JEDDAH: ក្រោយពីកើតមានហេតុការណ៍មួយបង្កឡើងពីប្រជាជនដែលរស់នៅក្នុងប្រទេសស៊ុយអែតដោយបានដុតបំផ្លាញនូវគម្ពីរគួរអាននៅខាងក្រៅវិហារអ៊ីស្លាមកណ្តាលទីក្រុង Stockholm កាលពីថ្ងៃពុធ ទី២៨ ខែមិថុនា ចំថ្ងៃដែលមូស្លីមប្រារព្ធនូវពិធីបុណ្យថ្ងៃរ៉យ៉ាហាជ្ជីដំបូងរួចហើយនោះ បានធ្វើឱ្យអង្គការនៃកិច្ចសហប្រតិបត្តិការឥស្លាម(OIC) រួមជាមួយបណ្តាប្រទេសឥស្លាមជាច្រើនធ្វើការថ្កោលទោសយ៉ាងខ្លាំងទៅលើប្រទេសស៊ុយអែតចំពោះការបង្ហាញនូវទង្វើរដ៏អសីលធ៌មក៏ដូចជាការប្រមាថយ៉ាងធ្ងន់ធ្ងរមកលើសាសនាឥស្លាម ដែលបង្ករឱ្យមានអំពើស្អប់ខ្ពើមនិងញុះញង់ឱ្យមានការរើសអើងសាសនាលើពិភពលោក។ នេះបើយោងតាមការចុះផ្សាយដោយសារព័ត៌មាន Arab News នៅថ្ងៃទី២ ខែកក្កដា ឆ្នាំ២០២៣។
អ្នកនាំពាក្យអង្គការកិច្ចសហប្រតិបត្តិការឥស្លាម(OIC) បានឱ្យដឹងថា បន្ទាប់ពីកើតមានការដុតបំផ្លាញនូវគម្ពីគួរអានសារជាថ្មីក្នុងប្រទេសស៊ុយអែតកាលពីពេលកន្លងទៅរួចមក មេដឹកនាំដែលជាសមាជិកមួយចំនួននៃអង្គការ(OIC)បានបើកកិច្ចប្រជុំបន្ទាន់ដើម្បីពិភាក្សាអំពីផលវិបាកចំពោះបញ្ហាខាងលើនេះ រួមជាមួយវិធានការមួយចំនួនដែលត្រូវការដាក់ចេញក្នុងការប្រឆាំងនឹងទង្វើដ៏ឃោរឃៅចំពោះប្រទេសស៊ុយអែតដែលបានធ្វើមកលើអ្នកមូស្លីមលើពិភពលោក ជាពិសេសត្រូវមានការអនុម័តគោលជំហររួមមួយ លើដំណើរការចាំបាច់នៃសកម្មភាពផ្សេងៗដើម្បីទប់ទល់និងការរំលោភបំពាននៃសិទ្ធសេរីភាពខាងជំនឿដែលពួកគេកំពុងបង្ហាញពីការរំលោភច្បាប់អន្តរជាតិទាំងស្រុង ដោយបង្ហាញពីការប្រមាថ ការស្អប់ខ្ពើម និងការញុះញង់ឱ្យមានការរើសអើងជាតិសាសន៍និងសាសនា។
ប្រភពដដែលបានបន្តថា ឧបទ្ទវហេតុនេះក៏បានធ្វើឱ្យមានការខឹងសម្បារក្នុងប្រទេសដែលកាន់សាសនាឥស្លាមភាគច្រើនរួមមាន ប្រទេសទួរគីដែលជាសមាជិកអង្គការណាតូ អ៊ីរ៉ាក់ អ៊ីរ៉ង់ អារ៉ាប៊ីសាអូឌីត និងអេហ្ស៊ីប ម៉ារ៉ុក និងហ្ស៊កដានី ក្នុងនោះមានប្រទេសមួយចំនួនក៏បានផ្តាច់នូវទំនាក់ទំនងការទូតជាមួយប្រទេសស៊ុយអែតផងដែរ រួមជាមួយការកោះហៅឯកអគ្គរាជទូតប្រចាំប្រទេសរៀងៗខ្លួនដើម្បីចាត់មានវិធានការផ្លូវច្បាប់ផ្តល់នូវយុត្តិធ៌មដល់អ្នកមូស្លីមឡើងវិញ។ ហើយជាពិសេសពួកគេបានទាមទារឱ្យប្រទេសស៊ុយអែតត្រូវមានច្បាប់មួយដើម្បីការពារអ្នកមូស្លីមចំពោះការទទួលនូវការប្រមាថយ៉ាងអាម៉ាស់ដូចនេះម្តងហើយម្តងទៀតជាបបន្ទាន់ ធ្វើយ៉ាងណាកុំឱ្យកើតមានហេតុការណ៍បែបនេះជាបន្តទៀត។
គួរជម្រាបថា កាលពីខែមេសា ឆ្នាំ២០២២ កន្លងទៅ ក្រុមស្តាំនិយមជ្រុលស៊ុយអែតក៏ធ្លាប់បានប្រព្រឹត្តិនៅទង្វើរដ៏អសីលធ៌មដូចនេះនាពេលកន្លងមកផងដែរ បណ្តាលឱ្យប្រជាជនមូស្លីមស៊ុយអែតចំនួន៤០នាក់បានរងរបួសនៅក្នុងការតវ៉ាការប្រឆាំងបំផ្លាញនូវគម្ពីរគួរអាន ហើយក៏មានការថ្កោលទោសនិងធ្វើពហិការផលិតផលពីថ្នាក់ដឹកនាំមូស្លីមជាច្រើនកន្លងមកផងដែរ។
ឥណ្ឌា៖ មន្ត្រីបានប្រាប់ឲ្យដឹងថា មនុស្សយ៉ាងហោចណាស់ ២១នាក់ បានបាត់បង់ជីវិត ក្នុងហេតុការណ៍មានអគ្គិភ័យឆាបឆេះសណ្ឋាគារមួយកន្លែង នៅរដ្ឋធានីញូវដេលីរបស់ប្រទេសឥណ្ឌា នៅថ្ងៃពុធ ទី៣ ខែមិថុនា ឆ្នាំ២០២៦ នេះ។ (more…)
ថៃ៖ ដ្រូនអត្តឃាតមួយគ្រឿង ដែលហោះពីប្រទេសមីយ៉ាន់ម៉ា ចូលទឹកដីរបស់ថៃ បានផ្ទុះ បណ្តាលឲ្យពលរដ្ឋថៃ ៣នាក់ស្លាប់ និង ២នាក់ទៀត រងរបួសធ្ងន់។ ប្រភពពីសារព័ត៌មានThaiexaminer បានឲ្យដឹងថាហេតុការណ៍នេះ បានកើតឡើងនៅរសៀលថ្ងៃអង្គារ ទី២ ខែមិថុនា…
កិច្ចខិតខំប្រឹងប្រែងក្នុងការប្រយុទ្ធប្រឆាំងព័ត៌មានក្លែងក្លាយ មិន មែនគ្រាន់តែជាការកែតម្រូវព័ត៌មានមិនពិតបន្ទាប់ពីវាបានរីករាលដាលប៉ុណ្ណោះទេ ប៉ុន្តែ គឺជាការកសាងសង្គមដែលមានចំណេះដឹង លើក (more…)
Pursat Province: On the occasion of Eid al-Adha (Hajj Festival) 27 May 2026, donors from…
ពោធិ៍សាត់៖ ក្នុងឱកាសបុណ្យអ៊ីឌុលអាឌ្ហា ឬបុណ្យហាជ្ជី ឆ្នាំ២០២៦នេះ សប្បុរសជននៅ សហរដ្ឋអាមេរិក តាមរយៈអង្គការមូលនិធិហ្សាកាត់អាមេរិក( Zakat Foundation of America )បានបន្តផ្តល់ការគាំទ្រដល់ (more…)
ភ្នំពេញ៖ នៅព្រឹកថ្ងៃអង្គារ ទី២ ខែមិថុនា ឆ្នាំ២០២៦ សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីនៃព្រះរាជាណាចក្រកម្ពុជា បានអញ្ជើញធ្វើទស្សនកិច្ច នៅពិនិត្យមើលអគារថ្មីនៃអគ្គនាយកដ្ឋានពន្ធដារ ដែលស្ថិតនៅខណ្ឌជ្រោយចង្វារ រាជធានីភ្នំពេញ។ ពិធីនេះក៏មានការអញ្ជើញចូលរួមពី សមាជិក…