កំពង់ឆ្នាំង៖ ជារៀងរាល់ឆ្នាំ សប្បុរសជនដែលរស់នៅសហរដ្ឋអាមេរិក តាមរយៈអង្គការមូលនិធិហ្សាកាត់សហរដ្ឋអាមេរិក (Zakat Foundation of America) តែងតែផ្តល់ជំនួយគាំទ្រដល់គម្រោងមនុស្សធម៌នានា ដែលជាការចូលរួមចំណែកអភិវឌ្ឍសហគមន៍នៅក្នុងប្រទេសកម្ពុជា។
ជាក់ស្តែង នាឱកាសពិធីបុណ្យរ៉យ៉ាហាជ្ជី ឆ្នាំ២០២៥ ដែលត្រូវបានប្រារព្ធកាលពីថ្ងៃទី៧ ខែមិថុនា កន្លងទៅ សប្បុរសជនសហរដ្ឋអាមេរិក តាមរយៈអង្គការមូលនិធិហ្សាកាត់សហរដ្ឋអាមេរិក (Zakat Foundation of America) បានចូលរួមបរិច្ចាគថវិកាដើម្បីទិញសត្វគោសម្លេះយកសាច់ចែកបងប្អូនខ្មែរឥស្លាមដែលមកពី២ភូមិ នៃខេត្តកំពង់ឆ្នាំង ដើម្បីចូលរួមអបអរសាទរពិធីបុណ្យហាជ្ជីនេះ។
ឯកឧត្តម ស្លេះ ណាស៊ី ទីប្រឹក្សាក្រសួងព័ត៌មាន និងជាប្រធានមជ្ឈមណ្ឌលព័ត៌មូស្លីមកម្ពុជា ដែលមជ្ឈមណ្ឌលនេះបានសហការជាមួយអង្គការមូលនិធិហ្សាកាត់សហរដ្ឋអាមេរិក (Zakat Foundation of America) បានមានប្រសាសន៍អោយដឹងក្នុងពិធីចែកសាច់គោកូរពាននេះថា ជាលើកទី១០ហើយ ដែលមជ្ឈមណ្ឌលព័ត៌មានមូស្លីមកម្ពុជាបានទទួលអនុវត្តគម្រោងចែកគោរកូរហ្ពានដែលផ្តល់ថវិកាពី អង្គការមូលនិធិហ្សាកាត់សហរដ្ឋអាមេរិក (Zakat Foundation of America) ដើម្បីចែកបងប្អូនខ្មែរឥស្លាមដែលមកពី២ភូមិ ស្ថិតនៅខេត្តកំពង់ឆ្នាំងនេះ។
ឯកឧត្តម បានសម្តែងនូវសេចក្តីសោមន្សរីករាយ និងថ្លែងអំណរគុណដល់សប្បុរសជនអាមេរិក ដែលបានចូលរួមបរិច្ចាកថវិកាក្នុងគម្រោងនេះ ក្នុងសារស្មារតីសាមគ្គី និងភាពជាបងប្អូនរួមសាសនា។ ឯកឧត្តម ស្លេះ ណាស៊ី ក៏បានចូលរួមរំលឹកដល់បងប្អូនដែលបានចូលរួមទទួលសាច់គោអោយចេះសាមគ្គីគ្នា និងចូលរួមវិភាគទានក្នុងការងារអភិវឌ្ឍន៍សហគមន៍ ពីព្រោះស្មារតីនៃបុណ្យហាជ្ជី ពិសេសការសំឡេះសត្វគោធ្វើកូរហ្ពាននេះ វាបានបង្ហាញនូវស្មារតីលះបង់ និងរួបរួមគ្នាក៏ដូចជាបង្ហាញនូវវប្បធម៌ចែករំលែកដែលឥស្លាមបានប្រៀនប្រដៅតាំងពីជំនាន់ព្យាការីអ៊ីព្រហ៊ីមមកម្លេះ។
ឯកឧត្តមក៏បានគោរពបួងសួងដល់អល់ឡោះជាម្ចាស់អោយប្រទានពរជ័យដល់ម្ចាស់ជំនួយ ហើយសង្ឃឹមយ៉ាងមុតមាំថា អង្គការមូលនិធិហ្សាកាត់សហរដ្ឋអាមេរិក (Zakat Foundation of America) នឹងបន្តជួយគម្រោងនេះ និងគម្រោងអភិវឌ្ឍន៍ផ្សេងៗទៀតក្នុងបុព្វហេតុសហគមន៍ និងប្រទេសជាតិរបស់យើង។
ជាមួយគ្នានោះ អ៊ីមាំមាស្ជិទ តំណាងប្រជាពលរដ្ឋដែលមកពី២ភូមិ នៃខេត្តកំពង់ឆ្នាំង ក៏បានសម្តែងនូវអំណរគុណយ៉ាងស្មោះអស់ពីដួងចិត្តថា ក្នុងនាមថ្នាក់ដឹកនាំភូមិ ខ្ញុំសូមថ្លែងអំណរគុណយ៉ាងជ្រាលជ្រៅចំពោះអង្គការមូលនិធិហ្សាកាត់សហរដ្ឋអាមេរិកដែលបានបន្តជួយគួរហ្ពានតាមរយៈមជ្ឈមណ្ឌលព័ត៌មូស្លីមកម្ពុជា (Zakat Foundation of America) និងម្ចាស់ជំនួយទាំងអស់ដែលបានគាំទ្រគម្រោងចែកកួរហ្ពានសម្រាប់ឆ្នាំ២០២៥នេះ។ សង្ឃឹមថា សេចក្តីដ៏សប្បុរសរបស់ម្ចាស់ជំនួយទាំងអស់ និងទទួលបាននូវសុភមង្គល និងរីកចម្រើនតទៅមុខទៀត។ ប្រជាពលរដ្ឋទាំងអស់នៃខេត្តកំពង់ឆ្នាំង ពិតជាសប្បាយរីករាយ ពីព្រោះនេះបង្ហាញពីការយកចិត្តទុកដាក់ និងពង្រឹងតម្លៃនៃការចែករំលែក និងសាមគ្គីភាព។
គួរបញ្ចាក់ថា គម្រោងចែកគោរកូរបានជាផ្នែកមួយនៃគម្រោងប្រចាំឆ្នាំក្នុងកម្មវិធីមនុស្សធម៌ដែលមជ្ឈមណ្ឌលព័ត៌មូស្លីមកម្ពុជា បាននឹងកំពុងអនុវត្តន៍ដោយមានកិច្ចសហប្រត្តិការជាមួយសប្បុរសជន និងអង្គការសមាគមក្រៅប្រទេស ក្នុងបំណងលើកកំពស់ស្មារតីរួមគ្នា និងចែករំលែកសម្រាប់សហគមន៍៕ ជាក់ស្តែង នាឱកាសពិធីបុណ្យរ៉យ៉ាហាជ្ជី ឆ្នាំ២០២៥នេះ សប្បុរសជនសហរដ្ឋអាមេរិក តាមរយៈអង្គការមូលនិធិហ្សាកាត់សហរដ្ឋអាមេរិក (Zakat Foundation of America) បានចូលរួមបរិច្ចាគថវិកាដើម្បីទិញសត្វគោសម្លេះយកសាច់ចែកបងប្អូនខ្មែរឥស្លាមដែលមកពី២ភូមិ នៃភូមិស្វាយប៉ាកាវ ឃុំតាជេស និងភូមិវាលកោងកាង ស្រុកកំពង់ត្រឡាច និងប្រជាពលរដ្ឋរស់នៅក្នុងភូមិជិតខាងសរុបចំនួន៥៨០គ្រួសារផងដែរ។
យ៉ាងហោចណាស់សិស្ស ២៧នាក់ ដែលភាគច្រើនមានអាយុក្រោម ១៣ឆ្នាំ និងគ្រូម្នាក់ បានស្លាប់ បន្ទាប់ពីដំបូលអគារសាលារៀនមួយបានបាក់រលំ ខណៈពួកគេកំពុងរៀនក្នុងថ្នាក់ នៅថ្ងៃថ្ងៃព្រហស្បតិ៍ នេះនៅទីក្រុងប៉េសាវ៉ា (Peshawar) ភាគខាងជើងប្រទេសប៉ាគីស្ថាន។ អាជ្ញាធរបារម្ភថា ចំនួនអ្នកស្លាប់អាចនឹងកើនឡើងបន្ថែមទៀត។ (more…)
នារសៀលថ្ងៃទី១៥ ខែតុលា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានជួបពិភាក្សាទ្វេភាគីជាមួយ ឯកឧត្តម Isaac Herzog ប្រធានាធិបតី អ៊ីស្រាអែល ក្នុងឱកាសនៃការអញ្ជើញបំពេញទស្សនកិច្ចផ្លូវការ និងចូលរួមកិច្ចប្រជុំកំពូល…
នៅថ្ងៃទី៩ ខែតុលា ឆ្នាំ២០២៦ ម៉ាឡេស៊ីបានសម្រេចបិទសាលារៀននៅរដ្ឋចំនួន៤ រួមមាន ចូហ័រ ម៉ាឡាកា នេហ្គឺរីសេមប៊ីឡាន និងសេឡាងហ្គ័រ ព្រមទាំងគូឡាឡាំពួរ ពូត្រាចាយ៉ា និងស្រុករ៉ុមពីន ដោយសារផ្សែងអ័ព្ទបង្កឱ្យគុណភាពខ្យល់ធ្លាក់ចុះដល់កម្រិតមិនល្អចំពោះសុខភាព។ (more…)
ប្រទេសម៉ាឡេស៊ីបានទទួលភ្ញៀវទេសចរអន្តរជាតិចំនួន ២៨,៨ លាននាក់ ក្នុងរយៈពេលពីខែមករា ដល់ខែសីហា ឆ្នាំ២០២៦ កើនឡើង ១,៨% បើធៀបនឹងរយៈពេលដូចគ្នាកាលពីឆ្នាំមុន។ តួលេខនេះបានធ្វើឱ្យម៉ាឡេស៊ីបន្តឈរនៅលំដាប់កំពូលក្នុងតំបន់អាស៊ីអាគ្នេយ៍ ខាងចំនួនភ្ញៀវទេសចរអន្តរជាតិ។ (more…)
អាកាសយានដ្ឋានអន្តរជាតិ King Khalid បានជូនដំណឹងថា ជើងហោះហើរមួយចំនួនអាចមានការយឺតយ៉ាវ ផ្លាស់ប្តូរកាលវិភាគ ឬត្រូវលុបចោល ដោយសារការវិវត្តន៍នៃស្ថានការណ៍ក្នុងតំបន់ និងការរឹតបន្តឹងលើដែនអាកាស។ (more…)
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីដ៏ខ្ពង់ខ្ពស់ ពិធីបើក “មហាសន្និបាត សហព័ន្ធអតីតយុទ្ធជនបណ្តាប្រទេសអាស៊ាន” លើកទី២៥ (VECONAC) ដែលកម្ពុជាធ្វើជាម្ចាស់ផ្ទះ ក្រោមប្រធានបទ៖ «ជាង៤ទសវត្សនៃសហព័ន្ធអតីតយុទ្ធជនអាស៊ាន៖ រួមគ្នាកសាងមិត្តភាព…