25 октября 2022 года. Встреча Председателя СФ с Генеральным секретарем Организации исламского сотрудничества
ដាកា៖ អគ្គលេខាធិការអង្គការសហប្រតិបត្តិការឥស្លាម OIC លោកបណ្ឌិត Hissein Brahim Taha បានអំពាវនាវរដ្ឋជាសមាជិកអង្គការទាំងអស់ អោយគាំទ្រករណីរបស់ហ្គាំប៊ីនៅតុលាការយុត្តិធម៌អន្តរជាតិ។ ការអំពាវនាវនេះ បានធ្វើឡើងក្នុងឱកាសដែលលោកបណ្ឌិតបានធ្វើទស្សនកិច្ចជំរុំជនភៀសខ្លួនរ៉ូហ៊ីងយ៉ា ក្នុងទីក្រុង Cox’s Bazar ដែលជាផ្នែកមួយនៃដំណើរទស្សនកិច្ចរយៈពេល៥ថ្ងៃ ទៅកាន់ប្រទេសបង់ក្លាដែស។ នេះបើតាមការផ្សាយដោយសារព័ត៌មាន Arab News នៅថ្ងៃទី៣០ ខែឧសភា ឆ្នាំ២០២៣។
ករណីហ្គាំប៊ី គឺជាការអនុវត្តន៍អនុសញ្ញាស្តីពីការទប់ស្កាត់ និងការដាក់ទណ្ឌកម្មនៃឧក្រិដ្ឋកម្មប្រល័យពូជសាសន៍ (The Gambia v. Myanmar) ដែលជាទូទៅគេហៅថា ករណីប្រល័យពូជសាសន៍រ៉ូហ៊ីងយ៉ា ដែលត្រូវបានតុលាការយុត្តិធម៌អន្តរជាតិ (ICJ) កំពុងបើកសវនាការ។ ករណីនេះត្រូវបានបញ្ជូនសំណុំរឿងដោយសាធារណរដ្ឋហ្គាំប៊ី ក្នុងនាមសមាជិកនៃអង្គការសហប្រតិបត្តិការអ៊ីស្លាម ក្នុងឆ្នាំ ២០១៩។
អគ្គលេខាធិការ OIC លោក Hissein Brahim Taha បានទៅដល់ប្រទេសបង់ក្លាដែសកាលពីថ្ងៃសៅរ៍ សប្តាហ៍មុន ហើយបានជួបជាមួយមន្ត្រីកំពូលរបស់ប្រទេស រួមទាំងនាយករដ្ឋមន្ត្រី Sheikh Hasina ផងដែរ។ ស្ថានភាពជនជាតិរ៉ូហ៊ីងយ៉ា ត្រូវបានពិភាក្សានៅក្នុងកិច្ចប្រជុំរបស់ លោកបណ្ឌិត Taha ជាមួយមន្ត្រីបង់ក្លាដែស។
ថ្លែងទៅកាន់អ្នកសារព័ត៌មាន បន្ទាប់ពីជួបជាមួយរដ្ឋមន្ត្រីការបរទេសបង់ក្លាដែស លោក A.K. Abdul Momen លោកបណ្ឌិត Taha បានលើកឡើងថា “រ៉ូហ៊ីងយ៉ា គឺជាបញ្ហាអាទិភាពកំពូលមួយសម្រាប់ OIC… ប្រជាជនរ៉ូហ៊ីងយ៉ាទាំងនេះកំពុងរងទុក្ខ។ ពួកគេសមនឹងទទួលបានសន្តិភាព សន្តិសុខ និងជីវិតកាន់តែប្រសើរឡើង”។ បន្ថែមពីនោះ អគ្គលេខាធិការអង្គការ OIC ក៏បានសន្យានឹងធ្វើឱ្យល្អបំផុតលើផ្នែករបស់ OIC ដើម្បីដោះស្រាយវិបត្តិរ៉ូហ៊ីងយ៉ាផងដែរ។
គួរជម្រាបថា ប្រទេសបង់ក្លាដែស មិនមែនជាប្រទេសហត្ថលេខីនៃអនុសញ្ញាស្តីពីជនភៀសខ្លួនរបស់អង្គការសហប្រជាជាតិ ឆ្នាំ១៩៥១ នោះទេ ប៉ុន្តែប្រទេសនេះបានចំណាយប្រាក់ប្រមាណ ១.២ពាន់លានដុល្លារក្នុងមួយឆ្នាំ ខណៈកំពុងទទួលជនភៀសខ្លួនរ៉ូហ៊ីងយ៉ា ដែលភាគច្រើនជាមូស្លីម ជាងមួយលាននាក់ ដែលបានភៀសខ្លួនចេញពីការបង្ក្រាបយ៉ាងឃោរឃៅពីសំណាក់យោធាមីយ៉ាន់ម៉ា ក្នុងរដ្ឋរ៉ាឃីន ប្រទេសមីយ៉ាន់ម៉ា កាលពីឆ្នាំ២០១៧៕
នៅរសៀលថ្ងៃអាទិត្យទី១៦ ខែកុម្ភៈ ឆ្នាំ២០២៦ ឯកឧត្តមបណ្ឌិត អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេស អញ្ជើញជាអធិបតី និងលោក អះម៉ាត់យ៉ះយ៉ា អារ៉ហ្វាត ភូឈួយទី១ នៃគណៈដឹកនាំជាន់ (more…)
ពិធីអ៊ិជទីម៉ាក ជួបជុំសាសនិកឥស្លាមដើម្បីបួងសួងសុំសេចក្តីសុខសន្តិភាពលើពិភពលោក ស្ថិតនៅវិហារឥស្លាម ភូមិទ្រាទី២ ឃុំទ្រា ស្រុកក្រូចឆ្មារ ខេត្តត្បូងឃ្មុំ មានប្រជាពលរដ្ឋសាសនិកឥស្លាមចូលរួមចំនួន ៩,៤២៩នាក់ មកពីទូទាំង ២៥រាជធានី ខេត្ត ក្រុង និងសាសនិកឥស្លាមបរទេស ចំនួន៤៨នាក់…
រាជធានីភ្នំពេញ៖ នារសៀលថ្ងៃអាទិត្យ ៦រោច ខែមាឃ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៨ ខែកុម្ភៈ ឆ្នាំ២០២៦ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា…
ត្បូងឃ្មុំ៖ ឯកឧត្តម ផារ៉ា មង្គល ប្រធានក្រុមការងារគណបក្សចុះមូលដ្ឋានស្រុកក្រូចឆ្មារ រួមជាមួយសហការី បានចុះជួបសំណេះសំណាល និងនាំយក កញ្ចប់អាហារស្រាយបួស ចែកជូនដល់ ហាកឹមម៉ាស្ជិតទាំង ២៥វិហារ ក្នុងស្រុកក្រូចឆ្មារ ក្នុងឱកាសអបអរសាទរ ខែរ៉ាម៉ាឌន…
តបតាមការអញ្ជើញរបស់ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ នាឱកាសដែលឯកឧត្តមបានចូលរួមកិច្ចប្រជុំមហាសន្និបាតលើកទី២៦ នៃអង្គការទេសចរណ៍សហប្រជាជាតិ (UN Tourism- 26th General Assembly) នៅរាជធានីរីយ៉ាដ ព្រះរាជាណាចក្រអារ៉ាប់ប៊ីសាអ៊ូឌីត កាលពីថ្ងៃទី១០…
(ភ្នំពេញ)៖ នាព្រឹកថ្ងៃអាទិត្យ ទី៨ ខែកុម្ភៈ ឆ្នាំ២០២៦ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម បានអនុញ្ញាតជូនឯកឧត្តម Waleed Nasser Alsheri ប្រធានក្រុមប្រឹក្សាធុរកិច្ចអារ៉ាប៊ីសាអូឌីត-កម្ពុជា និងគណៈប្រតិភូសភាពាណិជ្ជកម្មអារ៉ាប៊ីសាអូឌីត…