សម្តេចកិត្តិសង្គហបណ្ឌិត ម៉ែន សំអន ៖ សុខដុមនីយកម្មសាសនានៅកម្ពុជា នាំឲ្យគ្រប់សាសនាទាំងអស់អាចប្រារព្ធពិធីសាសនារៀងៗខ្លួន

Spread the love

សម្តេចកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច តំណាងដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានអញ្ជើញជាអធិបតីក្នុងពិធីសូត្រលើកទី៣០ និងសូត្រចាំមាត់លើកទី៤ គម្ពីរអាល់គួរអានុលការីម ថ្នាក់ជាតិ ឆ្នាំ២០២៣ ក្រោមប្រធានបទ សាសនាឥស្លាម ចូលរួមប្រយុទ្ធប្រឆាំងនឹងការជួញដូរមនុស្ស និងទាសភាពសម័យទំនើប ដែលបានរៀបចំឡើងនៅវិហារធំគីឡូម៉ែត្រលេខ៩ ភូមិ៣ សង្កាត់ច្រាំងចំរេះទី១ ខណ្ឌឫស្សីកែវ រាជធានីភ្នំពេញ នារសៀល ថ្ងៃអាទិត្យ ២ កើត ខែជេស្ឋ ឆ្នាំថោះ បញ្ចស័ក ព.ស.២៥៦៧ ត្រូវថ្ងៃទី២១ ខែឧសភា ឆ្នាំ២០២៣ ។

សម្តេចកិត្តិសង្គហបណ្ឌិត បានពាំនាំនូវការផ្តាំផ្ញើរសាកសួរសុខទុក្ខពីសម្តេចតេជោ និងសម្តេចកិត្តិព្រឹទ្ធបណ្ឌិត ជូនដល់អង្គពិធីទាំងមូលដោយក្តីនឹករលឹក និងការគិតគូអំពីសុខទុក្ខប្រជាពលរដ្ឋនៅគ្រប់ទីកន្លែង និងចូលរួមអបអរសាទរដល់ម្ចាស់ជ័យលាភីដែលទទួលបានចំណាត់ថ្នាក់ក្នុងថ្ងៃនេះ ។

ថ្លែងក្នុងឱកាសនោះផងដែរ សម្តេចកិត្តិសង្គហបណ្ឌិត បានសម្តែងនូវការកោតសរសើរចំពោះ ឯកឧត្តម ឈិត សុខុន រដ្ឋមន្ត្រីក្រសួងធម្មការ និងសាសនា និងថ្នាក់ដឹកនាំគ្រប់លំដាប់ថ្នាក់ ដែលបានសហការយ៉ាងជិតស្និទ្ធជាមួយ គណៈដឹកនាំជាន់ខ្ពស់នៃសាសនាឥស្លាមកម្ពុជា រៀបចំពិធីសូត្រគម្ពីរអាល់កួរអាននេះឡើង ដែលបង្ហាញពីការយកចិត្តទុកដាក់ខ្ពស់របស់រាជរដ្ឋាភិបាល ចំពោះបងប្អូនសាសនិកឥស្លាម។ និងបានថ្លែងនូវការកោតសរសើរ ចំពោះ អ្នកឧកញ៉ា សុះ កំរ៉ី ចាងហ្វាងនៃគណៈដឹកនាំជាន់ខ្ពស់នៃសាសនាឥស្លាមកម្ពុជា ព្រមទាំងថ្នាក់ដឹកនាំសាសនាឥស្លាម គ្រប់ជាន់ថ្នាក់ ដែលបានខិតខំប្រឹងប្រែងធ្វើការរួមគ្នា ក្នុងការបំពេញតួនាទីរបស់ខ្លួន រហូតសម្រេចបាននូវសមិទ្ធផលជាច្រើនគួរឱ្យកត់សម្គាល់ ជូនសហគមន៍ឥស្លាម ដើម្បីរួមចំណែកក្នុងការអភិវឌ្ឍប្រទេសជាតិ។

សម្តេចកិត្តិសង្គហបណ្ឌិត ក៏បានបន្តទៀតថា ជារៀងរាល់ឆ្នាំ រាជរដ្ឋាភិបាលដែលមានក្រសួងធម្មការ និងសាសនា ជាសេនាធិការបានសហការ និងគាំទ្រចំពោះការជួបជុំគ្នារបស់បងប្អូនសាសនិកឥស្លាម ដើម្បីប្រារព្វពិធីប្រពៃណីផ្សេងៗរបស់សាសនាឥស្លាម។ នេះជាសក្ខីភាពបង្ហាញអំពីការយកចិត្តទុកដាក់ខ្ពស់របស់រាជរដ្ឋាភិបាលចំពោះសាសនិកឥស្លាមកម្ពុជា ស្របតាមគោលនយោបាយសុខដុមនីយកម្មជាតិ និងសាសនា ដែលមានសកម្មភាពយ៉ាងផុលផុស និងសស្រាក់សស្រាំបំផុតនាពេលបច្ចុប្បន្ន។

សម្តេចកិត្តិសង្គហបណ្ឌិត បានបន្តទៀតថា នូវប្រធានបទឆ្នាំនេះ ជាការចូលរួមក្នុងចលនារក្សាគុណតម្លៃជាតិ ការចូលរួមបង្ការ ទប់ស្កាត់ លុបបំបាត់ ប្រយុទ្ធប្រឆាំងការជួញដូរមនុស្ស និងទាសភាពសម័យទំនើបក្នុងជួរសាសនិកឥស្លាម ដែលជាការកសាងមោទនភាពជាតិនៅមូលដ្ឋានសហគមន៍របស់បងប្អូន។ ការលើកកម្ពស់កិត្យានុភាពសាសនា រក្សាបាននូវប្រពៃណីវប្បធម៌សុខដុមនីយកម្មជាតិសាសន៍ និងសាសនា បាននាំមកនូវសហគមន៍ជឿនលឿន សង្គមរីកចម្រើន ដោយអាស្រ័យទៅលើសុខសន្តិភាព សុវត្ថិភាព ដែលផ្ដើមចេញពីយើងទាំងអស់គ្នា ហើយទាំងនេះ គឺជាផ្នែកមួយនៃផ្លែផ្កា និងអំណោយផលដល់ការប្រែក្លាយប្រទេសជាតិទៅកាន់វឌ្ឍនភាព ភាពរីកចម្រើនឥតឈប់ឈរ៕

camm

Next លោកសាន់យូ អភិបាលរងខេត្ត និងជាតំណាងដ៏ខ្ពង់ខ្ពស់ឯកឧត្តម ស៊ុន សុវណ្ណារិទ្ធអភិបាលនៃគណៈអភិបាលខេត្ត បានអញ្ជើញជាធិបតីនៅក្នុងពិធីសំណេះសំណាលជាមួយប្រជាពលរដ្ឋ ៤០៨ គ្រួសារ »

Previous « គណៈកម្មការរៀបចំពិធីសូត្រលើកទី៣០ និងការសូត្រចាំមាត់លើកទី០៤ គម្ពីរអាល់គួរអាននុលការីមថ្នាក់ជាតិ ឆ្នាំ២០២៣

Published by

camm

3 years ago

សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា អញ្ជើញសំណេះសំណាលជាមួយក្រុមប្រឹក្សាខេត្ត ក្រុង-ស្រុក-ឃុំ-សង្កាត់ និងថ្នាក់ដឹកនាំមន្ទីរ អង្គភាពនានាជុំវិញខេត្តក្រចេះ ថ្ងៃចន្ទទី០៦ ខែកក្កដា ឆ្នាំ២០២៦

នៅព្រឹកថ្ងៃចន្ទទី០៦ ខែកក្កដា ឆ្នាំ២០២៦នេះ សម្ដេច អគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានចុះជួប (more…)

2 days ago

ព័ត៌មានជាតិ

អគ្គីភ័យបានឆេះបំផ្លាញផ្ទះរបស់ប្រជាពលរដ្ឋអស់ចំនួន២១ផ្ទះ នៅសង្កាត់ស្វាយប៉ាក់

លោក ជិន ប៊ុនធឿន អភិបាលខណ្ឌឫស្សីកែវ បានដឹកនាំកំលាំងគណៈបញ្ជាការឯកភាពខណ្ឌ សហការជាមួយការិយាល័យបង្ការ សង្គ្រោះ និងពន្លត់អគ្គិភ័យនៃស្នងការនគរបាលរាជធានីភ្នំពេញ បានចេញអន្តរាគមន៍ករណីអគ្គិភ័យ កំពុងឆាបឆេះរបស់ប្រជាពលរដ្ឋ ស្ថិតនៅភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ។ (more…)

2 days ago

ព័ត៌មានអន្តរជាតិ

អាមេរិកបារម្ភថា អ៊ីស្រាអែលអាចមានផែនការសម្លាប់មន្ត្រីចរចាកំពូលរបស់អ៊ីរ៉ង់ អំឡុងកិច្ចពិភាក្សាបទឈប់បាញ់

សារព័ត៌មាន The New York Times បានរាយការណ៍កាលពីថ្ងៃព្រហស្បតិ៍ ដោយដកស្រង់ប្រភពមន្ត្រីអាមេរិកបច្ចុប្បន្ន និងអតីតមន្ត្រីអាមេរិកថា រដ្ឋាភិបាលសហរដ្ឋអាមេរិកធ្លាប់មានការព្រួយបារម្ភថា អ៊ីស្រាអែលអាចកំពុងរៀបចំផែនការសម្លាប់មន្ត្រីចរចាជាន់ខ្ពស់របស់អ៊ីរ៉ង់ ក្នុងអំឡុងពេលកិច្ចចរចាដ៏រសើបស្តីពីបទឈប់បាញ់ ដែលបានចាប់ផ្តើមកាន់តែសកម្មនៅដើមឆ្នាំនេះ។ (more…)

5 days ago

ព័ត៌មានជាតិ

ខេត្តកោះកុងប្រកាសតែងតាំងគណៈអ៊ីម៉ាំខេត្តថ្មី ដើម្បីបន្តបម្រើសហគមន៍ខ្មែរឥស្លាម

កោះកុង៖ រដ្ឋបាលខេត្តកោះកុង សហការជាមួយគណៈដឹកនាំជាន់ខ្ពស់នៃសាសនាឥស្លាមកម្ពុជា បានប្រកាសតែងតាំងលោក ឡោះ ម៉ាន ជាប្រធានគណៈអ៊ីម៉ាំខេត្តកោះកុងថ្មី នៅថ្ងៃទី២ ខែកក្កដា ឆ្នាំ២០២៦ ដើម្បីបន្តដឹកនាំ និងបម្រើការងារសាសនាជូនសហគមន៍ខ្មែរឥស្លាម បន្ទាប់ពីថ្នាក់ដឹកនាំជំនាន់មុនបានទទួលមរណភាព។ (more…)

5 days ago