោកវរនាវីឯក លេវិន យិលម៉ាស (Levent YILMAZ) ប្រធានការិយាល័យអនុព័ន្ធយោធានៃសាធារណរដ្ឋតួកគីប្រចាំព្រះរាជាណាចក្រកម្ពុជា ចូលជួបសម្តែងការគួរសម និងបង្ហាញមុខ នៅទីស្ដីការក្រសួងការពារជាតិ។

ក្នុងជំនួបនោះ ឧត្តមសេនីយ៍ឯក រ៉ាត់ ដារ៉ារ័ត្ន បានបញ្ជាក់ថា ចាប់តាំងពីមានដំណើរទស្សនកិច្ចរបស់សម្តេចតេជោ ហ៊ុន សែន អតីតនាយករដ្ឋមន្ត្រី នៃព្រះរាជាណាចក្រកម្ពុជា ក្នុងឆ្នាំ២០១៩ រដ្ឋាភិបាលនៃប្រទេសទាំងពីរ បានជំរុញ និងបង្កើនទំនាក់ទំនងគ្នា ក្នុងការផ្លាស់ប្តូរទស្សនកិច្ចទៅវិញទៅមក ការផ្លាស់ប្តូរព័ត៌មានផ្នែកចារកម្ម បណ្ដុះបណ្ដាលធនធានមនុស្ស និងវិស័យឧស្សាហកម្មយោធាជាដើម និងនៅឆ្នាំ២០២០ សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានដឹកនាំប្រតិភូបំពេញទស្សនកិច្ចជាផ្លូវការ នៅសាធារណរដ្ឋតួកគី, ប្រមុខការពារជាតិ នៃប្រទេសទាំងពីរ ក៏បានផ្លាស់ប្តូរទស្សនៈគ្នាទៅវិញទៅមកផងដែរ។ ក្នុងឆ្នាំ២០២៤នេះ ការទំនាក់ទំនងកិច្ចសហប្រតិបត្តិការ រវាងប្រទេសទាំងពីរ បានជំរុញការអនុវត្តតាមការឯកភាពគ្នា រវាងថ្នាក់ដឹកនាំ នៃប្រទេសទាំងពីរ ហើយក៏ត្រូវបានចាប់ផ្តើមជាពិសេសនៅក្នុងឱកាសដែលលោកជំទាវឯកអគ្គរដ្ឋទូត និងលោកវរនាវីឯកអនុព័ន្ធយោធាតួកគីនៅក្នុងពេលនេះ។

ទន្ទឹមនឹងនេះ ឯកឧត្តមសង្ឃឹមយ៉ាងមុតមាំថា តាមរយៈនៃបេសកកម្មការទូតយោធារបស់លោកវរនាវីឯក អនុព័ន្ធយោធាតួកគីថ្មី ប្រចាំនៅកម្ពុជា ប្រាកដជាពង្រឹងពង្រីកកាន់តែមានភាពជិតស្និទ្ធថែមទៀត នូវកិច្ចទំនាក់ទំនងសហប្រតិបត្តិការ រវាងកងទ័ពប្រទេសទាំងពីរ កម្ពុជា និងតួកគី កាន់តែត្រូវបានពង្រឹងពង្រីកឥតឈប់ឈរ។

ជាកិច្ចឆ្លើយតប លោកជំទាវឯកអគ្គរដ្ឋទូត និងលោកវរនាវីឯក Levent YILMAZ អនុព័ន្ធយោធាតួកគី បានបញ្ជាក់ថា ប្រទេសកម្ពុជាបានបញ្ចប់សង្គ្រាមទទួលបានសន្តិភាព មានការវិវឌ្ឍរីកចម្រើនយ៉ាងឆាប់រហ័ស ដែលមិននឹកស្មានដល់។

ជាថ្មីម្ដងទៀត ឯកឧត្តម រ៉ាត់ ដារ៉ារ័ត្ន ក្នុងនាមថ្នាក់ដឹកនាំក្រសួងការពារជាតិកម្ពុជា បានជូនពរដល់លោកជំទាវ Ulko Kocaefe ឯកអគ្គរដ្ឋទូត និងលោកវរនាវីឯក Levent YILMAZ ប្រធានការិយាល័យអនុព័ន្ធយោធា នៃសាធារណរដ្ឋតួកគីប្រចាំនៅព្រះរាជាណាចក្រកម្ពុជា ទទួលបានជោគជ័យក្នុងបេសកកម្មការទូតនៅព្រះរាជាណាចក្រកម្ពុជា៕
Cr: ក្រសួងព័ត៌មាន 

camm

Recent Posts

Hayat Al-Sindi គឺជាវិទ្យាសាស្ត្រស្ត្រីអារ៉ាប់ដំបូងគេ ដែលក្លាយជាអ្នកច្នៃប្រឌិត និងអ្នកដឹកនាំដ៏ធំក្នុងវិស័យវិទ្យាសាស្ត្រ

លោកស្រី Dr. Hayat Al-Sindi កើតនៅ ថ្ងៃទី៦ ខែវិច្ឆិកា ឆ្នាំ១៩៦៧ ក្នុងទីក្រុង មាក្កះនៃប្រទេសអារ៉ាប៊ីសូឌីត។ គាត់បានមានឱកាសចាកចេញទៅសិក្សានិងបណ្តុះបណ្តាលផ្នែកភាសាសអង់គ្លេសនៅប្រទេសអង់គ្លេស (more…)

4 days ago

ម៉ាឡេស៊ី ស្នើឱ្យមានការបញ្ជូន និងដាក់ពង្រាយកងកម្លាំងទាហានពិសេសម៉ាឡេសុីនៅតំបន់ព្រំដែនជម្លោះកម្ពុជា-ថៃ ដើម្បីត្រួតពិនិត្របទឈប់បាញ់ និងធានាថាមិនមានការរំលោភលើកិច្ចព្រមព្រៀង

ម៉ាឡេស៊ី ស្នើឱ្យមានការបញ្ជូន និងដាក់ពង្រាយកងកម្លាំងទាហានពិសេសម៉ាឡេសុីនៅតំបន់ព្រំដែនជម្លោះកម្ពុជា-ថៃ ដើម្បីត្រួតពិនិត្របទឈប់បាញ់ និងធានាថាមិនមានការរំលោភលើកិច្ចព្រមព្រៀង (more…)

2 weeks ago

រដ្ឋាភិបាលជប៉ុន ផ្តល់ជំនួយ ១.៨លានដុល្លារអាមេរិក ដើម្បីឆ្លើយតបទៅនឹងតម្រូវការផ្នែកមនុស្សធម៌នៅកម្ពុជា ដែលកំពុងរងគ្រោះដោយសារជម្លោះព្រំដែនកម្ពុជា-ថៃ

រដ្ឋាភិបាលជប៉ុន ផ្តល់ជំនួយ ១.៨លានដុល្លារអាមេរិក ដើម្បីឆ្លើយតបទៅនឹងតម្រូវការផ្នែកមនុស្សធម៌នៅកម្ពុជា ដែលកំពុងរងគ្រោះដោយសារជម្លោះព្រំដែនកម្ពុជា-ថៃ (more…)

2 weeks ago

មកដឹងរឿងរ៉ាវដ៏អាថ៍កំបាំងរបស់ស្តេចស្រីហ្ពាល់គីស និងការព្រមទទួលយកសាសនាឥស្លាមតាមរយៈព្យាការីស៊ូឡៃម៉ាន.

បើយោងតាមឯកសារប្រវត្តិសាស្ត្រឥស្លាមជាច្រើនបានឱ្យដឹងថា មហាក្សត្រីយ៍នៃនគរសាហ្ពាក់ ឬគេស្គាល់ថា ស្តេចស្រីហ្ពាល់គីស គឺជាស្ត្រីដែលមានអំណាច (more…)

3 weeks ago

សាសនិកឥស្លាមនៅខេត្តកំពង់ឆ្នាំង ដឹកនាំគណៈអ៊ីម៉ាំខេត្តកំពង់ឆ្នាំងរួមគ្នាថ្វាយបង្គំ បួងសួង សុំពរជ័យពីអុលឡោះជាម្ចាស់ ជួយថែរក្សាទឹកដីកម្ពុជា

សាសនិកឥស្លាមនៅខេត្តកំពង់ឆ្នាំង ដឹកនាំគណៈអ៊ីម៉ាំខេត្តកំពង់ឆ្នាំងរួមគ្នាថ្វាយបង្គំ បួងសួង សុំពរជ័យពីអុលឡោះជាម្ចាស់ ជួយថែរក្សាទឹកដីកម្ពុជានិងជួយការពារឲ្យបានសេចក្ដីសុខ គ្រប់ប្រការជូន វីរជនកងទ័ពសមរភូមិមុខ កំពុងឈរជើងការ ពារទឹកដី ពីការឈ្លានពានរបស់ប្រទេសជិតខាង (more…)

3 weeks ago