សាសនិកឥស្លាមកម្ពុជា ១២១០នាក់គ្រោងនឹង ទៅបំពេញកាតព្វកិច្ចហាជ្ជីនៅអារ៉ាប៊ីសាអូឌីត ក្នុងឆ្នាំ២០២៦នេះ

រដូវកាលពិធីបុណ្យហាជ្ជីនៃសាសនិកឥស្លាមបានជិតឈានចូលមកដល់។ សាសនិកឥស្លាមពីប្រទេសផ្សេងៗគ្នាទូទាំងពិភពលោក បានចាប់ផ្តើមធ្វើដំណើរទៅកាន់ប្រទេសអារ៉ាប៊ីសាអូឌីត ដើម្បីប្រណិប័តន៍ធម្មយាត្រាហាជ្ជី ដែលជាកាតព្វកិច្ច១ ក្នុងចំណោមកាតព្វកិច្ចទាំង៥ សម្រាប់សាសនិកឥស្លាមគ្រប់រូបដែលមានលទ្ធភាព។ ដោយឡែកនៅកម្ពុជា ក្នុងឆ្នាំ២០២៦នេះ មានសាសនិកឥស្លាមសរុប ១២១០នាក់ នឹងទៅបំពេញកាតព្វកិច្ចហាជី្ជនេះ ដោយនឹងចាប់ផ្តើមចេញដំណើរពីថ្ងៃទី១០ ខែឧសភាខាងមុខ នេះបើយោងតាមប្រភពព័ត៌មានដែលមជ្ឈព័ត៌មានមូស្លីមកម្ពុជាទទួលបាននៅថ្ងៃទី៦ ខែ ឧសភា ឆ្នាំ២០២៦។