ម៉ាឡេស៊ី៖ រដ្ឋាភិបាលម៉ាឡេស៊ីពិចារណាបន្តបេសកកម្មមនុស្សធម៌ក្នុងការនាំយកជនស៊ីវិលប៉ាឡេស្ទីនដែលរងរបួសពីការវាយពីសំណាក់អ៊ីស្រាអែលនៅហ្គាហ្សា ដើម្បីមកព្យាបាលក្នុងប្រទេស។ នេះបើតាមការលើកឡើងរបស់ រដ្ឋមន្ត្រីការពារជាតិ Datuk Seri Mohamed Khaled Nordin ក្នុងឱកាសចូលរួមពិធីអបអរខែជាតិថ្នាក់ក្រសួង ដែលត្រូវបានដកស្រង់ចុះផ្សាយដោយសារព័ត៌មាន NST Online នៅថ្ងៃទី១៩ ខែសីហា ឆ្នាំ២០២៤។
រដ្ឋមន្ត្រីការពារជាតិ Datuk Seri Mohamed Khaled Nordin បាននិយាយថា រហូតមកដល់ពេលនេះ ការនាំយកជនស៊ីវិលប៉ាឡេស្ទីនមកព្យាបាលនៅមានកំណត់ ដោយសារវាមិនងាយស្រួលក្នុងការជួយសម្រួលដល់ការមកដល់របស់ពួកគេ។
កាលពីថ្ងៃសុក្រសប្តាហ៍មុន ជនស៊ីវិលប៉ាឡេស្ទីន ៤១នាក់ដែលរងរបួសក្នុងការវាយប្រហាររបស់អ៊ីស្រាអែលលើតំបន់ហ្គាហ្សា អមដោយសាច់ញាតិរបស់ពួកគេចំនួន ៨៦នាក់ បានមកដល់មូលដ្ឋានទ័ពអាកាស Subang ដោយសុវត្ថិភាព តាមរយៈយន្តហោះ Airbus A400M ចាកចេញពីមូលដ្ឋានអាកាស Almaza ក្នុងប្រទេសអេហ្ស៊ីប។
បេសកកម្មនេះបានធ្វើឡើងបន្ទាប់ពីការប្រកាសរបស់នាយករដ្ឋមន្រ្តី Anwar Ibrahim នៅឯការជួបជុំសាមគ្គីភាពប៉ាឡេស្ទីនកាលពីថ្ងៃទី៤ ខែសីហា នៅទីក្រុងគូឡាឡាំពួ ដែលគាត់បាននិយាយថា ប្រទេសនេះនឹងផ្តល់ការព្យាបាលដល់ជនស៊ីវិលប៉ាឡេស្ទីនដែលរងរបួស។
គួរជម្រាបថា ការវាយប្រហារដ៏ឃោរឃៅរបស់អ៊ីស្រាអែលលើតំបន់ហ្គាហ្សា បន្ទាប់ពីហេតុការណ៍ ៧ តុលាមក បានសម្លាប់ជនជាតិប៉ាឡេស្ទីនកើនឡើងដល់ជាង ៤០,០០០នាក់ ខណៈអ្នករងរបួសជាង ៩២,០០០នាក់ ដែលភាគច្រើនជាជនស៊ីវិល៕
Rendering of the Ho Chi Minh City-Moc Bai Expressway project set to streamline transport between…
អ្នកគាំទ្រក្រុមជម្រើសជាតិកូរ៉េខាងត្បូង បានគ្រវីទង់ជាតិប៉ាឡេស្ទីន អំឡុងពេលក្រុមទាំងពីជួបគ្នាក្នុងការប្រកួតជម្រុះនៃពានរង្វាន់ World Cup ជាមួយប៉ាឡេស្ទីន ក្នុងទីក្រុងសេអ៊ូល កាលពីថ្ងៃព្រ.ហ ទី៥ ខែកញ្ញា កន្លងទៅ ដែលជាកាយវិកាបង្ហាញពីសាមគ្គីភាពជាមួយនឹងប្រជាជនប៉ាឡេស្ទីន។ នេះបើតាមការផ្សាយដោយកាសែត The Siasat…
ម៉ារ៉ុក៖ អាជ្ញាធរនៃប្រទេសម៉ារ៉ុក កាលពីថ្ងៃអាទិត្យ ទី៨ ខែកញ្ញា បានប្រាប់ទីភ្នាក់ងារសារព័ត៌មាន AFP ថាមនុស្ស ១១នាក់បានស្លាប់ និង ៩នាក់បានបាត់ខ្លួននៅក្នុងគ្រោះទឹកជំនន់ដែលបណ្តាលមកពីបាតុភូតអាកាសធាតុ នៅក្នុងតំបន់ភាគខាងត្បូងប្រទេស។ (more…)
ដាកា៖ ប្រមុខរដ្ឋាភិបាលបណ្តោះអាសន្នបង់ក្លាដែស ដែលទើបកាន់តំណែង លោក មូហាំម៉ាត់យូនូស បានអំពាវនាវឱ្យមានការតាំងទីលំនៅជាបន្ទាន់ សម្រាប់ជនភៀសខ្លួនរ៉ូហ៊ីងយ៉ាទៅកាន់ប្រទេសទីបី ដោយសារតែចំនួនជនភៀសខ្លួនកំពុងកើនឡើង ដោយសារអំពើហិង្សានៅរដ្ឋរ៉ាឃីន ប្រទេសភូមា ។ នេះបើតាមាការចុះផ្សាយដោយសារព័ត៌មាន Reuters នៅថ្ងៃទី០៨ ខែកញ្ញា…
(ភ្នំពេញ)៖ នាព្រឹកថ្ងៃពុធ ទី៤ ខែកញ្ញា ឆ្នាំ២០២៤ នៅទីស្តីការក្រសួងពាណិជ្ជកម្ម លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម និងជាប្រធាន គ.ត.ផ.ហ.ក. បានអញ្ជើញដឹកនាំកិច្ចប្រជុំគណៈកម្មាធិការត្រួត (more…)
ប្រជាជនប៉ាឡេស្ទីននៅតំបន់ហ្គាហ្សាទទួលបានជំនួយមនុស្សធម៌ តាមរយៈការទម្លាក់ពីយន្តហោះយោធារបស់ប្រទេសហ្ស៊កដានី។ នៅក្នុងសេចក្តីថ្លែងការណ៍មួយកាលពីថ្ងៃចន្ទ កងកម្លាំងយោធាហ្ស៊កដានី បាននិយាយថា ការទម្លាក់ជំនួយមនុស្សធម៌តាមយន្តហោះដែលធ្វើឡើងនៅក្នុងតំបន់ដែលក្បួនយន្តហោះមិនអាចទៅដល់នោះ ត្រូវបានបញ្ចប់ជាមួយនឹងយន្តហោះប្រភេទ C130 ចំនួនពីរគ្រឿង ពីកងទ័ពអាកាស Royal Jordanian។ នេះបើតាមការផ្សាយដោយសារព័ត៌មានចិន Xinhua នៅថ្ងៃទី៣…