សមិទ្ធផលភូមិគំរូ តម្លៃប្រមាណ៤៣ម៉ឺនដុល្លារ នៅស្រុកសៀមបូក ខេត្តស្ទឹងត្រែង ជាអំណោយសប្បុរសជនប៉ារ៉ែនត្រូវសម្ពោធដាក់ឲ្យប្រើប្រាស់ជាផ្លូវការ
ស្ទឹងត្រែង៖ ភូមិគំរូមួយ ដែលមានសមិទ្ធផលផ្សេងៗ រួមមាន សាលារៀន មណ្ឌលសុខភាព សូរ៉ាវ អណ្ដូងទឹកស្អាត និង ផ្ទះឈើផ្ទាល់ដី ៥០ខ្នង តម្លៃសរុប៤៣០,០០០ដុល្លារអាមេរិក ត្រូវបានផ្តល់ជូនប្រជាពលរដ្ឋខ្វះខាត ស្ថិតនៅភូមិអូរឬស្សីកណ្ដាល ឃុំអូរឬស្សីកណ្ដាល ស្រុកសៀមបូក ខេត្តស្ទឹងត្រែង ដែលជាអំណោយសប្បុរសជន ប្រទេសប៉ារ៉ែន តាមរយៈអង្គការបេសកកម្មសប្បុរសធម៌ សហការជាមួយសមាគមក្ដីសង្ឃឹម នៃពិភពលោក ប្រទេសតួកគី ។ កម្មវិធីសម្ពោធជាផ្លូវការត្រូវបានធ្វើឡើងនៅថ្ងៃទី២១ វិច្ឆិកា ឆ្នាំ ២០២៣ ក្រោមអធិបតីភាព ឯកឧត្តម បណ្ឌិត អូស្មាន ហាស្សាន់ ទេសរដ្ឋមន្រ្តីទទួលបន្ទុកបេសកកម្មពិសេស និងជាប្រធានអង្គការមូលនិធិអភិវឌ្ឍន៍មុស្លីមកម្ពុជា។
