កាលពីចុងសប្តាហ៍កន្លងទៅ ប្រទេសចំនួន៣រួមមាន៖ ម៉ាលី, ប៊ូគីណាហ្វាសូ, និងនីហ្សេ ដែលជាសមាជិករបស់សហភាពអាហ្វ្រិក បានប្រកាសដកខ្លួនចេញពីសហគមន៍សេដ្ឋកិច្ចនៃរដ្ឋអាហ្វ្រិកខាងលិច (ECOWAS) ដោយនិយាយថា ប្លុកនេះគឺស្ថិតនៅក្រោម “អំណាចបរទេស”។
សហគមន៍សេដ្ឋកិច្ចនៃរដ្ឋអាហ្វ្រិកខាងលិច (ECOWAS) បង្កើតឡើងនៅថ្ងៃទី២៨ ខែឧសភា ឆ្នាំ១៩៧៥ ដើម្បីជួយសម្រួលដល់កិច្ចសហការក្នុងវិស័យផ្សេងៗ រួមទាំងពាណិជ្ជកម្ម ហិរញ្ញវត្ថុ និងសន្តិសុខ ដើម្បីជំរុញស្ថិរភាព និងការអភិវឌ្ឍន៍នៅក្នុងតំបន់អាហ្វ្រិកខាងលិច។
ជុំវិញការប្រកាសដកខ្លួនរបស់សមាជិក លោក Moussa Faki Mahamat ប្រធានគណៈកម្មការសហភាពអាហ្រ្វិក បានសម្តែងនូវការសោកស្តាយ និងអំពាវនាវឱ្យមេដឹកនាំក្នុងតំបន់ បង្កើនកិច្ចសន្ទនារវាងថ្នាក់ដឹកនាំ ECOWAS និងប្រទេសទាំងបី។
នៅក្នុងសេចក្តីថ្លែងការណ៍ កាលពីថ្ងៃអង្គារ ដែលត្រូវបានដកស្រង់ផ្សាយដោយសារព័ត៌មាន Anadolu នៅថ្ងៃទី៣១ ខែមករា ឆ្នាំ២០២៤ លោក Moussa Faki Mahamat បានគូសបញ្ជាក់ថា គណៈកម្មការសហភាពអាហ្រ្វិកមានឆន្ទៈផ្តល់ជំនួយគ្រប់បែបយ៉ាងនៅក្នុងអំណាចរបស់ខ្លួន សម្រាប់ភាពជោគជ័យនៃការសន្ទនាជាបងប្អូន។
លោក Moussa Faki ក៏បានអំពាវនាវឱ្យមានកិច្ចខិតខំប្រឹងប្រែងរួមគ្នាដើម្បីឱ្យការរួបរួមដែលមិនអាចជំនួសបាននៃ ECOWAS ត្រូវបានថែរក្សា ហើយសាមគ្គីភាពនៃអាហ្វ្រិកត្រូវបានពង្រឹង។
ទំនាក់ទំនងរវាង ECOWAS និងប្រទេសទាំងបីមានភាពតានតឹងបន្ទាប់ពីប្លុកនេះបានដាក់ទណ្ឌកម្មយ៉ាងធ្ងន់ធ្ងរលើពួកគេ ក្រោយរដ្ឋប្រហារយោធានៅប្រទេសម៉ាលី ក្នុងឆ្នាំ ២០២០, ប៊ូគីណាហ្វាសូ ក្នុងឆ្នាំ២០២២, និងក្នុងប្រទេសនីហ្សេ កាលពីខែកក្កដាឆ្នាំមុន។
ប៉ុន្តែទោះបីយ៉ាងណា ECOWAS បាននិយាយថាប្រទេសទាំងបីនៅតែជាសមាជិកដ៏សំខាន់នៃសហគមន៍ ហើយប្រទេសនេះនៅតែប្តេជ្ញាចិត្តក្នុងការស្វែងរកដំណោះស្រាយចរចារចំពោះភាពជាប់គាំងនៃនយោបាយផងដែរ៕
យ៉ាងហោចណាស់សិស្ស ២៧នាក់ ដែលភាគច្រើនមានអាយុក្រោម ១៣ឆ្នាំ និងគ្រូម្នាក់ បានស្លាប់ បន្ទាប់ពីដំបូលអគារសាលារៀនមួយបានបាក់រលំ ខណៈពួកគេកំពុងរៀនក្នុងថ្នាក់ នៅថ្ងៃថ្ងៃព្រហស្បតិ៍ នេះនៅទីក្រុងប៉េសាវ៉ា (Peshawar) ភាគខាងជើងប្រទេសប៉ាគីស្ថាន។ អាជ្ញាធរបារម្ភថា ចំនួនអ្នកស្លាប់អាចនឹងកើនឡើងបន្ថែមទៀត។ (more…)
នារសៀលថ្ងៃទី១៥ ខែតុលា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានជួបពិភាក្សាទ្វេភាគីជាមួយ ឯកឧត្តម Isaac Herzog ប្រធានាធិបតី អ៊ីស្រាអែល ក្នុងឱកាសនៃការអញ្ជើញបំពេញទស្សនកិច្ចផ្លូវការ និងចូលរួមកិច្ចប្រជុំកំពូល…
នៅថ្ងៃទី៩ ខែតុលា ឆ្នាំ២០២៦ ម៉ាឡេស៊ីបានសម្រេចបិទសាលារៀននៅរដ្ឋចំនួន៤ រួមមាន ចូហ័រ ម៉ាឡាកា នេហ្គឺរីសេមប៊ីឡាន និងសេឡាងហ្គ័រ ព្រមទាំងគូឡាឡាំពួរ ពូត្រាចាយ៉ា និងស្រុករ៉ុមពីន ដោយសារផ្សែងអ័ព្ទបង្កឱ្យគុណភាពខ្យល់ធ្លាក់ចុះដល់កម្រិតមិនល្អចំពោះសុខភាព។ (more…)
ប្រទេសម៉ាឡេស៊ីបានទទួលភ្ញៀវទេសចរអន្តរជាតិចំនួន ២៨,៨ លាននាក់ ក្នុងរយៈពេលពីខែមករា ដល់ខែសីហា ឆ្នាំ២០២៦ កើនឡើង ១,៨% បើធៀបនឹងរយៈពេលដូចគ្នាកាលពីឆ្នាំមុន។ តួលេខនេះបានធ្វើឱ្យម៉ាឡេស៊ីបន្តឈរនៅលំដាប់កំពូលក្នុងតំបន់អាស៊ីអាគ្នេយ៍ ខាងចំនួនភ្ញៀវទេសចរអន្តរជាតិ។ (more…)
អាកាសយានដ្ឋានអន្តរជាតិ King Khalid បានជូនដំណឹងថា ជើងហោះហើរមួយចំនួនអាចមានការយឺតយ៉ាវ ផ្លាស់ប្តូរកាលវិភាគ ឬត្រូវលុបចោល ដោយសារការវិវត្តន៍នៃស្ថានការណ៍ក្នុងតំបន់ និងការរឹតបន្តឹងលើដែនអាកាស។ (more…)
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីដ៏ខ្ពង់ខ្ពស់ ពិធីបើក “មហាសន្និបាត សហព័ន្ធអតីតយុទ្ធជនបណ្តាប្រទេសអាស៊ាន” លើកទី២៥ (VECONAC) ដែលកម្ពុជាធ្វើជាម្ចាស់ផ្ទះ ក្រោមប្រធានបទ៖ «ជាង៤ទសវត្សនៃសហព័ន្ធអតីតយុទ្ធជនអាស៊ាន៖ រួមគ្នាកសាងមិត្តភាព…