ព័ត៌មានជាតិ

អត្តពលិកជនជាតិបង់ក្លាដែស Saiful Islam Shanto ដែលគ្រោងនឹងដើរដោយថ្មើរជើងឆ្លងកាត់ប្រទេសចំនួន១៩៣ ជុំវិញពិភពលោក ដើម្បីបំផុសគំនិតថែរក្សាដើមឈើ ការអភិរក្សបរិស្ថាន និងរបៀបរស់នៅប្រកបដោយផាសុកភាព បានមកដល់ប្រទេសកម្ពុជា

Spread the love
លោក Saiful Islam Shanto អត្តពលិកធ្វើដំណើរជុំវិញពិភពលោក ជនជាតិបង់ក្លាដែស ដែលគ្រោងនឹងដើរដោយថ្មើរជើងឆ្លងកាត់ប្រទេសចំនួន១៩៣ ជុំវិញពិភពលោក ដើម្បីបំផុសគំនិតអំពីការថែរក្សាដើមឈើ លើកកម្ពស់ការអភិរក្សបរិស្ថាន ទប់ស្កាត់ការឡើងកម្តៅផែនដី និងជម្រុញមនុស្សឱ្យមានរបៀបរស់នៅប្រកបដោយផាសុកភាព និងវិន័យ បានធ្វើដំណើរមកដល់ប្រទេសកម្ពុជា។

ក្នុងបេសកកម្ម «ដំណើរថ្មើរជើងជុំវិញពិភពលោក» (World Travel on Foot) ចាប់ផ្តើមនៅថ្ងៃទី២២ ខែមីនា ឆ្នាំ២០២៤ ដែលផ្តើមចេញពីទីក្រុងដាកា លោកមានគោលដៅធ្វើដំណើរឆ្លងកាត់ប្រទេស១៩៣ ក្នុងរយៈពេល ១២ឆ្នាំ ពោលគឺបញ្ចប់នៅកំឡុងឆ្នាំ២០៣៦។
លោក Shanto បានធ្វើដំណើរអស់រយៈពេលជាច្រើនខែរួចមកហើយ ដោយឆ្លងកាត់ប្រទេសបង់ក្លាដែស ឥណ្ឌា អ៊ូសបេគីស្ថាន តាហ្ស៊ីគីស្ថាន នេប៉ាល់ និងថៃ។ លោកបានមកដល់ប្រទេសកម្ពុជា នៅថ្ងៃទី១០ ខែមករា ឆ្នាំ២០២៥ ដែលជាប្រទេសទី៧ តាមច្រកទ្វារព្រំដែនអន្តោប្រវេសន៍ប៉ោយប៉ែត។ ហើយនឹងបន្តទៅកាន់ប្រទេសនៃតំបន់អាស៊ីអាគ្នេយ៍ដទៃទៀត រួមមាន ប្រទេសឡាវ វៀតណាម ម៉ាឡេស៊ី សិង្ហបុរី និងឥណ្ឌូនេស៊ី។
នៅក្នុងបទសម្ភាសន៍ជាមួយព័ត៌មានភ្នំពេញប៉ុស្ដិ៍ លោក Shanto បាននិយាយថា៖ “នេះមិនមែនគ្រាន់តែជាការខិតខំប្រឹងប្រែងផ្ទាល់ខ្លួនទេ តែវាជាបេសកកម្មមួយដើម្បីបំផុសការយល់ដឹងជាសកលអំពីការថែរក្សាព្រៃឈើ និងការប្រយុទ្ធប្រឆាំងនឹងការប្រែប្រួលអាកាសធាតុ”។ លោកក៏មានបំណងជំរុញមនុស្សឱ្យមានរបៀបរស់នៅប្រកបដោយសុខភាពល្អ និងវិន័យផងដែរ៕

Bangladeshi hiker Saiful Islam Shanto, center, is seen off by his family members as he begins his round-the-world journey in Dhaka on March 22, 2024. (AN Photo)

camm

Recent Posts

អ៊ីលហាន អូម៉ា ឈ្នះការបោះឆ្នោតឡើងវិញ ក្នុងមណ្ឌលទី៥ រដ្ឋមីនីសូតា សហរដ្ឋអាមេរិក

លោកស្រី អ៊ីលហាន អូម៉ា (Ilhan Omar) បេក្ខជនគណបក្សប្រជាធិបតេយ្យ និងជាអ្នកនយោបាយអាមេរិកកាន់សាសនាឥស្លាម បានឈ្នះការបោះឆ្នោតឡើងវិញ ក្នុងមណ្ឌលបោះឆ្នោតសភាតំណាងរាស្ត្រទី៥ នៃរដ្ឋមីនីសូតា ក្នុងការបោះឆ្នោតពាក់កណ្តាលអាណត្តិឆ្នាំ២០២៦។ (more…)

2 weeks ago

ស្ត្រីខ្មែរឥស្លាមម្នាក់ស្លាប់ក្នុងករណីឃាតកម្មដោយប្តីនៅខេត្តតាកែវ ខណៈនេះប្តីត្រូវបានឃាត់ខ្លួនហើយ

ខេត្តតាកែវ៖ យោងតាមរបាយការណ៍បឋមបានឲ្យដឹងថា កាលពីវេលាម៉ោង ១១:៣០នាទី ថ្ងៃទី២៩ ខែតុលា ឆ្នាំ២០២៦ មានករណីឃាតកម្មមួយកើតឡើងនៅភូមិព្រៃរំដេង ឃុំអង្គតាសោម ស្រុកត្រាំកក់ ខេត្តតាកែវ បណ្តាលឱ្យស្ត្រីម្នាក់ឈ្មោះ អ៊ែល ម៉ារីយ៉ាស់ ហៅ…

2 weeks ago

គណបក្សលីគូដរបស់លោក បេនចាមីន ណេតាន់យ៉ាហ៊ូ អះអាងថា កាតា និងតួកគី ផ្តល់ហិរញ្ញប្បទានដល់គណបក្សអារ៉ាប់ ក្នុងការបោះឆ្នោតនៅអ៊ីស្រាអែល

គណបក្សលីគូដ (Likud) របស់នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ បានចោទប្រកាន់ថា ប្រទេសកាតា និងតួកគី ត្រូវបានគេអះអាងថា បានផ្តល់មូលនិធិដល់គណបក្សអារ៉ាប់ ដែលចូលរួមក្នុងការបោះឆ្នោតនៅអ៊ីស្រាអែល។ (more…)

2 weeks ago

ជនជាតិចាមមូស្លីមនៅខេត្តអានយ៉ាង ប្រទេសវៀតណាម សម្តែងប្រារព្ធពិធីបុណ្យរ៉ាយ៉ាអ៊ីឌុលហ្វិត្រីនៅភូមិវប្បធម៌និងទេសចរណ៍ជាតិ

ជនជាតិចាមកាន់សាសនាឥស្លាមមកពីខេត្តអានយ៉ាង ប្រទេសវៀតណាម បានរៀបចំការសម្តែងឡើងវិញនូវពិធីបុណ្យរ៉ាយ៉ាអ៊ីឌុលហ្វិត្រី (Raya Aidil Fitri) នៅថ្ងៃទី២៥ ខែតុលា ឆ្នាំ២០២៦ នៅភូមិវប្បធម៌ និងទេសចរណ៍ជាតិរបស់វៀតណាម ក្នុងទីក្រុងហាណូយ។ (more…)

2 weeks ago

ស្ថានទូតម៉ាឡេស៊ីប្រចាំកម្ពុជា រៀបចំពិធីអបអរសាទរខួបលើកទី៦៩ នៃទិវាបុណ្យជាតិម៉ាឡេស៊ី

ភ្នំពេញ៖ នាល្ងាចថ្ងៃទី២៨ ខែតុលា ឆ្នាំ២០២៦ ស្ថានទូតម៉ាឡេស៊ីប្រចាំព្រះរាជាណាចក្រកម្ពុជា បានរៀបចំពិធីអបអរសាទរខួបលើកទី៦៩ នៃទិវាបុណ្យជាតិម៉ាឡេស៊ី ក្រោមអធិបតីភាព ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងឯកឧត្តម Shaharuddin Onn…

2 weeks ago

សោកនាដកម្មនៅប៉ាគីស្ថាន៖ សិស្សយ៉ាងតិច ២៧នាក់ និងគ្រូម្នាក់ស្លាប់ បន្ទាប់ពីដំបូលសាលារៀនបាក់សង្កត់

យ៉ាងហោចណាស់សិស្ស ២៧នាក់ ដែលភាគច្រើនមានអាយុក្រោម ១៣ឆ្នាំ និងគ្រូម្នាក់ បានស្លាប់ បន្ទាប់ពីដំបូលអគារសាលារៀនមួយបានបាក់រលំ ខណៈពួកគេកំពុងរៀនក្នុងថ្នាក់ នៅថ្ងៃថ្ងៃព្រហស្បតិ៍ នេះនៅទីក្រុងប៉េសាវ៉ា (Peshawar) ភាគខាងជើងប្រទេសប៉ាគីស្ថាន។ អាជ្ញាធរបារម្ភថា ចំនួនអ្នកស្លាប់អាចនឹងកើនឡើងបន្ថែមទៀត។ (more…)

1 month ago