ព័ត៌មានជាតិ

មន្ត្រីជាន់ខ្ពស់សាសនិកឥស្លាមកម្ពុជា៖ ក្នុងចំណោមអ្នកស្លាប់ទាំង ១.៣០១នាក់នៃពិធីបុណ្យហាជ្ជ នៅប្រទេសអារ៉ាប៊ីសាអូឌីតដោយសារកម្តៅនោះ គឺគ្មានសាសនិកឥស្លាមកម្ពុជាម្នាក់ឡើយ

Spread the love

ភ្នំពេញ ÷ ក្នុងឱកាសនៃការអញ្ជើញទទួលស្វាគមន៍ នៃការវិលត្រឡប់ជាបណ្តើរៗរបស់សាសនិកឥស្លាមក្រោយការបំពេញកាតព្វកិច្ចក្នុងពិធីបុណ្យហាជ្ជ នៅប្រទេសអារ៉ាប៊ីសាអូឌីត ដល់អាកាសយានដ្ឋានអន្តរជាតិភ្នំពេញកាលពីល្ងាចថ្ងៃទី២៥ ខែមិថុនា ឆ្នាំ២០២៤ ឯកឧត្តមបណ្ឌិត អូស្មាន ហាស្សាន់ ទេសរដ្ឋមន្ត្រី និងជាថ្នាក់ដឹកនាំជាន់ខ្ពស់សាសនិកឥស្លាមកម្ពុជាបានមានប្រសាសន៍បញ្ជាក់ឲ្យអ្នក សារព័ត៌មានដឹងថា ជុំវិញដំណឹងដែលថា ក្នុងព្រឹត្តិការណ៍នៃពិធីបុណ្យហាជ្ជប្រចាំឆ្នាំ នៅប្រទេសអារ៉ាប៊ីសាអូឌីតរយៈ ពេលប៉ុន្មានថ្ងៃកន្លងទៅនេះ ដោយសារការកើនឡើងនូវកម្តៅបានឆក់យកអាយុជីវិតមនុស្សចំនួន ១.៣០១ នាក់នោះគឺជាការពិត។ តែក្នុងចំណោមអ្នកស្លាប់ទាំង ១.៣០១ នាក់នោះ គឺគ្មានសាសនិកឥស្លាមកម្ពុជាសូម្បីតែម្នាក់។ មានអ្នកស្លាប់ម្នាក់ដែរ តែមិនមែនស្លាប់ដោយសាររលកកម្តៅទេ គឺគាត់ស្លាប់ដោយសារជម្ងឺសួត រ៉ាំរ៉ៃ ។

ឯកឧត្តមបានបញ្ជាក់បន្តថា អ្នកដែលបានស្លាប់ដោយ សារការឡើងកម្តៅខ្ពស់ក្នុងអំឡុងពេលនៃពិធីបុណ្យហាជ្ជនេះ គឺពួកគាត់ភាគច្រើនជាអ្នកទេសចរ ឬជាអ្នកទៅប្រកបមុខរបរផ្សេងៗហើយបានឆ្លៀតឱកាសចូលរួមក្នុងពិធីបុណ្យនេះជាមួយនឹងគេក្នុងចំណោមអ្នកចូលរួមផ្លូវការ ឬ ហៅថាជាអ្នកចូលរួមដោយស្របច្បាប់ប្រមាណជាង ១លាន៨ សែននាក់ មកពីបណ្តាប្រទេសនានានៅជុំវិញពិភពលោក ដែលអ្នកទៅដោយស្របច្បាប់ទាំងនេះគេមានកន្លែងស្នាក់ នៅត្រឹមត្រូវ មានអ្នកមើលថែសុខភាពជាប្រចាំ គឺពុំមានបញ្ហាគ្រោះថ្នាក់ដល់អាយុជីវិតដោយសារការកើនកម្តៅនោះទេ។ តែផ្ទុយទៅវិញអ្នកដែលទៅចូលរួមដោយពុំស្របច្បាប់បានបាត់បង់ជីវិតរហូត ដល់ទៅ ១.៣០១នាក់ដ៏គួរឱ្យសោកស្តាយជាទីបំផុត។

ឯកឧត្តមបណ្ឌិត អូស្មាន ហាស្សាន់ ទេសរដ្ឋមន្ត្រី ទទួលបន្ទុកបេសកកម្មពិសេស និងជាថ្នាក់ដឹកនាំជាន់ខ្ពស់សាសនិកឥស្លាមកម្ពុជាបានឱ្យដឹងថា សម្រាប់ឆ្នាំ២០២៤ នេះ សាសនិកឥស្លាមកម្ពុជា ដែលបានអញ្ជើញទៅបំពេញកាតព្វកិច្ចសម្រាប់ពិធីបុណ្យហាជ្ជប្រចាំឆ្នាំ នៅប្រទេសអារ៉ាប៊ីសាអូឌីតមានចំនួន ៩១០នាក់ ដោយក្នុងម្នាក់ៗត្រូវចំណា យថវិកាផ្ទាល់ខ្លួនប្រមាណ ៦.០០០ដុល្លារ អាម៉េរិក សរុបការចំណាយមានប្រមាណ ៥.៥លានដុល្លារអាម៉េរិក ហើយក្នុងចំណោមទាំង ៩១០ នាក់នេះ កម្ពុជាក៏ទទួលបាននូវការឧបត្ថម្ភពីព្រះមហាក្សត្រអារ៉ាប់ប៊ីសាអូឌីតរួមនិងព្រះរាជទាយាទ ចំនួន ១៩នាក់ផងដែរ។ ឯកឧត្តមបណ្ឌិតបន្តថា អាស្រ័យដោយកម្ពុជាមានសុខសន្តិភាព ក្រោមការកសាងឡើងដោយអតីតនាយករដ្ឋមន្ត្រីកម្ពុជា គឺសម្តេចតេជោ ហ៊ុន សែន ព្រមទាំងថ្នាក់ដឹកនាំផ្សេងៗទៀតធ្វើឱ្យសេដ្ឋកិច្ចរបស់ប្រទេសជាតិក៏ដូចជាសហគមន៍ និងក្រុមគ្រួសាររបស់បងប្អូនប្រជាពលរដ្ឋ ក្នុងនោះក៏មានក្រុមគ្រួសារនៃបងប្អូនសាសនិកឥស្លាម កម្ពុជាផងដែរ ទើបពួកគាត់មានលទ្ធភាពទៅចូលរួមក្នុងពិធីបុណ្យហាជ្ជប្រចាំឆ្នាំនៅប្រទេសអារ៉ាប៊ីសាអូឌីតបាន ហើយក្នុងចំនួនកើនឡើងជាបន្តបន្ទាប់ពីមួយឆ្នាំទៅមួយឆ្នាំ។

ឯកឧត្តមបណ្ឌិត អូស្មាន ហាស្សាន់ បានឱ្យដឹងផងដែរថា ចាប់ពីថ្ងៃទី៣០ ខែមិថុនាដល់ថ្ងៃទី១៥ ខែកក្កដា ឆ្នាំ២០ ២៤នេះ បងប្អូនសាសនិកឥស្លាមកម្ពុជាទាំងជាង ៩០០ នាក់នឹងត្រូវវិលត្រឡប់ពី ពិធីបុណ្យហាជ្ជវិញទាំងអស់គ្នា ខណៈដែលអ្នកវិលត្រឡប់មកដល់មាតុប្រទេសវិញនាថ្ងៃ នេះមានចំនួន១៩នាក់ គឺជាភ្ញៀវពិសេសរបស់ព្រះមហា ក្សត្រអារ៉ាប់ប៊ីសាអូឌីត៕
Cr: BTV

camm

Recent Posts

អារ៉ាប៊ីសាអូឌីតផ្តល់ជំនួយជាសម្ភារៈបរិក្ខាគិតជាទឹកប្រាក់ប្រមាណ៨ម៉ឺនដុល្លារអាមេរិកដល់សាកលវិទ្យាល័យកម្ពុជា គ្រប់គ្រង និង បច្ចេកវិទ្យា(CUMT) ដើម្បីធ្វើទំនើបកម្ម និងបង្កើនសមត្ថភាពលើការបណ្តុះបណ្តាលនិស្សិតកម្រិតឧត្តមសិក្សានៅកម្ពុជា

ភ្នំពេញ កម្ពុជា៖ មជ្ឈមណ្ឌលព្រះចៅសាល់ម៉ានដើម្បីជំនួយសង្គ្រោះ និងការងារមនុស្សធម៌ (KSRelief) នៃព្រះរាជាណាចក្រអារ៉ាប៊ីសាអូឌីត បានផ្តល់ជំនួយជាថវិកា និងសម្ភារៈបរិក្ខាក្នុងតម្លៃសរុបប្រមាណ 80,000 (more…)

20 hours ago

Cambodia and Thailand to ink accord at ASEAN Summit to end border conflict, says minister

Foreign Minister Prak Sokhonn (front row, 3-L) attends a four-party meeting with Malaysian, US and…

3 days ago

យន្តហោះ Boeing ធ្លាក់ចេញពីផ្លូវរត់ បុករថយន្តបណ្តាលឲ្យស្លាប់មនុស្ស ២ នាក់នៅហុងកុង !

ពិតជារឿងដ៏កម្រមួយ! យន្តហោះដឹកទំនិញរបស់ក្រុមហ៊ុន Emirates ប្រតិបត្តិការណ៍ដោយ ACT Air Cargo បានជួបគ្រោះថ្នាក់ធ្លាក់ចេញពីផ្លូវរត់ទៅបុករថយន្តផ្នែកសេវាកម្ម បណ្តាលឱ្យមនុស្ស២នាក់បានស្លាប់ នៅពេលចុះចតនៅឯព្រលានយន្តហោះអន្តរជាតិហុងកុង នៅព្រលឹមថ្ងៃចន្ទនេះ ហើយភ្លាមៗយន្តហោះនោះបានធ្លាក់ចូលសមុទ្រតែម្តង ។ (more…)

3 days ago

សមត្ថកិច្ច​ ឃាត់ជនបរទេសចំនួន​ ២៩០នាក់ ពាក់ព័ន្ធស្នាក់នៅ និងធ្វើការខុសច្បាប់នៅខេត្តព្រះសីហនុ

ខេត្តព្រះសីហនុ​ ៖ បន្ទាប់ពីមានផ្ទុះការតវ៉ារវាងក្រុមជនជាតិប៉ាគីស្ថាន និងបង់ក្លាដេស ប្រឆាំងនឹងជនជាតិចិន ដែលប្រើពាក្យប្រមាថជាតិសាសន៍នៅកន្លែងធ្វើការ នៅក្នុងក្រុងព្រះសីហនុ​ កាលពីយប់ថ្ងៃទី៤​ ឈានចូលថ្ងៃទី៥​ ខែតុលា​ ឆ្នាំ​២០២៥ ។ (more…)

2 weeks ago

រដ្ឋមន្ត្រី​ក្រសួង​វប្បធម៌​និង​វិចិត្រសិល្បៈ​ ជួប​សំណេះសំណាលជាមួយអ្នកបន្តវេនជំនាញវិជ្ជាជីវៈដូនតា ជំនាញ​ធ្វើ​សាជី​ នៅ​ស្រុក​កំពង់ត្រឡាច​

កំពង់ឆ្នាំង៖ នាព្រឹកថ្ងៃសៅរ៍ ទី៤​ ខែតុលា​ ឆ្នាំ២០២៥ ​លោក​ជំទាវ​បណ្ឌិត​សភាចារ្យ​ ភឿង​ សកុណា​ រដ្ឋមន្ត្រី​ក្រសួង​វប្បធម៌​និង​វិចិត្រសិល្បៈ​ រួមជាមួយថ្នាក់ដឹកនាំខេត្តកំពង់ឆ្នាំង បានជួបសំណេះសំណាលជាមួយអ្នកគ្រូ ខាត ម៉ៃនះ ជាគ្រូបង្គោលបណ្តុះបណ្តាលជំនាញវិជ្ជាជីវៈដូនតា ដល់សិស្សក្រីក្រនៅក្នុងសហគមន៍…

2 weeks ago

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកព្រះរាជអំណោយដ៏ឧត្តុង្គឧត្តមរបស់ សម្តេចព្រះមហាក្សត្រី ព្រះវររាជមាតាជាតិខ្មែរ មកចែកជូនប្រជានុរាស្ត្រងាយរងគ្រោះបំផុត ដែលបានទទួលរងគ្រោះដោយទឹកជំនន់ចំនួន ១.៨០០គ្រួសារ មកពីភូមិចំនួន១៤ ក្នុងឃុំចំនួន៣ នៃស្រុកត្បូងឃ្មុំ ខេត្តត្បូងឃ្មុំ …!!

បន្ទាប់ពីបានទទួលព្រះរាជទ្រព្យដ៏ឧត្តុង្គឧត្តមចំនួន ២ម៉ឺនដុល្លារអាម៉េរិក របស់សម្តេចព្រះមហាក្សត្រី ព្រះវររាជមាតាជាតិខ្មែរ ព្រះប្រធានកិត្តិយសកាកបាទក្រហមកម្ពុជា ជាទីសក្ការៈដ៏ខ្ពង់ខ្ពស់បំផុត ភ្លាមៗនៅព្រឹកថ្ងៃអាទិត្យ ទី៥ ខែតុលា ឆ្នាំ២០២៥នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា…

2 weeks ago