សហព័ន្ធកម្មករដឹកជញ្ជូនផ្លូវទឹកឥណ្ឌា ដែលជាសហជីពដ៏ធំមួយមានសមាជិកជាង 3,500 នាក់ នៅកំពង់ផែចំនួន១១ នៃប្រទេសឥណ្ឌា បានសម្រេចចិត្តមិនទទួលនិងមិនបញ្ជូនចំពោះការដឹកជញ្ជូនអាវុធយោធាសម្រាប់អ៊ីស្រាអែល នៅកំពង់ផែណាមួយនៅក្នុងប្រទេសនេះ។ នេះបើតាមការផ្សាយដោយទីភ្នាក់ងារសារព័ត៌មាន Anadolu នៅថ្ងៃទី១៩ ខែកុម្ភៈ ឆ្នាំ២០២៤។
លោក Narendra Rao អគ្គលេខាធិការសហជីព ក្នុងការផ្តល់បទសម្ភាសន៍តាមទូរស័ព្ទជាមួយ Anadolu បាននិយាយថា “យើងបានសម្រេចចិត្តមិនទទួល ឬមិនបញ្ជូននាវាដឹកទំនិញដែលមានអាវុធ ប្រសិនបើនាវាណាមួយមកដល់។ ប៉ុន្តែរហូតមកដល់ពេលនេះ មិនទាន់មានកប៉ាល់ប្រភេទនេះមកដល់ទេ។ ហើយប្រសិនបើមកដល់ យើងនឹងធ្វើពហិការតែម្តង”។
លោក Rao បានបន្តថា សហព័ន្ធមានទំនាក់ទំនងជាមួយសហព័ន្ធសហជីពពិភពលោក ហើយកាលពីប៉ុន្មានខែមុន សហជីពមកពីកំពង់ផែ និងផ្នែកចតជុំវិញពិភពលោក បានសម្រេចចិត្តមិនគ្រប់គ្រងកប៉ាល់ណាដែលផ្ទុកអាវុធសម្រាប់អ៊ីស្រាអែលនៅកំពង់ផែរៀងៗខ្លួន។
លោកបានបន្ថែមថា៖ កម្មករនៅកំពង់ផែ ដែលជាផ្នែកមួយនៃសហជីពកម្មករតែងតែប្រឆាំងនឹងសង្គ្រាម និងការសម្លាប់ជនស្លូតត្រង់ ដូចស្ត្រី និងកុមារ។ ដោយនៅក្នុងសេចក្តីថ្លែងការណ៍មួយ កាលពីថ្ងៃពុធ សហជីពបានអំពាវនាវឱ្យមានបទឈប់បាញ់ជាបន្ទាន់នៅក្នុងតំបន់ហ្គាហ្សាស្ទ្រីបដែលត្រូវបានឡោមព័ទ្ធ។
អ៊ីស្រាអែលបានវាយលុកតំបន់ Gaza Strip ចាប់តាំងពីមានការវាយប្រហាររបស់ក្រុមហាម៉ាស់ កាលពីថ្ងៃទី៧ ខែតុលា។ ការវាយប្រហាររបស់អ៊ីស្រាអែលជាបន្តបន្ទាប់បានសម្លាប់មនុស្សជិត 29,000 នាក់ និងបណ្តាលឱ្យមានការបំផ្លិចបំផ្លាញយ៉ាងច្រើន និងកង្វះខាតសម្ភារៈប្រើប្រាស់ ខណៈដែលជនជាតិអ៊ីស្រាអែលតិចជាង 1,200 នាក់ត្រូវបានគេជឿថាត្រូវបានសម្លាប់នៅក្នុងការវាយប្រហាររបស់ក្រុមហាម៉ាស។
យោងតាមអង្គការសហប្រជាជាតិ សង្គ្រាមអ៊ីស្រាអែលលើតំបន់ហ្គាហ្សាបានរុញច្រានប្រជាជន 85% នៃទឹកដីឱ្យផ្លាស់ទីលំនៅខាងក្នុងចំពេលមានការខ្វះខាតស្បៀងអាហារ ទឹកស្អាត និងថ្នាំពេទ្យ ខណៈដែល 60% នៃហេដ្ឋារចនាសម្ព័ន្ធនៃតំបន់ជុំវិញត្រូវបានខូចខាត ឬបំផ្លាញ៕
លោកស្រី អ៊ីលហាន អូម៉ា (Ilhan Omar) បេក្ខជនគណបក្សប្រជាធិបតេយ្យ និងជាអ្នកនយោបាយអាមេរិកកាន់សាសនាឥស្លាម បានឈ្នះការបោះឆ្នោតឡើងវិញ ក្នុងមណ្ឌលបោះឆ្នោតសភាតំណាងរាស្ត្រទី៥ នៃរដ្ឋមីនីសូតា ក្នុងការបោះឆ្នោតពាក់កណ្តាលអាណត្តិឆ្នាំ២០២៦។ (more…)
ខេត្តតាកែវ៖ យោងតាមរបាយការណ៍បឋមបានឲ្យដឹងថា កាលពីវេលាម៉ោង ១១:៣០នាទី ថ្ងៃទី២៩ ខែតុលា ឆ្នាំ២០២៦ មានករណីឃាតកម្មមួយកើតឡើងនៅភូមិព្រៃរំដេង ឃុំអង្គតាសោម ស្រុកត្រាំកក់ ខេត្តតាកែវ បណ្តាលឱ្យស្ត្រីម្នាក់ឈ្មោះ អ៊ែល ម៉ារីយ៉ាស់ ហៅ…
គណបក្សលីគូដ (Likud) របស់នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ បានចោទប្រកាន់ថា ប្រទេសកាតា និងតួកគី ត្រូវបានគេអះអាងថា បានផ្តល់មូលនិធិដល់គណបក្សអារ៉ាប់ ដែលចូលរួមក្នុងការបោះឆ្នោតនៅអ៊ីស្រាអែល។ (more…)
ជនជាតិចាមកាន់សាសនាឥស្លាមមកពីខេត្តអានយ៉ាង ប្រទេសវៀតណាម បានរៀបចំការសម្តែងឡើងវិញនូវពិធីបុណ្យរ៉ាយ៉ាអ៊ីឌុលហ្វិត្រី (Raya Aidil Fitri) នៅថ្ងៃទី២៥ ខែតុលា ឆ្នាំ២០២៦ នៅភូមិវប្បធម៌ និងទេសចរណ៍ជាតិរបស់វៀតណាម ក្នុងទីក្រុងហាណូយ។ (more…)
ភ្នំពេញ៖ នាល្ងាចថ្ងៃទី២៨ ខែតុលា ឆ្នាំ២០២៦ ស្ថានទូតម៉ាឡេស៊ីប្រចាំព្រះរាជាណាចក្រកម្ពុជា បានរៀបចំពិធីអបអរសាទរខួបលើកទី៦៩ នៃទិវាបុណ្យជាតិម៉ាឡេស៊ី ក្រោមអធិបតីភាព ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងឯកឧត្តម Shaharuddin Onn…
យ៉ាងហោចណាស់សិស្ស ២៧នាក់ ដែលភាគច្រើនមានអាយុក្រោម ១៣ឆ្នាំ និងគ្រូម្នាក់ បានស្លាប់ បន្ទាប់ពីដំបូលអគារសាលារៀនមួយបានបាក់រលំ ខណៈពួកគេកំពុងរៀនក្នុងថ្នាក់ នៅថ្ងៃថ្ងៃព្រហស្បតិ៍ នេះនៅទីក្រុងប៉េសាវ៉ា (Peshawar) ភាគខាងជើងប្រទេសប៉ាគីស្ថាន។ អាជ្ញាធរបារម្ភថា ចំនួនអ្នកស្លាប់អាចនឹងកើនឡើងបន្ថែមទៀត។ (more…)